Сян’ яля’ ваерась вэба’ ирий пудана яляха’ тэвӈгуна’’. Та’ ёльцяӈгана сэвхана маниесь якоцява’’ ёльце паской, хуркари тэнз’ ӈоле’’пяхана падтавы. Тецьда тось пудана ӈамдэд’’ хамӈгуд’’. Тедари’’ тамна пилю’’, ниберё’’ мункоця со. Си’’ив ялякоця ваерась, тикахэртада ни’’ соӈгу. Хой’ якоцява’’ ӈани’’ по’ таӈы’ ӈэсонд’ тарця мун’ ехэраӈгу.
Ханяӈэхэна’’ сата’’ тецьда яля’’ мале вэба’ ирий’ пудана яляха’’на тосьты’’. Хой’ тиртя’’ ӈобня ма’’лась, иба ян’ хэвась хамады’’. Ӈэрм’ якоцява’’ валакада хаеӈгудо’, мандалӈэ тиӈгуд’’.
Ты’’ илӈгана ӈод’’ харта ватода. Хора’’, нюсьда яхадей’’ нямдуто’ хобам’ ха’’аврамби’’. Ты’’ нямдудо’ вырдабась поеларамбада то’’олха’ ӈэсеты’’. Ныхыкудо’ тасламби’’.
Хор’ ирийхад хойхана илена’’ нина’’ ӈока савам’ ӈате’’. Тэхэ’’на’’ ӈод’’ тарана ёльць. Тикы’ тэхэ’’на саць тарана вато, хор’’ туроць пяӈгудо’. Тыбэртя’’ тыдо’ саць сававна пэръядо’, вэнекудо’ сярби’’. Таӈга хадырта’’ ты’’ ӈамзадо’ хэв савумдана’’.
Хойхана ил’ янамбовна миӈа, хурцада’’ яӈгу’’, тарем’ ӈэвам’ тыбэртя ӈани’’ маниедо’. Нибнандо’ мание’’, тикахана хора’’ сеяндо’ хэсь яхадэйдо’ ӈани’’ ян’ танаӈгудо’. Хор’ ирийхана те’ ёльця ненэця’’ – таналуйӈэ’ нюмдебасетыдо’. Хора’’ яхадэйдо’ хэвня нибнандо’ хана’’, тыбэртя’’ хуркари’’ нумӈгана пий’ ямбан’ тыда маниебнанда тара.
Тамна хор’ ирийхана ӈокаюв’ ты’’ нямдудо’ хаемби’’, сыра’ ямбан’ нямдсяӈгу’’. Яхадей’ ватода тарця – нюртей нисе’’мя’ пуд нямдкудо’ хаебидо’.
Хор’’ ирий’ пудана яля’’ пиркана хой’ ненэця’’ тыдо’ ӈобт ма’’лабидо’. По’ пеля’ ваерась тыто’ толыр’’ ӈокамда – яхадэй суюдо’ сояӈгу.
Валакада сыра ям’ тондаӈгуда. Хойхана мюсерта’’ хибярина’’ ея’ мят илелъяд’’. Нерняна носиндалава’ ёльць мэта’’, тикы’ пуд’ забой’ манзаидо’ пяӈгу’’.
Перевод на русский язык
Месяц добрых надежд
Заканчивается первый месяц осени вэба’ ирий – месяц листопада. На поверхности тундры – разноцветные нарядные ковры увядающей от первых заморозков растительности. Пока еще летают ленивые, сонные оводы и мошкара. Но пройдет неделя, и мы забудем о насекомых до следующего лета.
Сильные морозы могут наступить уже в последние дни сентября. Перелетные птицы собираются в большие стаи и срываются с обжитых мест подобно листьям, слетающим с кустарников.
И в жизни оленей в конце сентября происходят изменения. Будущие отцы – быки, а также нетельные важенки снимают кожицу с рогов – и они кажутся красными букетами распустившихся цветов. Мирную жизнь стада нередко нарушают драки взрослых оленей. Они меряются силами, как бы подсказывая хозяевам, что близится брачный период.
Октябрь (хор’ ирий) – месяц любви оленей и добрых надежд людей. Это очень важный момент в жизни животных. Пастухи проявляют максимальную осторожность к оленям, сдерживают рвение собак. Спокойный выпас оленей помогает им набирать вес, не нарушая брачных отношений.
При лишнем шуме, неразберихе молодые хоры могут увести далеко в тундру стадо важенок.
В конце месяца брачная кутерьма прекращается. В тундре наступает тишина. Природа постепенно одевается в белое покрывало. Тундровики меняют летние чумы на зимние. Впереди их ждет охота на песцов, а там и забойная кампания!
