Округханана’’ тарця мяд’ тер’’ нина’’ ӈока’’, хибя’’ ӈобкана сян юд’ мян по’’ ямбан сававна иле’’. Анна, Анатолий’ Лаптандерха’ тарця илм’ мэ’’таха’.

Пыди ӈопой яхана соявэхэ’, вадювэхэ’, ӈопой школахана тоходанавэхэ’. Нельмин’ Саляхана ӈацекы’ ӈэвы поди’ ваеравы.

Тикахана пыди’ небяхаюди’, нисяхаюди’ илеӈаханзь, И. П. Выучейской нювм’ нюбета колхозхана манзаравыць. Тамальӈгана хибяхарт’ ибедормада яӈгувакы, по’’ ваерась, пыди’ ӈока ню’’ небяха’, нисяха’ ӈэвндаха’ ӈэӈгоданакэхэ’.

Ханзер’’ мал’ соямданась

Тюку по’ ваеравы ӈацекы’’ Всероссийской фестивалян’ Башкортостан мардета маркана яндахат товы’’ ӈацекы’’ ма’’лыць.

Всероссийской фольклориада Уфа маркана саво ирий’ сидя ю’’ тетимдей толыркана манзаямда пядась. Советской нювм’ нюбета площадьхана нэдонзь.

Ӈацекы’’ тамбир’ ӈарка ма’’лёва Россиянана илена’’ хибяри’’ пон’ таславы, «Народное творчество – детям» тарця программавна хамадавы.

Россияна’’ ялям’ – яна’’ ӈарка ялям’ округханана’’ хусувэй по’ сававна мэцетыва’’.

Тюкумэвахана нумда сава, иба, Нум’ хаярэко ялям’ няна’’ тэврась. Ханзер’’ ӈани’’ сер’’ ӈэвня.

Округханана’’ по’ ямбан тоходанавы’’ ӈацекына’’ тохолковамдо’ ёльце, нерняна няхар’’ ирий’ ныланавамдо’ мэта’’.

Пыдо’ е’’эмняндо маркы, ханяӈы’’ ӈэсыхы школаха’’на’’ тюку ирий’ нертей яляхат’’ лагерь’ нёдо’ нэвы. Таняна ирий’ ямбан ӈацекы’’ ныланаӈгуд, тикы е’’эмня яӈга ныланава программа’’ хамадавы, хуркари’’ мэкад сер’’ ваераӈгу’’, мастер-класс’’ таневнда’’, ӈацекы’’ поӈгнандо’ пирдырта’’, ихинандо’ сомбой сянаковидо’ танеӈгу’’, и’’ӈутна проект’’ сертамбаӈгу’’, экскурсияха’ тэворта…

Ил’ мэсы’’

Ваеравы си’’ив маттамдэй яляхана округна’’ мардета маркана ӈока хибяри’’ ма’лыць, ӈобкана ныланаць, хэбидя ялям мэ’’ӈаць.

Наръяна маркана хуркари’’ тэнз’ минрена’’ ненэця’’ нидо’ нядабась, сахарабась, нито’ ил’ мэсым хамадабась ӈэрм’ яханана’’ иле’’. Няхато’ сава ихина ядсеты’’, ӈобкана ӈопой сер’’ пэрцеты’’. Тарем’ ныланава яляхана хэвхана иленя’’ ялям’ мэ’’ӈаць.

Ты’’ ниць’ ирий 27 толыркана толаӈгова харад’ хэбидя ялям’ мэ’’ӈаваць.

Тюку яля’ падвы вадини’ Надежда Николаевна Талеева нямна ӈэвнда’’, пыда округна’’ толаӈгова харад’ ӈэрм’ отделкана манзара. Маркана илена’’ хибяри’’ сававна теневадо.

Ямалкана соявы некоця, ябдава’ ӈацекы ӈэвы пода’ Ямало -Ненецкой округ’ Яр Саля’ ӈэсыхына ваераць. Таняна школамда ёльцевы, тикахад Саляхардахана культпросветучилищехэна тоходанась.

Тюку яля’ паднавами’ хари’’ тыдо’ пэрта Николай няби Клавдия Тайборей’ нямна ӈэвнда’’.

Николай Тимофеевич ӈарка яхана мюсерта’’ тыбэрта’ мякана соявысь.

Нисяда Тимофей Васильевич мэёвна илена ненэць ӈэвысь, ивъер’ манзарана, мякнанда хусувэй ӈамгэнда’ таневам’ тасламбада. Небяда Парасковья Фёдоровна – Яникэця, мел’’мана сэдорана некоця ӈэвысь, ӈацекэхэ’’на’’ хэвхананда сава, иба ӈэсеты. Нюдо’ нюдякоходандо хусувэй серт’’ тохолабсетыди’, ӈаркаюв’ нюдяко нидо’ маниесеты’’, нядабасетыдо’.