Индиган’ тэворман’ ёльцяӈгана Пётр Николаевич Апицын ня’ лаханакуманзь. Тикы’ ненэця’ «Индигской» совхозхана ӈока по’’ ямбан’ тыбэртя’’ ӈэсы бригадирӈэ манзарась…
Пыда ня’ Индиган’ ядэрман’ мальӈгана лаханаманзь. Манзаямда теневана’’ тыбэртя, «Индигской» совхоз тыбэрти’’ ӈэсы’ бригадирӈэ тарась. Ӈацембой хибяри’’ тыбэрма серт’ тохоламбись, харта манзаянда’ е’’эмня лаханасеты, ханзер’’ илесь тара хэтнасеты. Янда’ тер’’ хибяри’’ нянанда сава ӈесеты’’.
«Ялумд''» страницам' Юлия Талеева хамадада
В Нельмином Носе построили передвижной убойный пункт, и теперь оленеводы ведут убойную кампанию по новой технологии и сдают мясо централизованно.
Няхар’’ юкад вата по’’ ямбан Ульяна Николаевна Апицына Индиган’ илеванзь товысь, тикы яхана тенад иле. Нись’ ӈахакуна ӈэсыхындо’ библиотекахана манзарась пядась. Паской Тиман я, сава хибяри’’, хуний хуркари серкана нядаӈгось парумбасеты, мята тер’’ ӈадима’’ – тарця сер’’ ябамда таслаць.
Всемирный фонд дикой природы тарця организация’ таня. Таняна манзарана’’ некоммерческой организация’’ нядабасеты’’. Тюку по’ тарця хибяри’’ нядаби’’, хуний проектадо’ – луца’ вадавна хэтась: на сохранение биоразнообразия северных территорий России таславы’’.
Округханана’’ ненэцие’’ паднава яля’’ миӈа’’. Тарця яхана’’ ханярина хуркари’’ мероприятия’’ хамадаби’’. Ваеравы ныланава яляхана «Вадава’’ лэтрахава’’» конкурс’ ваерась, таняна округханана’’ танеда’’ учебной’ заведенияха’’на’’ тоходанана’’ пирибця’’, наны’’ поӈгнандо’ пирдырӈаць. Этнокультурной центр’ ненэцие’’ отделкана манзарана’’ нина’’ хамададонзь. Хибя’’ сямянд сававна вадамдо’, традициидо’, культурамдо’ теневадо’ тэрабиць.
Округханана’’ тыбэртя’’ хаводава манзаидо’ нерня миӈа’’. Тюку по’ яханана’’ СПКхана тыбэртя’’, харто’ тыдо’ танеда’’ хибяри’’ ӈокханда 1200 тонна ты’’ ӈамзам’’ ми’’манзь мэ’’.
– Выӈгы – мань хардув, тюкохона манзаяв таня’’, – тарем’ Герман Ардеев тасламбида, пыда «Няръяна ты» СПК’ тыбэртя.
Тюку по’ ӈарка пэвдэй ирий 16 яляхана ханярина теневана ненэцие’ паднана Василий Николаевич Ледков 85 пода пангусь. 2018 по’ – яна’ тер паднанана’’ тен’ поӈэ мэ’’ӈава’’.
Ненэцие’’ школа-интернатм’ тюку по’ Юлия Лаптандер ёльцембида, пыда’ ня’ технология кабинетхана лаханорӈанись. Тикы кабинетхана не’’ ӈацекы’’ сэдорась тоходана’’. Ӈамгэдо’ тол’ ниня ни’’ яӈгу: хуркари’’ тохоцяко, мату’’рома’’ пусак’’, не’’ ӈацекы’’ ӈудаха’’на сертавы манзая’’ таня’’, пена’ пускахад сертавы сувенир’’, сянакоця’’.
Ты’ саполана ирийхана Няръяна маркана конкурс’ «Профессионал года – 2018» ваерась. Региональной’ конкурс учредительта НАО’ Департамент образования, культуры и спорта ӈэсь, организаторӈэ Ненецие’ региональной центр образования тарась. Тикы конкурс’ манзаяханандо’ мэбета’’, манзаидо’ пилибт’’ несэюмдабада’’ тохолкода’’, я’’авлада тохолкода’’ е’’эмня ӈадимдевы.
Юбилейный, десятый по счету, конкурс художественного слова «Ручей хрустальный языка родного» прошел в Этнокультурном центре НАО. В этом году его посвятили юбилею печорской сказительницы Маремьяны Романовны Голубковой и классику ненецкой литературы Василию Николаевичу Ледкову.
Хуняна Няръяна маркана округна’’ тыбэртя’’ ма’’лёвамдо’ мэ’’манзь ма’’лэйдаць. Маня’’ яханана’’ тыбэрма’ серм’ 25 сян’ тэнз’’ хозяйство’’ пэрӈа’’, поӈганандо’ 12 сельскохозяйственной производственной кооператив’’, 11 семейно-родовой община’’, ӈопой унитарной предприятие, ӈопой крестьянско-фермерской хозяйство. Ӈысма’ яхад съездхана манзараванзь хибяри’’ товнда’’.
Санкт-Петербург маркана Союз художников хардахана падтаӈгода няна’’ Надежда Выучейской выставка манзара, «Заполярная пастель» нюмдевы.
Ямалкана илена’’ ненэця’’ тюку ирий нертей яляха’’на’’ сава нямдо’ Елена Григорьевна Сусойм’ тензебтемби’’. Тикы’ нем’ ӈэрм’ яхана ханярина теневадо’ – пыда кандидат педагогических наук, РФ’ заслуженной тохолкода, Ямал’ почетной гражданин, ненэцие’’ вадако, сюдбабц ма’’ламбада, харта сё мэта, паднана вэсаконда Л. В. Лапцуй музей-квартирам’ сертавы.
Ӈоб’’ мэва’ аграрно-экономической техникумана’’ вындер’ хибяри’’ ма’’лава то’’олхась. Ӈэрм’ я’ тер’’ ненэця’’ мэта’’ ембдяро’ хибяри’’ ӈобкана ма’’лэйдаць. Харто’ ямдо’ мэнена’’, я’’авлада’’ ненэця’ тэнзхад перена’’ пирибця’’, наны’’ ӈэвыць. Пыдо’ «Вадава’’ лэтрахава’’» конкурс’ мэ’’манзь ма’’люрӈаць.
Страницы
- 1
- 2
- 3
- 4
- 5
- 6
- следующая ›
- последняя »
