Тюку ирий’ мат’’ яӈганя толыркана Санкт-Петеребург’ маркана Ӈэрм’ яхана, Сибирьхана, Дальней Востокхана илена’’ толыродо’ тянё ненэця’’ ӈани’’ Всероссийской этнодиктант’ падбиць.
Тарця диктант’ яханана’’ хари’’ вадава’’ нерня’ минрева’’, толыродо’ тянё ненэця’’ литературам’ толабась харвабцо’ танева е’’эмня, хуркари’’ тэнз’ вада’’ танева’’ ханярина муно’’ма е’’эмня хамадамбада.
Хусувэй по’ акцияхана ӈэрм’ тэнз’ ненэця’’ танесеты’’, мал’ пыдо ӈэрм’ я’ тер’’, тет ю’’ вадам’, диалект’’ мэта’’.
Яханана’’ няхар’’ ю’’ по’’ ямбан’ «Илебц» нюбета театр’ сеюна’’ юдамби
Таӈок по’’ ямбан’ таняна сянакода’’ нина’’ вадава’’, культурава’’ тю’’у минредо’.
Тюку по’ ӈарка пэвдэй ирийхана театрана’’ ӈарка соя’’ма ялям’ мэ’’манзь ма’’лаӈгуна’’. Теда таняна сянакода’’ нина’’ няхар’’ юдимдей соя’’ма ялямдо’ ядабтавась хамяку’’. Артистана’’ манзаядо’ ёльце ӈока’’, несэй сертавнда манзаидо’ мале’ таславы’’.
«Илебцава’’» 2026 пон’ тэвась тарця нювм’ нюбе’’ӈа’’ – Народный ненецкий театр «Илебц».
Ваеравы по’ пудана ирий’ няхар’’ юдимдей толыркана РФ’ министр’’ кабинет’ 2028 по’ ӈэсонд манзаравнда, луца’ вадавна тарем’ нюбета - Концепция устойчивого развития коренных малочисленных народов Севера, Сибири и Дальнего Востока манзаравам’ таслаць.
Ӈарка пэвдэй ирий нертей яляхат’’ Нельмин’ Саляхана илена’’ хибяри’’ товнда пон’ хамяковидо’ ӈадиць.
Ӈэсы’ тер’’ хардадо’ падтамбиць, ханярина паской тукоця’’ ӈыдарабиць. Ӈоб’ пиркана ӈэсыхынандо’ хадеко ӈадимясь, тикы’ пуд’’ хэбидя яля’ ед хуркари’’ мероприятия’’, конкурс’’,
мастер-класс’’ танець. Хибяри’’ хардаханандо’ хадеко’’ масьтевыць.
Юкад’ вата яля’’ ямбан хибяри’’ ӈока мероприятиха’ тэворӈаць. Сава ихина едэй 2026 пом’ ядабтадонзь.
За полярным кругом первые лучи солнца осторожно пробиваются через темноту сразу после Нового года.
Появление солнца у коренных народов Севера испокон веков символизирует начало новой жизни.
В это время традиционно отмечали праздник Едэй хаяр’’ яля – Солнце нового года. Тогда целые семьи выходили из чумов, вставали лицом к первым лучам солнца, пели хэбидя сё и благодарили его, загадывали желания. Возникало ощущение единения с природой и взаимосвязи неба, солнца, огня и человеческой души, настоящий сакральный момент обновления самой жизни.
Этнокультурной проект’’ ӈарка конкурсхана округна’’ «Хасава’ ни» проект’ лауреатӈэ тарпыць.
Ӈарка яханана’’ Год защитника Отечества, международной десятилетие языков коренных народов по’ ед – конкурс’ «Россия: этнический комфорт» сертавы .
Всероссийской смотр-конкурс актуальных этнокультурных проектов России ваерась.
Тарця конкурсан’ ӈарка яна’’ 24 регионхат юр’’ вата конкурсной проект’’, ӈани’’ танеда манзая’’ еримяць.
Едэй по’ това нерцюна округна’’ толаӈгова хард’ ӈэрм’ отделкана манзарана’’ «Толаӈго книга» клубан’ турта’’ ненэця’’ е’’эмня ма’’лёвам’ хамадаць.
Ваерана по’ пудана ма’’лёваханандо’ теневана этнограф’, лингвист’, кандидат исторических наук Хомич Людмила Васильевна ила’, сертавы манзаита’’ нямна лаханавамдо’ мэ’’ӈаць.
Толаӈгова харад’ манзарана Надежда Талеева, учёной’ илева, сертавы манзаита’ нямна хамадавы презентациямда’ ваде’’ӈась, Людмила Хомич ӈэрм’ ян тэвормы этнографической экспедиция’’ нямна лаханась.
В Ленинградской области планируется установить памятник Антону Пырерке и мемориальную стелу НАО в военно-историческом комплексе «Невский пятачок».
Этот вопрос обсудили на встрече губернатора НАО Ирины Гехт с представителями землячества «Нятва» в Санкт-Петербурге.
Вопросом увековечения памяти первого ненецкого учёного, филолога, переводчика, собирателя фольклора несколько лет серьёзно занимаются члены петербуржского землячества.
Красной’ ӈэсы школа’ музейхана тарем нюмдевы «Герои фронта, герои тыла» несэй экспозициям’ нэць.
Музей’ манзаи’’ минрена’’ тарця манзаямдо’ специальной военной операция’ саювхана мэна’’, волонтёр’’ е’’эмня хамададонзь.
Округханана’’ тарана’’, сё’’ мэта’’ ӈацекы’’ Международной фестивалькад наградам’ тэвраць.
«Возьмёмся за руки, друзья» – тарем нюмдевы фестиваль национальных культур’ Ханты – Мансийской автономной округхана ваерась. Тамбир’ ма’’лёвам’ народной творчество’ хардахана манзарана’’ хамадавыць, ӈопой яхана хуркари’’ я’ тер’’ коллектив’’ ма’’лавы’’: Россияна’’ 66 субъектхад мат’’ ёнаркад вата хибяри’’ манзаидо’ манэ’’лабтамбиць, тикы’ хавна Беларусьхад, Казахстанхад, Узбекистанхад, Египепхад, Германияхад товы таневыць.
Тюку ирий’ маттамдэй толыркана Индига ӈэсы’ культура хардахана манзаидо’ минрена’’ творческой коллектив’’ ӈарка концертадо’ миӈась.
«Харад, ханяна маня’’ илева’’» тарем нюмдевы ма’’лёвадо’ сава сёнзяхана ваерась. Сё’’ мэта’’, тарана’’ хибяри’’ хари’’ паской Тиман’ ямдо’, соя’’ма яндо’ ныхым’ манэ’’лабтамбиць. Хусувэй манзаядо’ нянэювна, сававна хамадавысь.
Ваеравы си’’ивхана Няръяна маркана семейно-родовой община’’ манзаи’’ пэрта’’ ненэця’’ ма’’люрӈаць.
Тарця хибяри’’ е’’эмня округна’’ администрация’ внутренней политика департаментхана манзарана’’ «Сохранение и развитие коренных малочисленных народов Севера в НАО» программавна’ нёдабада семинарм’ хамадаць, ненэця’’ сидя яля’ ямбан тоходанаць.
Тюку ирий’ 28 яляхана Нина Валейской – таневана падтаӈгода, ӈудида’ мэта не, ненэця’ ӈухуко’’ сертамбада’’ няна’’ соя’’ма ялям’ ядабтаваць.
Нюдя пэвдэй ирий’ сидя ю’’ си’’ивумдей яляхад Москва’ маркана Россияханана’’ илена’’ хуркари’’ тэнз’ мэта’’, хари’’ вадам’ минрена’’ тохолкода’’ ма’’люрӈаць.
Тюкумэвахана Всероссийской съездан’ яндахат товы’’ тохолкода’’ сидя яля’ ямбан Москва маркы’ педагогической университетхана манзараць. Хари’’ вадито’ нямна Россияна’’ хусувэй регионхат’’ 300 хибяри’’ ӈобкана ма’’лась, тарана сер’’ тасламбиць.
СПК «Харп» маня’’ яханана’’ ӈарка сельскохозяйственной кооператив’. Тюку по’ «Харп» – 95 поданда хая.
Мэта ирий’ маттамдэй яӈганя толыркана Краснойхана илена’’ хибяри’’ ӈэсыхынандо’ манзаямда минрена предприятиендо’ соя’’ма ялям’ мэ’’ӈаць.
Ваеравы юр’’ по’ 30-ей похона ӈадимы колхозан’ 11 хозяйство’ тэвыдаць, 924 тэдонзь, тамна гос.суда е’’эйӈэ 925 тым’ ня’’амаць. Тет по’’ ваерась едэй ӈадимдевы колхозхана мале 32 хозяйствось, тыто’ толыр’’ мат’’ ёнар’’ ӈэсонд ӈарумысь.
Регистрационный номер СМИ: ЭЛ № ФС77 - 83188 от 26 апреля 2022 года
Зарегистрировано Роскомнадзором
Учредитель: ГБУ НАО "Издательский дом Ненецкого автономного округа"
Главный редактор: Горбонос Юлия Юрьевна
Телефон редакции: 8 (818-53) 4-21-73
Электронная почта: info@idnao.ru
Адрес: 166000, Ненецкий автономный округ,
г. Нарьян-Мар, ул. им. В.И. Ленина, 25а