Тюку ирийна нюртей яляхана ӈармбэй ненэциена ӈарка ялям’ мэ’’ӈаваць. Ӈарка хибярина тарця ялям’ харто’ илӈганандо’, манзаравахандо’ недво’’мы’’ ӈэ’’ним. Мал’’ пыдо’ харто’ ӈэсынандо’ ӈэя, маркана ӈэя манзаравандо’ мальӈгана ныхыдо’ нись’ сяй сававна манзараць.
талеева
Маня’’ округханана сяӈгова соявы’’, вадюданвы’’, тикахад’ ӈока по’’ ямбан манзаравы’’ хибяри’’ ханяӈыдо’ теда лаханась Архангельск’ маркана илевамдо’ мэ’’ӈадо’. Хибяхова таня манзаравась хаяць, хибяхова таняна хардадамдо’ тэмдась пенсиян’ тарпась илелъядаць, хибяхова нюдо’ нядабась тикы маркана иле’’.
Маня’’ яхадана хэвы’’ нина’’ харто’ общественный организациямдо’ сертавыць, ханяна ӈопой я’тер’’ хибяри’’ ӈобкана ма’’люрцеты’’. Луца’’ вадавна манзь – землячество. Тарця землячестводо’ ненецие округхад’ хэвы’’ хибяри’’ таня. «Тосавэй» – тарем’ нюмдевы.
