Тюку яля’ вадами’ мел’’мана сэдорана, нянэювна ӈудида’ мэта, иламда мэнена некоця нямна ӈэвнда’’. Елена Киприяновна Чудинова яханана’’ теневана мел’ не, тюку ирий нябимдей яляхана синдтет ю’’ помда ядабтась.

Теда’ пыда сиципой яханана’’ ӈобкарт’ декоративно-прикладной творчество’ выставка’ нисеты ваера’’, мел’’мана сэдорана няна’’ манзаи’’ таняна маниесетына’’. Тандая’ сэдорась тоходанана’’ хуркари’’ серкана сиддо’ нядась тарабнанда, ӈарка нямдо’ хонрабсетыдо’. Пыда ӈани’’ хонарковы’’ нита’’ вадам’ нисетыда мадабю, харвась нида’’ нядабасетыда. Сэдорава’ серкана теневанида няндо’ тэврабсетыда. Пыда ӈацембой сэдорани’’ нянэювна нядабада не.

Тюку яля’ маня’’ минаць, Елена Киприяновна Чудиновам’ – ӈарка мел’ сэдоранаӈэ ваде’’ӈава’’. Мел’’мана сэдорана нювм’ мэта ӈарка нява’’ мале наӈгадя’ си’’ив яӈганя по’’ ямбан’ округханана’’ этнокультурной центрхана манзаида минрена «Мел’ не’’» клубхана сэдорасеты. Таӈок по’’ ямбан’ хусувэй си’’ивхана сэдорана’’ нита’’ няюв ӈобкана таняна ма’’люрцеты’’, ӈокаювдо’ нянэювна сэдорана не’’, манзаям’ сававна теневана’’.

Ханзер’’ пиви’’, мальця’’ ты’’ хобахад сэдбава манзаям’ сертась, нянандо’ сер’’ ни’’ӈа’’. Хусувэдо’ тарця манзаян’ ни’’ выдараӈгу’’. Тарця манзаям’ мел’ нява’’ нюдякоходанда теневада. Хойхана соявы’’, вадювы’’ ӈацекы’’ хуркари’’ манзаян’ мер’ тохолабсетыдо’. Небянато’, нисянато’ хэвхана мэбнандо’, хусувэй мяд’ манзаяхана сава нядаӈгода’’ ӈэсеты’’. Самляӈг’ пота хасавако’ пям’ мят тэврабсеты, тыдо’ маниеванзь нисянда’ хэвхана тэворцеты. Не ӈацекы’ ӈани’’ небянда’ хэвхана сюрдесеты, ӈавар’’ пирембась нядаӈгосеты, сэдорасеты, мяд’ мюй тавдабсеты, Сяха’ небядо’ сэдораванзь ӈамдбата, не ӈацекы небянда’ хэван лакри’’ тэвсеты. Сэдорана небяконда манзаям’ маниеӈгу, тарем’ янамбовна нибям’ ня’’амбась, ютъя’’амна сэдорась тоходанаӈгу, тикахад ӈухукодамда харта сэдаӈгу. Сэдорава серкана, мяд’ манзаи’’ пэрмахана не ӈацекы нертей тохолкодада небяда’, ханяна хададо’ ӈэсеты.

– Маня’’ нисяна’, небяна хэвхана хойхана мюсерцетыва’’, – вадамда лаханась нями’ пядась, – Сававна илеваць, тына’’ танець. Маня’’ хоба’’, пени’’ тыртамбась, напась нядаӈгосетыва’’, небяна’’ манзаравам’ маниесетыва’’, ханзер’’ пыда паркола, ханзер’’ сэдора. Тарем’ сер’’ поӈгана янамбовна маня’’ ӈод’’ хусувэй ӈамгэн’ тоходанаваць. Манзая’ хусувэй яля’ танесеты.

Елена тыбэрти’’ ненэця’ мякана вадысь, хойхана ёнар’’ хасуюёнар’’ тет ю’’ маттамдэй по’ нертей ирий’ нябимдей яляхана соявы. Сырэй мальӈгана Канин’ явна мюсерта’’ ненэця’’ пэдара’ ӈэсонд тэворцеты’’. Хойхана мюсерта’’ ненэця’’ харто’ ибака ембдяродо’ мэцеты’’, сыра хасава’’ мяльцятаӈгу, не’’ паской панытаӈгу’’.

– Сяха’ небява’’, нисява’’ илеванзь хардан’ ха’’амяханзь, маня’’ Оман’ илелъянаць, илесь лохокова’’ танесь. Школахана тоходанаваць, тикахад мань’ Архангельск’ маркы техникумхана нерня’ тоходанавав’ минревась. Тикы’ пуд’’ манзара пявась – Елена Киприяновна мась.

Теда’ Елена Киприяновна Чудинова мале ӈахэт’ Няръяна маркана иле, ӈока по’’ ямбан’ ненэцие’’ сэдъямна сэдора. Нянэювна ӈухуко’’омна сэдоравам’ мэнена. Ӈухуко’’ – нойхад, тиртя’ пыякоци мэць сэдабида. Тарця манзаи’’ пэрмахана Канин’ яда ихинда’ лакри’ ха’’амцеты. Невхы похо’’на’’ мюсерць ямда, мядырмидо’, ӈэдалёда ямб мюд’’ маниена то’’олха’ ӈэсеты. Те’ ёльцяӈгана ихинанда сава ӈэсеты, сейкода’ маймбасеты.

Тюку ялян’ хэтась Елена Чудинова яханана’’ теневана, мел’’мана сэдорана не. Пыда манзаида’ саць сомбой, паской,тёмбековна сертавы ӈэсеты. Манзараванда серкана пыда харта ватода, мел’ ӈэвада хусувэй сертавы манзаяхананда ӈади’’.

Пыда манзаида хуркари’’ яхана танеда’’ выcтавкаха’ тэворцеты’’. Мел’’мана сэдорана не наградыда’’ ӈока, поӈгнандо’ «За заслуги в развитии художественного творчества» нагрудной знак’, НАО’ Администрация почётной грамотада’ тане.

Тюку ирий нябимдей яляхана Елена Киприяновна Чудинова’ синдтет ю’’ помда ядабтась, ӈока ихид’ минда вади’’ намдась. Маня’’ сава нява’’, сензан’ ӈа’’, маймбась иле, хусувэй ӈамгэр’ сава ӈэя’’, тамна пон’ сэдора, тарана серм’ минрен’.

Перевод на русский язык

Дело всей души …

Героиня моего рассказа любит жизнь такой, какая она есть. Известный мастер декоративно-прикладного творчества Елена Киприяновна Чудинова 2 января отметила 80-летний юбилей.

Женщина по праву считает себя счастливой. Умение радоваться жизни она научилась сохранять при любых обстоятельствах, как бы тяжело ни приходилось. Жизнь не баловала… но перед трудностями не пасовала. Заботилась о сыне, много трудилась, надеялась всегда на лучшее, и только на собственные силы и умения.

Родилась Елена на просторах Канинской тундры в оленеводческой семье. В семье многодетной, где по мере сил каждый старался помогать родителям. Дети тундровиков рано приучались к труду, находясь рядом с мамой и папой, были активны во всех повседневных хозяйственных делах. Мальчики помогали старшим, собирали дрова, смотрели за оленями, ходили на охоту, рыбачили. А девочки с детства видели, как мама шьёт пимы или паницу, как подбирает мех, как держит иголку, напёрсток. С раннего возраста учились растап-ливать печь, готовить еду, содержать в порядке свой чум. А когда мать бралась за шитьё, дочери непременно устраивались рядом и делали свои первые стежки.

– Мы с родителями кочевали по тундре, жили в чуме – рассказывает собеседница. – Жили хорошо, олени были, вели хозяйство, учились ориентироваться в тундре. Обрабатывали вместе шкуры, камусы, наблюдали за работой мамы: как она кроит, и шьёт одежду, складывает вещи. Так и учились всему ненавязчиво, между делом. Работа была каждый день.

Спустя годы семья оленевода перешла на оседлость и поселилась в селе Ома. Там дети учились в школе, затем Елена окончила торговый техникум в Архангельске. И началась её трудовая деятельность.

– Это сейчас я занимаюсь творчеством, времени достаточно. По молодости было не до этого. Много лет трудилась в городском рыбкоопе продавцом, затем пришлось поработать на одном из промышленных предприятий в Варандее.
Тогда была заветная мечта: вот выкрою свободное время, обязательно займусь национальным шитьём. Время пришло, когда вышла на пенсию. Вспомнила всё, чему научилась в детстве. Сейчас изготовление кукол –
моё хобби. На душе приятно и радостно, всегда имею возможность сделать оригинальный подарок друзьям и знакомым, – с искоркой в глазах ведёт рассказ известная мастерица.

Елена Киприяновна много лет живёт в Нарьян Маре и уже 17 лет занимается творчеством. Шьёт ненецкие куклы нухуко из сукна, используя птичий клюв. Часто вспоминает родную Канинскую тундру, любимое стойбище, длинные повозки аргиша, кочёвки с одного места на другое. От воспоминаний на душе становится тепло и радостно, признаётся Елена Чудинова.

Мастерство рукодельницы заметно во всём. Её умелые руки при изготовлении кукол ловко скрепляют воедино несколько слоёв цветного сукна, аккуратно пришивают клюв к основанию туловища и кроят маленькие накосники – ювелирная работа.

Каждое изделие имеет свои особенности, работы отличаются тонкостью, изящностью исполнения. У неё особенный, свой мастерский почерк. Без её участия не проходит ни одна выставка признанных мастеров декоративно-прикладного творчества нашего региона. С Еленой Киприяновной советуются не только начинающие мастерицы, но и профи. Она никогда не отказывает в помощи, делится навыками шитья, ценными знаниями и умениями. Она – наставник молодёжи.

В копилке творческих достижений именитого мастера множество участий в региональных выставках, также Елена Чудинова достойно представляет традиционную ненецкую культуру на всероссийских и международных выставках.

Мастерица имеет множество наград. Среди них нагрудный знак «За заслуги в развитии художественного творчества», почётная грамота администрации НАО за заслуги в сфере самобытного и культурного развития коренных малочисленных народов Севера.

Искренне поздравляем Елену Киприяновну Чудинову с юбилеем! Желаем крепкого здоровья, творческого долголетия, радости в жизни.