Тюку яля’ паднавами’ хари’’ тыдо’ пэрта Николай няби Клавдия Тайборей’ нямна ӈэвнда’’.
Николай Тимофеевич ӈарка яхана мюсерта’’ тыбэрта’ мякана соявысь.
Нисяда Тимофей Васильевич мэёвна илена ненэць ӈэвысь, ивъер’ манзарана, мякнанда хусувэй ӈамгэнда’ таневам’ тасламбада. Небяда Парасковья Фёдоровна – Яникэця, мел’’мана сэдорана некоця ӈэвысь, ӈацекэхэ’’на’’ хэвхананда сава, иба ӈэсеты. Нюдо’ нюдякоходандо хусувэй серт’’ тохолабсетыди’, ӈаркаюв’ нюдяко нидо’ маниесеты’’, нядабасетыдо’.
Нисядо’ – хумбаси’ лаханана ненэць нивысь’ӈа’’, Ӈарка я’ хойхана соявы, ӈаруманда’ сер’’ «Ямб’ то» общинахана нисянда’, небянда’ хэвхана манзаравысь. Пухуцядамда’ Я’мал няӈэд’ Приуральской районхад тэвравысь.
– Клавдиями’ хаюпа хэванда’ нерде’ таняна илесь. Ӈаркая’ Пэ’ хой няна’’ мята’ тер’’ нида’’ тэхэ’’нато’ мэнаць. Нямбара, илан’ маймбада пирибтяко’ сейхани еримясь, тикахад ӈобкана нисяни’, небяни’ мят хаянись, таняна тюнтаваць – хасава тарця вади’’ хэтась.
Тарем’ Клавдия Пуптовна ӈарка я’ хой няюд’, «Ямб’ то» общинан’ тэвыць.
Ӈули’’ нерде Николай Клавдиянда’ ня нисянда, небяндада мякана илеӈаханзь. Парасковья Фёдоровна, Тимофей Васильевич нюнди’ некоцям’ саву’’цетыди’, ӈопой мядм’ мэць сававна илець, нидо’ нядабасеты, нюди’’ сояць. Янамбовна Николай харта тыда’’ ӈадимяць, тыта’’ толыр’ янамбовна ӈарумдадась, хари’’ мятадамди’ ма’’лаӈаханзь. Нерня’ илевамди’ харти тасламбидись.
Пудана похо’’на’’ «Ямб’ то» общинахана манзарана’’ тыто’ толыр’’ ӈарума’ сер’’ нядэй ядо’ тянёларэяць, тарця сер’’ ӈадимзь, тыбэрта’’ мяд’ терсавэй невхы мюсерць ёдо’ хаембась пэйдось. Тарем’ ӈод’’ Николая Тайборей Нюдя’ я няюв мюсесь идэвыць.
– Теда няхар’’ по’’ ямбан Нюдя я’ хойхана тына’’ пэрӈава’’, нюдя’ я’ тер’’ ненэцие’’ торумдава’’. Ӈули’’ нерде’ тюкон’ тэвбана’’, тоенаркась. Тедахова торумава’’, ихина’’ сава, – мяд’ пэрта некоця тарем’ лахана. – Тюку явна’’ мюсерӈава’’, мяд’ терсавэй мал’ товаць. Нянани’ вэсакон’ тидя Николай Митрофанович Вылка манзара, самляӈг нюми’. Няхарто’ Маша, Федя, Вася маркана школахана тоходана’’, интернатхана иле’’. Ӈаркаюм’ нюхуюни’ хэвхани’ манзараӈаха’. Савов тюкохона, яда’ паской, та’ яв’ варанхана мэсетыва’’.
Тюку по’ ты’’ сие ниць’ ирийхана Нельмин’ Саляхана нябимдей Тайборей’ мяд’ тер’’ ядабтэйнась. Пыдо’ «Варӈэ ялям» мэ’’манзь товыць. Тикы яляхана ӈэсыхына тэхэ’’на’’ мэна’’ ненэця’’ ӈэдалёрцеты’’, поӈгнандо’ пирдырцеты’’. Ныхыдо’ хормась хари’’ тыдо’ пэрта няхаюна’ Николай Тимофеевич, Клавдия Пуптовна Тайборей мяд’ тер’’ идэвыдаць.
Харто’ тыдо’ пэрта нина’’ ӈэсыхына иленахат’ ӈадясь’ яӈгаць. Сомбой сывы мюсерць мэта’’ ембдяродо’ мэць Салян’ товыдаць. Хасава’’ париденя таӈгасавэй мальцидо’ сервы’’, паской темсавэй пиби’’ мэць, едэй сертавы хасава нидо’ тане.
Некоця тандая’ сэдвы, мадавэхэ’’на’’ падтавы сэрако панымда, пивида’ мэць, паской платм’ мэць падтавы не’ ханхананда’ товысь. Тарцям’ маниесь сейхана лимбякась, маймбцось. Хой’ тер’’ не – мел’’ ӈэвада ти’!
15 по’’ ямбан Тайборей мято’ тер’’ вады, мэёвна ӈэто’ нина ну’’, манзара’’, илан’ мэёвна сырць нерня’ миӈа’’.
– Маня’’ серуна’’ вэва’ ни’’ӈа’’, ӈацекы’’ вады’’, сава нядаӈгодини’. Няндо’ мале’ минаць енава’’ пир’’. Малӈэ’ сензва’’ – тикы сямянд’ тарана. Хусувэй таранам’, харвабцо’ танебнанда сертава’’ пир’’, – нись’ паромбю Николай Тимофеевич лахана. – Хойхана илена хибяри сертавндада’ пили’’ тане, ханяна хасенавам’ ехэрасетыва’’, пили’’ масьтёсетыва’’. Тарем’ ӈод’’ ханяӈэхэна ӈэсын’ тэворцетыва’’, хэбидя яляхана мэсетыва’’, хуркари’’ ма’’лёваха’ турцетыва’’… Теда Салян’ това’’, пирдырманзь ятнава’’, сёхо’ инзелева’’, тикахад ӈаврадава’’, ӈани’’ таранадава’’ тэмдаӈгува’’, юн’ намдаӈгува’’, ненэця’ няюв лаханакуртава’’, тикы’ пуд’’ мякана’’ ӈэдалаӈгуна’’
– Мань е’’эмняни’ семьями’ – сямянд’ таранами’, Клавдия Тайборей мась, мя’’ни’ тер’’ ныхыми’, тены’ по’’, нерня’ таневава’’. Тоенана сер’’ нисетына’’ мание’’, хадри’ танесь, танедакы. Илевава’’ хар’’на’’ тасламбива’’.
Яля’ пэвсюмбы пеляхана Тайборей мяд’ тер’’, манзаито’ пуд’’ ӈобкана сяйманзь ма’’ласетыд, тол’ тяхана ӈавормандо’ сер’’ ваеравы ялямдо’ таслабсеты’’, манэ’’мыдо’, сертавыдо’ хэтбасеты’’, ӈани’’ яляхана сертавндидо’ таслаӈгу’’. Тарця ил’ мэсыдо’ тане!
Перевод на русский язык
Есть у семьи такая традиция…
Сегодня герои нашего материала – Николай и Клавдия Тайбореи – семья оленеводов-частников Малоземелья.
Николай Тимофеевич вырос в дружной, трудолюбивой семье. Отец Тимофей Васильевич был основательным тундровиком, слабинки себе никогда не позволял; старался, чтобы в семье был достаток. Мама Парасковья Фёдоровна – спокойная, мастеровая женщина, рядом с ней детям было тепло и надёжно. В меру строго родители воспитывали детей. Мальчишки и девчонки с детства были приучены к труду, старшие помогали младшим, возле родителей учились рукоделию и ремеслу.
Николай – немногословный, серьёзный мужчина. Многие годы рядом с родителями трудился в общине «Ямб то». А жену привёз из Приуральского района Ямало-Ненецкого округа.
– Там жила моя Клавдия до замужества. Её родители пасли своих оленей в горах Полярного Урала. Выросла она в большой, крепкой семье. Весёлая, жизнерадостная девушка сразу мне понравилась – привёз в родительский чум, сыграли свадьбу, – рассказал мужчина.
Так Клавдия Пуптовна оказалась в Большеземельской тундре, в общине «Ямб то». Сначала кочевали с родителями Николая, им невестка сразу приглянулась. Молодые жили дружно, во всём поддерживали друг друга, родили детей. Постепенно обзавелись собственными оленями, увеличили поголовье, собрали собственный чум и зажили своим хозяйством.
В последние годы оленеводам «Ямб то» стало не хватать ягельных земель, и некоторые семьи в поисках пищи для животных стали оставлять родовые угодья. Тогда семья Николая Тайборея направилась на запад округа.
– Три года как пасём оленей в Малоземельской тундре, познакомились с жителями Малой земли. Сначала притирались друг другу, а теперь чувствуем себя комфортно, – рассказывает Клавдия. – Помогает нам дядя мужа, пастух Николай Митрофанович Вылка, и пятеро наших детей. Трое из них – Маша, Федя и Вася – учатся в Нарьян-Маре, живут в интернате. Старшие сыновья трудятся рядом с нами. Здесь нам нравится жить: свободно, красиво. Лето проводим у Баренцева моря.
Это была моя вторая встреча семьёй Тайбореев. Первая состоялась много лет назад в ЗАГСе Наръян-Мара. Тогда молодые Николай и Клавдия с шестимесячным первенцем приехали в столицу округа, чтобы зарегистрировать брак и оформить свидетельство о рождении ребёнка. В память о нашем знакомстве я подарила им снимок, сделанный в ЗАГСе во время регистрации.
С тех пор минуло более 15 лет. В этот раз мы встретились в Нельмином Носе в День ворона. Традиционно в праздник в посёлке проводятся оленьи гонки и соревнования по национальным видам спорта. Испробовать силы в спортивных состязаниях приехала и семья Николая Тимофеевича и Клавдии Пуптовны Тайбореев.
На празднике члены семьи заметно отличались от местных жителей. Они были одеты в традиционные зимние одежды. Мужчины – в добротных малицах, опоясанных поясами, новых пимах с красочными подвязками. Женщина – в белой, расшитой узорами панице и пимах, красивом платке. Труженица тундры приехала в Нельмин Нос на своей упряжке оленей, на празднично украшенных женских санях. Налицо мастерство хозяйки!
Семья заметно увеличилась. За полтора десятка лет прочно встала на ноги, успешно ведёт своё хозяйство.
– В нашей семье всё нормально: подросли мальчишки – хорошие помощники. Теперь смело можно положиться на них. Все здоровы – это главное. Остальное в наших руках, при желании можно многого достичь, – не спеша говорит Николай Тимофеевич. – Свободного времени почти не бывает, но стараемся с женой и детьми выезжать на праздничные мероприятия, деловые встречи… Сейчас в посёлок приехали: в соревнованиях поучаствуем, песни послушаем, продукты закупим, необходимые товары, пообщаемся вдоволь, обменяемся новостями и поедем в стойбище.
– Для меня семья – главное, – признаётся Клавдия Тайборей. – Наш надёжный тыл, наше настоящее и будущее. Трудности и сложности мы не замечаем, это наша обыденная жизнь.
Любят Тайбореи после трудового дня собраться за общим столом, испить горячего свежего чайку, заодно наметят планы на день завтрашний и поделятся дневными впечатлениями. Такая у них традиция!
