Вы здесь

Вадава’’ лэтрахава’’

Ӈоб’’ мэва’ аграрно-экономической техникумана’’ вындер’ хибяри’’ ма’’лава то’’олхась. Ӈэрм’ я’ тер’’ ненэця’’ мэта’’ ембдяро’ хибяри’’ ӈобкана ма’’лэйдаць. Харто’ ямдо’ мэнена’’, я’’авлада’’ ненэця’ тэнзхад перена’’ пирибця’’, наны’’ ӈэвыць. Пыдо’ «Вадава’’ лэтрахава’’» конкурс’ мэ’’манзь ма’’люрӈаць.

Тарця конкурсм’ яханана’’ мале самлязимдеймэвна ваерась. Округна’’ средней учебной заведение’’ мякана тоходанна’’ ӈацекы’’ е’’эмня хамадамбада пирдырма. Ӈацекына’’ пирдырмаханандо’ манэ’’лабтамбидо’ – ханзер’’ пыдо’ харто’ вадамдо’, культурамдо’ теневадо’. Тарця пирдырман’ ивъер’ хамадёсеты’’, ехэранамдо’ теневанахат хонрабсетыдо’, хардахана сертамбада манзаидо’ тэврасеты’’.
Тюку’ мэвахана хардахана сертавнда манзаядо’ тарцясь: хусувэдо’ харта паӈгута’ нямна вадам’ хамадабнанда, ненэця’ вада’ нямна яӈга литературам’ толабнандо’ тарась, тикахад викторина хонаркован’ харто’ ибедормидо’ падбато’, ненэця’ вадавна лаханаком’ манэ’’лабтась.
«Вадава’’ лэтрахава’’» пирдырма сава ихиня ваерась. Конкурсхана нертей местам’ техникумхана тоходанна’’ ханаць. «Харп»’ нюбета команда нердесь, хусувэй хамадавы манзаидо’ мэкадувна сертавыць. Колледжхана тоходаннина’’ ӈани’’ пэдоваць, «Нув’ сёяр’’» команда нябимдейӈэ хаясь. Пыдо’ «Хутий» вадаком’ манэ’’лабтаць, сававна сянакуць.
«Нятва» - профтехучилище’ команда няхарамдэй местан’ тарпыць.
Мал’’ ӈацекы’’ конкурсхана сававна сянакуць. Мэкад’ манзаи’’ манэ’’лабтаць, харто’ вадавнандо’ лаханаць, паской ембдяродо’ мэӈаць.


Перевод на русский язык

Сбережем родной язык

Студенты учебных заведений округа приняли участие в конкурсе «Вадава” лэтрахава”» («Сбережем родной язык»). В этот вечер в актовом зале Ненецкого аграрно-экономического техникума определяли лучшего в знании родного языка и культуры.

Перед конкурсом ребята выполняли домашнее задание – надо было рассказать о своей родословной, прочесть рекомендованную организаторами специальную литературу по ненецкому языку, чтобы ответить на вопросы викторины, и инсценировать сказку на родном языке.
По результатам творческого состязания первое место заняла команда «Харп» («Северное сияние») сборной техникума. Ребята в визитной карточке креативно представили свою команду, ответили на все вопросы викторины и показали сказку на ненецком языке «Как олененок друга нашел». Второе место у «Нув’ сёяр’’» («Радуга») – сборной социально-гуманитарного колледжа, которая всего на несколько баллов уступила «Харпу». Ребята представили на суд зрителей и жюри известную ненецкую сказку «Кукушка».
Почетное третье место досталось команде «Нятва» («Дружба») – сборной Ненецкого профтехучилища. Оценивало конкурсные программы компетентное жюри, состоявшее из учителей родного языка, общественных деятелей и руководителей творческих коллективов.