Вы здесь

Ӈэрм’ ненэця’’ тарана сер’’

Всероссийской ассоциацияна’’ координационной Совет пудана ма’’лёвада Красноярск’ маркана ваерась. Таняна Григорий Ледков манзарась  няха’’та едэй проектм’, луца’ вадавна хэтась – проект по развитию малой авиации манэ’’лабтась.

«Ханий» ӈэрм’ я’ е’’эмня
- Авиацияхана «Ханий» нюбета’ ниня ӈарка тиртя’ ӈано ӈадимя. Тарця тиртя’ ӈано ӈэрм’ яхана мэ’’ма’ е’’эмня саць серо’’ӈа. Кумертау’ маркана «Ротор» опытно-конструкторской бюрохона сертавы, - тарця юн’  Григорий Ледков няха’’та тэврась. – Едэй ӈадимы тиртя’ ӈано мирта няхар’’ миллион’ селкой. Ӈэрм’ яхана мэ’’ма’ е’’эмня саць серо’’ӈа.
Хойхана мюсерта ненэцяӈгаха’’на’’ серота. Тарця тиртя’ ӈанокоця хойхана мюсерта’’ хибярихи’’на тарана, лекарь’’, ветеринар’’ манзаяхана сава ӈэвдя. Ӈэрм’ ненэця’’ илӈгана лэркабт’’ ӈадимы’’ сер’’ танесеты’’. Ханяна хибяри юхуда, юхувы хибярим’ пюрць таравада ӈарка, ты’’ хадырма’ ям’ манэ’’сармахана серо’’ӈа, та’ мальӈгана я’ паранава’ ёльцяӈгана нядаӈгода.
«Ханий» мерця яӈгобнанда, саць тэцьда яляхана тирта’’. Тарця тиртя’  ӈанохона аэродром ни’’ тара’’. Сырэй’ мальӈгана «Ханий» ламба’’ ниня ну, та’ мальӈгана ит’ ӈамдурта. Ӈэдалёрмада ӈопой сясхана 120 километр, тирманда хун’ ёнар’’ километр.  
- Едэй ӈадимы тиртя’ ӈанохона ӈока бензин ни’’ тара: «Ханий» 95 бензин’ мэта, ӈопой сяс’ тирма’ е’’эмня 14 литр тара, есян’ таслась 700 селкой. Теда’ тарабнанда, ӈэрм’ ненэця’’ вертолет мэ’’ӈа’’, тикы мирета сер’’.
- Тарця тиртя ӈанокоцям’ ӈэрм’ ненэця’’ ассоциацияна’’ программавна тэмдаваць, по’ ямбан’ мирта янамбовна салдабиваць, - Григорий Ледков тарця вади’’ хэтась. – Теда’ «Ханий» мэ’’ӈава’’, тирӈава’’. Сава ӈэбнанда, тарця тиртя’ ӈанокоци Ямалкана хойхана мюсерта’’ ненэця’’ е’’эмня тэмдавась ятна’’.

Сянва’’,  толаӈгува’’
Тамна Координационной советхана нина’’  тарця серм’ таслаць. Северо-Западной федеральной округхана сяӈок толырто’ тянё ненэця’’ иле’’, тикым’ таслава’ е’’эмня народной перепись проектм’ хамадаби’’. Сяӈок ӈэрм’ ненэця’’ тикы яхана иле’’, толаӈгудо’.
Григорий Ледков вадавна: - Яханана’’ сяӈок толырто’ тянё ненэця’’ иле’’ таслась таравам’ ервуна’’ хамадабидо’, валакада манзая’’ ни’’ мий’’, иб’ ӈод’’ тикы яна ӈарка ерв’ табекова.
Хибяри’’ толыр таслава’’ сер’ нямна Законопроект’ танебнанда’ ӈод’’ хусувэй манзаи’’ общественной организация’’, хибяри харто’ сертабаӈгудо’. Маня’’ манзаи’’ сертаӈгуна’’, сян’ ӈэвава’’ хар’’на’’ падӈгува’’. Тикы маня’’ общественной инициативава’’.
Ӈарка ассоциацияна’’ вице-президентаӈэ Северо-Западной федеральной округхад Юрий Хатанзейской тара, пыда вадавнанда: - Перепись – хибяри’’ толыр’’ тасламбава’ манзая’’ тарем’ ваераӈгу’’- нерде’ манзарава’’ е’’эмня группам’ таслаӈгува’’, тикахад’ тикы нерде таневы’ перепись падро’ манэць, ӈамгэ’ нямна хибяри’’ хонрабӈгу’’ листок хамадась, таняна манзаравнда хибяри’’ таслась, перепись’ сертась, тикы нерде’ таравнда информациям’ ма’’лась. Сертанда манзаяда ӈока. Яханана’’ манзаям’ сертась хибярина’’ хамады’’.
Координационной советхана манзаравы тарем’ тасладонзь- СЗФО’ хавна ненэцие’’ толыр’’ тамна няхар’’ регионхана таслась – Командор яхана Свердловской, Томской областьхана, Тюменской область районхана. 


Перевод на русский язык

Важные вопросы северян

Григорий Ледков, уроженец Нарьян-Мара, депутат Госдумы шестого и седьмого созывов, президент Ассоциации коренных малочисленных народов Севера, Сибири и Дальнего Востока (АКМНСС и ДВ РФ) представил новый проект по развитию малой арктической авиации.

«Птенец» для Арктики
Ледков рассказал, что самолет сверхлегкой авиации безаэродромного базирования «Птенец» будет использоваться для помощи оленеводам ЯНАО. Летательный аппарат закупила АКМНСС и ДВ РФ.
– Самолет полностью адаптирован к работе в условиях Арктики, – сообщил Григорий Петрович на прошедшем в Красноярске расширенном заседании Координационного совета АКМНСС и ДВ. – Его стоимость – около 3 млн рублей. С помощью новой техники можно оказывать медицинскую и ветеринарную помощь общинам оленеводов в тундре. Самолет может вести мониторинг оленьих пастбищ в случае пожаров и других происшествий.
У «Птенца» – закаленный характер. Он взлетит и в минус сорок, ведь у него есть предпусковой подогреватель двигателя. Плюс, летательному аппарату не нужен аэродром. Зимой самолет для взлетов и посадок использует лыжи, а летом – поплавки. Средняя скорость – 120 километров в час, дальность полета – тысяча километров. На час лета нужно 14 литров 95-го бензина (около 700 рублей). Это куда дешевле специального авиационного топлива.
Если опыт эксплуатации будет успешным, то такими машинами планируется оснастить десятки оленеводческих бригад ЯНАО.

Посчитаем себя сами
Большой интерес участников заседания Координационного Совета вызвал вопрос о проведении пилотного проекта народной переписи коренных малочисленных народов в Северо-Западном федеральном округе (СЗФО).
– Все органы власти понимают, что вопрос надо решать, но работа не двигается, несмотря на то, что у нас есть поручение главы государства, – отмечает Григорий Ледков. – Формирование подобной базы данных даже с принятием законопроекта будет, так или иначе, основываться на данных граждан и общественных организаций. Мы возьмем и перепишем себя сами. Это наша общественная инициатива.
По словам вице-президента АКМНСС и ДВ РФ по СЗФО Юрия Хатанзейского, перепись пройдет в несколько этапов: создание рабочей группы, анализ предыдущих результатов переписи, разработка опросных листов, подготовка интервьюеров и контролеров, проведение переписи, сбор допинформации в профильных ведомствах, проверка достоверности данных и составление реестра.
Участники Координационного совета приняли к сведению информацию о предстоящей переписи и выступили с инициативой дополнительно провести перепись коренных малочисленных народов еще в трех регионах России.