Хибярией, выӈгана мэнов’’, харад’ ӈэсыхына иленёв’’, Мань лахарёхон’ инзеледов’’. Тюку ирийхана няхарамдэй «Ӈэрм’ классической сё’’ яля’’» фестиваль ваерась. Москвахад Дмитрий Коган опера’ сё мэта «Опера гала» «Московской камератанда» ня’ Няръяна Март’ товысь.
Тарця’ юнм’ манэкава не’ нюв билет тэмдавась ӈэдарав. Билет’’ тамна мирдапада’’ нивы’’ӈа’’. Тикэхэвана культура’ манзарани юндалтамба пяни’’, таняна ю’’ по манзарабэям’ нидум’ ӈа’, ӈав илеван сер’’ культуран’ нядаӈгуманзь.
Сян яля’ пуд маймбабцодув то, Дмитрий Коган концертан’ миӈам’. Мядондаӈэ концертан’ еремэдм’. Фестиваль’ нябимдей ялямда Няръяна Маркы тамна Мезенской епископ, туёць харад ервотана Яков няӈгартада. Владыка Яковар Ӈэрм’ яхана, я’ ниня илесь торумбэй. Хуркари тецьдам’ ла’’амдамбэй, Ӈэрм’ явна, яха’’амна хибяри’’ ӈэсонд’ тэворпэй. Теда’ сёнзяхаданда миндя’’ вадида тэри хайна’’.
Концертхана нюртехэва операхана яӈгэрта Ирина Суханова Моцарт’ падбэй «Аллилуйям’» мэ’’ӈась. Пумнанда Екатерина Нешева тарпы’’, няхарамдэдо’ Николай Карцев. Мал’ няхар’’ӈэсь хуркари операхат сё мэ’’ӈаць. Мал’ я’’авлыць.
Сямянхат тяхасовна сянакобэяр - Дмитрий Коган ӈэвы. Ӈэвада скрипкамда тэ’’элпи, мадарпи, ӈудахаюда скрипкахана сянакуху’. Тамна дирижируйӈго нив тара’’. Наӈэдя оркестрда таня. Пыдхавада саць сероць сянакодита няӈэн’ сюрхалӈгасеты. Сид’’няна мэни маниесеты. Ӈоб’’яна ӈэхэюда нисьтыхы’’ ну’’ таранадрев мастёсьты. Хадри’’ тарем’ профессор Коганхана нензел’’ ӈэвангабя. Тикы’ фестиваль’ яляхана Дмитрий Коган оркестранда ня’ тамна Вивальди падбэй сидя концертамда мэ’’ӈась.
Няхаромдэй классической музыкальной Ӈэрм’ няӈы фестивалькана ёльцева нерцюна пэвсюмбы’ ямбан’ Антонио Вивальди’ «По’ ёльць’’» скрипкахана мэта концерт миӈась.
Тикар тэри таремли’’ мэта концерт вунися ӈа’’, мультимедийноясь. Хусувэй по’ ёльцянд’ сян мульти пус’’ манэ’’лабтэясь. Хибярихи’’на мэкад нив ӈа’’. Мань нянан ханяӈэхэ’’на нись серос’’. Мань оркестр’, Дмитрий Коган’ сянаковарин’ сырман’, инзелеван’ харваманзь. Хусувэй хибяри сём’ харта ивнянда хамадамбида. Сянакода’’, Вивальди’ сё мунха’’на си’’ым я’ нид яӈгре, сёнзями савумдамби’’, несэймдамби’’.
Фестиваль ёльцева’ мальӈгана Игорь Кошин’ губернаторна’’ вада’’амна Москвахана «Ла Скала» яӈгэрӈа, Няръяна Маркана ӈани’’ Коган сянаку. «Ла Скала» няби Вивальди сидтэхэ’ италияндерха’. «Ла Скала» саць сенений опера мэта театр. Мань тикы театр’ концертм’ Ленинградхана пудана (1964) по’ тоходанван’ мальӈгана манэ’’ӈавась.
Няръяна Маркы фестиваль’ мальӈгана тамна ӈопой ӈобтарця концерт ихин ха’’мыць. Теда’ – «Московская камерата» сянакусь, сян по’ тяхакуна «Международный оркестр XXI века», тарем’ ӈэдарахась, сянакованзь турӈась. ӈобтарем’ Москвахад тобэясь. Няръяна Маркана, тамна выӈгана мэсь, «Ерв’’» тыбэртяха’’на.
Оркестрар мяд’’ хэӈгхана сянакованзь хамекулы’’. Выӈгы ӈэсындерад хибя ханяна пир’’ӈа савомбовна, тёблёвна ӈамдыд’’. Ханяӈыдо’ хано’’ ниня, ханяӈыдо’ хан’ нин’’ поӈгана, ханяӈыдо’ ӈамдэцавэй я’ ниня ӈамды’’. Ханяңыдо’ тэдрев ва’’ныць. Оркестрат мун’’ вымна тэри’’ пенадёсь хайна’’, ханяхартана ни’’ мадарӈг’’.
Музыка’ нямна ӈэда тамна ӈопой сер’’ ихинян ха’’мы’’. Педучилищехэна тоходанван’ мальӈгана сидна’’ домрахана сянако тохоламбиць, институтхана ӈань’’ мандолинахана сянакуваць. Гарбер тохолкодава’’ оркестрм’ сертась, сидна’’ ма’’лась. Праздникха’’на факультетханана’’ сянакосетыва’’. Саць пон «Сольвейг», Эдвард Григ’ сертавы сём’, яӈгэбцм’ мэ’’ӈаваць. Наӈэдя курсӈэ неаполитанской оркестрхана сянакуваць. Галина Беркут, ӈобтарем’ маня’’ курсхадана’’, яӈгэбцӈэ мэ’’ӈадась.
Лахарёв ӈоб’’ нерня’ минрев. Няхаромдэй ӈэрм’ фестиваль няхар’’ яля’ ямбан миӈась. Нюртей ялянда нямна хибяри юндалтамбиманзь. Мал’’ масьты’’: «Саць сававна ваера. Фестивальм’ нюртей мэва’ Галина Медведева, тохолкова серо, наука’серо’, спорт’ серо’ пэрти ӈаркта, нэвыдась.
Баянхана Юрий Солаев сянакусь. Сидя Дмитрий, Косяков няби Буцыков, сидтэхэ’ балалайкаха’’на сянакухунзь. Малмбоё хуркари’’ тэнз’’ конкурс’’ пирда’’левы’’ хасава’’, ӈока фестивалькана мэбэй’’. Маня’’ яханана’’, Россияна’’ тяхана мэбэй’’.
«Опера гала» концерт «Московская камерета» ня’ Дмитрий Коган сертавы, пыда юнета хибяри. Заслуженной ӈэванда’ хавна тамна Афин’ няби Урал’ (Пэ хой’’) нюм’ мэта консерваторияха’’на маня’’ М.Я. Бармична’’ тотрев почетной профессорӈэ тара. Няхарамдэй ӈэрм’ фестиваль’ округханана’’ тамна пон’’ тенеӈгудо’. Дмитрий Коган’ программанда пудана падаркананда нян падвы автографда сава тенӈэ пондан’ хаёда.
Р.Вэрэйко хадара’’
Перевод на русский язык
Коган и Вивальди
В Нарьян-Маре прошел третий фестиваль «Дни высокой музыки в Арктике». Из Москвы приехал всемирно известный музыкант, почетный профессор Афинской и Уральской консерваторий, заслуженный артист России Дмитрий Коган с певцами из коллектива «Опера гала» и оркестром «Московская камерата».
Увидев информацию о приезде музыкантов в Нарьян-Мар, я попросила дочь купить билеты на концерт, но их еще не было в продаже. Тогда мы связались с работниками Дворца культуры «Арктика», и через несколько дней я с радостью приняла приглашение на концерт Дмитрия Когана.
Первой выступила оперная певица Ирина Суханова, исполнила произведение Моцарта «Аллилуйя». После нее вышла Екатерина Ненашева, а третьим был Николай Карцев. Они исполняли произведения разных композиторов, причем соло, дуэтом и трио. Многие мелодии мы когда-то слышали. А «Соловья» Алябьева, наверное, знает каждый.
В дни фестиваля музыканты исполнили несколько произведений Антонио Вивальди, а последний день был полностью посвящен необычному исполнению «Времен года» этого композитора. В сопровождении оркестра «Московская камерата» выступил маэстро Дмитрий Коган. На экране показывали особенности каждого времени года и жизни людей времен Вивальди. Было очень красиво, но мультимедийный показ отвлекал меня от самого главного – я хотела видеть и слушать только Когана и оркестр.
Каждый человек воспринимает музыку по-своему. Магия волшебных нот Вивальди в исполнении Когана будто приподнимала меня над землей, я парила, а музыка исцеляла душу. Со мной подобное, к сожалению, бывает редко.
Зрители рукоплескали Когану и Вивальди. При закрытии фестиваля губернатор Игорь Кошин сказал, что в Москве поет «Ла Скала», а в Нарьян-Маре играет Коган. В эти дни в Москве и Нарьян-Маре звучала итальянская музыка. Кстати, на спектаклях театра «Ла Скала» я была в 1964 году, когда училась в Ленинграде на последнем курсе института.
Во время концерта Когана я вспомнила еще об одном оркестре. Это Международный оркестр XXI века, тоже из Москвы. Он выступал как в Нарьян-Маре, так и в тундре перед оленеводами общины «Ерв».
Для выступления перед оленеводами выбрали самый большой чум. Жители и гости из других стойбищ удобно устроились: кто-то на нартах и между ними, кто-то сел на травку, а кто-то просто лежал как отдыхающий олень. Не было слышно и детского плача. Звуки музыки, словно множество птиц, летели в пространство ровной тундры, не сталкиваясь ни с какими препятствиями.
Вспомнила я и о приобщении к музыке в студенческие годы. В педучилище нас учили играть на домре. С Марией Чуркиной однажды даже выступали на городской сцене. В институте учили играть на мандолине. Этот инструмент я освоила быстро. Наш преподаватель Гарбер организовал неаполитанский оркестр. После репетиций стали выступать на факультете и в институте. Мне запомнилось исполнение песни «Сольвейг» Эдварда Грига. Мы играли на струнных инструментах, а Галина Бергель, моя однокурсница, пела…
Про завершившийся в Нарьян-Маре фестиваль я расспросила немало людей. Все были едины: классическая музыка подарила много радости.
Роза Канюкова
