Роль северянок в сохранении и развитии российской Арктики обсудили на Форуме женщин Севера.
В Москве, в Национальном центре «Россия», завершил работу II Форум женщин Севера. Его главная тема «Север объединяет: роль женщин в укреплении единства народов России».
На одной площадке для решения важных вопросов собрались тысячи участниц. Кто они?
Тюку по’ ваеравы ӈацекы’’ Всероссийской фестивалян’ Башкортостан мардета маркана яндахат товы’’ ӈацекы’’ ма’’лыць.
Всероссийской фольклориада Уфа маркана саво ирий’ сидя ю’’ тетимдей толыркана манзаямда пядась. Советской нювм’ нюбета площадьхана нэдонзь.
Ӈацекы’’ тамбир’ ӈарка ма’’лёва Россиянана илена’’ хибяри’’ пон’ таславы, «Народное творчество – детям» тарця программавна хамадавы.
Второй форум женщин Севера проходит в эти дни в Москве.
Главная его тема – «Север объединяет: роль женщины в укреплении единства народов России».
– В мероприятии принимают участие представители коренных малочисленных народов Севера, а также руководители многих ведомств, губернаторы, представители бизнеса и экспертного сообщества, – сообщила на заседании оргкомитета председатель Совета ЕЖФ, сенатор Галина Карелова.
На повестке форума – обсуждение вопросов и проблем, требующих особого внимания.
Россияна’’ ялям’ – яна’’ ӈарка ялям’ округханана’’ хусувэй по’ сававна мэцетыва’’.
Тюкумэвахана нумда сава, иба, Нум’ хаярэко ялям’ няна’’ тэврась. Ханзер’’ ӈани’’ сер’’ ӈэвня.
Тюку ирий’ нертей яляхана 60 поӈэ’ хая’’ ханзер’’ Ким Андреевич, Людмила Алексеевна Вонгуевха’ ӈобкана илеӈаха’.
Таӈок’ по’’ ямбан ӈопой мяд’ мэць ӈарка ябдава сер’’. Илевади’ сацьри сибиць нись’ ӈа’’, хуркари’’ сер’’ танець. Ханяна маймбавахэ’, ханяна сейхананди’ ниня’ сава сер’’ таневакы, хусувэйхана ӈобкана мэсетыхы’.
– Мань вэскоми’ сава хибяри, хусувэй серкана нядаӈгосеты, мята’ тер’’ мэнена, сахармбада. Нини’ нядабахая, мэнехая таӈок по’’ ямбан нерня’ миӈани’, ханярина ӈобкана мэсетыни’ – тарця вади’’ Людмила Алексеевна хэтась.
Округханана’’ по’ ямбан тоходанавы’’ ӈацекына’’ тохолковамдо’ ёльце, нерняна няхар’’ ирий’ ныланавамдо’ мэта’’.
Пыдо’ е’’эмняндо маркы, ханяӈы’’ ӈэсыхы школаха’’на’’ тюку ирий’ нертей яляхат’’ лагерь’ нёдо’ нэвы. Таняна ирий’ ямбан ӈацекы’’ ныланаӈгуд, тикы е’’эмня яӈга ныланава программа’’ хамадавы, хуркари’’ мэкад сер’’ ваераӈгу’’, мастер-класс’’ таневнда’’, ӈацекы’’ поӈгнандо’ пирдырта’’, ихинандо’ сомбой сянаковидо’ танеӈгу’’, и’’ӈутна проект’’ сертамбаӈгу’’, экскурсияха’ тэворта…
Немалую лепту в историю Малоземельского поселения своим трудом внесла простая женщина с сильным характером – Тамара Фёдоровна Горбачёва.
Горожанка по рождению почти 60 лет живёт и до сих пор трудится в Нельмином Носе. Много лет ветеран труда отдала сфере торговли.
Родилась Тамара Фёдоровна в простой рабочей семье 23 августа 1949 года. Родители Фёдор Савельевич и Прасковья Игнатьевна Парфильевы жили и успешно трудились в столице округа.
Ил’ мэсы’’
Ваеравы си’’ив маттамдэй яляхана округна’’ мардета маркана ӈока хибяри’’ ма’лыць, ӈобкана ныланаць, хэбидя ялям мэ’’ӈаць.
Наръяна маркана хуркари’’ тэнз’ минрена’’ ненэця’’ нидо’ нядабась, сахарабась, нито’ ил’ мэсым хамадабась ӈэрм’ яханана’’ иле’’. Няхато’ сава ихина ядсеты’’, ӈобкана ӈопой сер’’ пэрцеты’’. Тарем’ ныланава яляхана хэвхана иленя’’ ялям’ мэ’’ӈаць.
Ненэцие ил
Ӈамгэ’ тынзя’ тэхэ’’на’’ мэна хибяри е’’эмня сямянд’ таранада? Тарця хонаркован’ округна’’ музейхана манзарана’’ «Дневник знатного оленевода» проектхана ваде’’ӈадо.
Малсяда хойхана, ханяна ты’’ ӈарка яха’ ид’’ тотрев хайнана’’ то’’олха’ ӈэсеты’’, хусувэй тыбэрта ӈэдалёбнанда хэвхананда тынзяда’ ӈэсеты.
Хойхана мюсертахана тынзя’, ямб ӈудада: тэхэ’’на ӈэдалёбнанда ӈуданда’ вэтмаӈэ’ таранарха’ ӈэсеты. Тынзяӈгананда ненэця’ тарабнанда тэдамда’ яркаӈгу.
Ты’’ ниць’ ирий 27 толыркана толаӈгова харад’ хэбидя ялям’ мэ’’ӈаваць.
Тюку яля’ падвы вадини’ Надежда Николаевна Талеева нямна ӈэвнда’’, пыда округна’’ толаӈгова харад’ ӈэрм’ отделкана манзара. Маркана илена’’ хибяри’’ сававна теневадо.
Ямалкана соявы некоця, ябдава’ ӈацекы ӈэвы пода’ Ямало -Ненецкой округ’ Яр Саля’ ӈэсыхына ваераць. Таняна школамда ёльцевы, тикахад Саляхардахана культпросветучилищехэна тоходанась.
Няръяна маркана этнокультурной центр’ «Мел’ манзарана» хардахана лэ’’эмна, пявна маторава’’ серт’ ӈэрм’ тэнз’ хибяри’’ тохолабиць.
Тарця сер’’ департамент внутренней политики ватовна хусувэй по’ сертабада. Маня’’ яханана’’ теневана’’ мел’ хасаваха’ Александр Ледков нябиюм’ Дмитрий Безумов тохолкодаӈэ’ тараӈаханзь.
Тюку’ мэвахана Омахад, Несьхад, Бугриноход, Искателькад товы’’ хибяри’’ ненэцие’ невхы похот’ минрена серт’ – лэ’’эмна’’, пя’’амна’’ матораванзь тохолабихинзь. Пыдо’ несэй манзаи’’ торомдабиць.
Тюку яля’ паднавами’ хари’’ тыдо’ пэрта Николай няби Клавдия Тайборей’ нямна ӈэвнда’’.
Николай Тимофеевич ӈарка яхана мюсерта’’ тыбэрта’ мякана соявысь.
Нисяда Тимофей Васильевич мэёвна илена ненэць ӈэвысь, ивъер’ манзарана, мякнанда хусувэй ӈамгэнда’ таневам’ тасламбада. Небяда Парасковья Фёдоровна – Яникэця, мел’’мана сэдорана некоця ӈэвысь, ӈацекэхэ’’на’’ хэвхананда сава, иба ӈэсеты. Нюдо’ нюдякоходандо хусувэй серт’’ тохолабсетыди’, ӈаркаюв’ нюдяко нидо’ маниесеты’’, нядабасетыдо’.
Наталья Рочева Хонгурей’ ӈэсыхы почтахана ервотаӈэ манзара.
Пыда округханана’’ ваеравы «Земский почтальон» конкурсхана нерня’ тарпыць.
Наталья Григорьевна почтахана мале’ самляӈг’ яӈганяхад вата по’’ ямбан манзара. Манзаямда ивъер’ пэрта, хусувэй ӈамгэмда сававна сертабада. Харта ӈэсында’ хавна тамна почтам’ Каменкан’ тэво’’лабсеты. По’ ямбан таня хибярихи’’на’’ тарана ӈавори’’ тэврабсеты. Ӈэсыхына илена’’ хибяри’’ нянда’ ена’’, ӈатесетыдо, манзараванда’ нямна сава вади’’ хэтбасеты’’. Ӈока по’’ манзараванда’ е’’эмня ведомственной наградыда’ тане.
Ты’’ ниць ирий’ 9 толыркана яна’’ сямянд ӈарка хэбидя ялям’ мэ’’ӈаваць.
Яндаха’’на’’ илена’’ хибяри’’ ваеравы юр’’ по’ сямянд’ пилкабтёда сайнорма пирдалёва ялям’, Победа 81-ей пом’ ядабтаць.
Округна’’ хусувэй ӈэсыхына митинг’’ ваераць, яндаха’’на’’ сайнорма’ похо’’на’’ ӈадимы сё’’ соць, стих’’ толабада танець, солдат’ хаскам’ пиревыць…
Хаювы ирий’ 30 толыркана Россиянана’’ илена’’ толыродо’ тянё ненэця’’ хэбидя яля’ ваерась.
Тарця яляхана округна’’ толаӈгова харад’ ӈэрм’ отделхана манзарана нина’’ «Современная антология народов России. Поэзия.» едэй книга’ презентациям’ сертаць.
Зоя Ивакилева ӈэрм’ отдел ервота мась, тюку яля’ маня’’ толыродо’ тянё ненэця’’ хэбидя яляхана ма’’лыва’’. Тарця ялям’ тюку похона нертеймэвна мэ’’ӈава’’. Россияна’’ Президент’ 2025 по’ носиндалава ирий’ тетимдей яляхана ӈадимдевы ватовна тад’ нерня таневнда.
Регистрационный номер СМИ: ЭЛ № ФС77 - 83188 от 26 апреля 2022 года
Зарегистрировано Роскомнадзором
Учредитель: ГБУ НАО "Издательский дом Ненецкого автономного округа"
Главный редактор: Горбонос Юлия Юрьевна
Телефон редакции: 8 (818-53) 4-21-73
Электронная почта: info@idnao.ru
Адрес: 166000, Ненецкий автономный округ,
г. Нарьян-Мар, ул. им. В.И. Ленина, 25а