Вы здесь

Харто’ ялямдо’ мэ’’ӈаць

Саам'' хэбидя ялядо' таня''

Мурманск маркана илена’’ хибяри’’ саам’’ ялям’ мэ’’ӈаць. Тюку ирий’ маттамдэй’ толыр’ тарця яляӈээ таславы – международный день саамов. Тарця тенз’’ мэта’’ хибяри’’ ӈарка яля. Россияна саам’’ Мурманский областьхана иле’’, Лавозеро ӈэсыхына ӈока’’ . Пыдо’ илевадо’ ӈобтарем’ тэхэт’ пере. Таняна илена’’ хибяри’’ харто’ вадамдо’ мэ’’ӈа’’, харто’ культурамдо’ тю’’у минре’’, харто’ паӈгудо’ тене’’. ӈацекыдо’ харто’ вадахандо’ тохолабидо’.

Тюку ирийна маттамдэй толыркана саам’’ яляхана Мурманской область’ правительство мякана нэрм’ тенз’’ мэта’’ толырто’ тянё’’ ненэця’’ Совет ма’’лёва ваерась. Тюкумэвахана Мурманск мар’ дружба хардахана саамской сообщество серу’’ тасламбиць. Саам’’ ӈарка яля’ ед маркана Подставницкой улицахана лабак’ и’’илаць. Толырто тянё ненэця’’ таняна ма’’люрнаць, область’ ерв’’ таняна вадидо’ сейхад’ миндя вадидо’ мэ’’ӈаць. Ханярина тарця вада’’ саць: - Тюку я’ толырто’ тянё’’ хибяри’’ тад’ нерня ӈод’ варёмдо’ мэць яханандо’ илея’’, вадамдо’, культурамдо’ лэтбая’’, невхы иламдо’ нёя’’ юрбю’’.

Харто’ ямдо’, тыдо’ нюхуто’’, нюто’’ нюху’’ тэврабнандо’. Саам’’ ялям’ тад’ нерня ӈод’ мэпнандо’.