«Ялумдана’’» мядонда – Ольга Старостина, губернаторна’’ ӈуда ӈылы, ненэця’, ӈани тэнз’ толырто’ тянё хибяри серу’’ тасламбада. Ханзер’’ хаёвнда пом’ мадабива’’, хурка сер’’ по’ ямбан сертавыць, хурка серу’’ таслаць тикы’ нямна вадам’ Ольга Валентиновна хэтамби.
– Мань Няръяна маркана соядамзь, яханана’’ ӈока сава хибяри’’ иле’’, ӈока сава сер’’ танесеты’’. Нясьюмба илева’’ ӈэрм’ яхана саць ӈарка сер’’. Тарем’ ненэця’’ невхэна илець, теда’ ӈод’’ тарем’ иле’’.
Манзаяханан’ толырто’ тянё ненэцие’’ нядабидм’, танеда тоенана’’ cеркана ненэцие’’ ханзер’’ нядась, тикым таслабидм’. Маня’’ яханана’’ хибярина’’ сацьри сававна ни’’ иле’’. Хаювы по’ пеля’ ямбан’ округна’’ сидя муниципальной образование’ е’’эмня дорожной карты’ хамадаваць – Малоземельской, Колгуевской сельсовет’ е’’эмня. Хурка серу’’ тикы ӈэсыхына сямянд’ нерде таслась, ненэця’ е’’эмня хурка манзаи’’ хось – тикахана таславы. Тарця манзаи’’ округна’’ администрация’ департамент’’, совет старейшин, ассоциация «Ясавэй»’ ня’ сертабинаць. Ӈобкана ӈарка манзаям’ сертаваць.
Теда’ тасламбива’’, сяӈок еся’’ тараӈгу. Округханана’’ тыбэрма сямянд’ тарана’’. Холговхана ӈока ты’’ хаць, теда’ тыто’ толыр’’ вадабась тара. Ӈэрм’ ненэця’’ тэхэт’ иле’’, ты – сямянд таранадо’. Тикым’ хамадабась, ив’ ты’’ нямна пилибт’’ няркна. Теда’ маниесь, тыбэртя’’ хардахана мэсь манзаяси’’ маендорӈа’’, янамбовна ябехадӈэ’ хантана’’. Тарем’ ӈэбнанда ни’’ тара’’.
Ты’’ манзаям’ теневана хибярина’’ ханярина таня’’, пыдо’ хойхана манзараван’ харва’’, тыдо’ танебнандо’ – манзараӈгу’’, хоян’ танаӈгуд’’, тыдо’ пэрта’’. Тарця серкана государствона’’ нядаӈгова тара, несэювна тыбэрма серт’ сылась нив’ тара’’.
Маня’’ яханана’’ «Сохранение и развитие коренных малочисленных народов Севера в НАО» государственной программа’ мале сян’ по’’ ямбан’ манзара. Тарця программа ненэцие’ нядабава’ е’’эмня сертавы.
Округна’’ администрацияхана Совет старейшин’ манзаямда минреда. Таняна ӈарка нина’’, илм’ теневана’’ хибярина’’ округханана’’ тарана серу’’ тасламби’’. Пыдо’ тыбэртя’’, ертя’’ илм’ теневана’’. Тенева’’ – ханзер’’ тарця манзаи’’ пэртя хибяри’’ танеда манзаянандо’ нядась.
Советва’’ няхар’’ ирийхана ӈопоймэвна ма’’люрцеты’’, танеда серудо’ ӈобкана таслабсетыдо’. Нерняна округна’’ администрация’ «Ясавэй» ассоциацияна’’ ня’ нерня’ ӈобкана манзарава’’ е’’эмня соглашением’ падӈгу’’.
Яханана’’ толырто’ тянё ненэця’’ общинахана манзаранина’’ округна’’ бюджетхад есяхана нядабидо’, тикы поӈгана грантхад есям’ хомби’’. Грант’’ нянэювна тарця ненэцие’’ нядаби’’, хуний манзаидо’ ӈэрм’ ненэцие’’ илӈгад пере’’. Тарця нядаӈговам’ тюку по’ Бугринохона манзарана община ня’’мась, тэдамдо’ тэмдаць. Таняна тыто’ толыр’’ вадамби’’.
Ӈокханда округна’’ бюджетхад 900 ёнар’’ еся’’ грант’’ тя’ тярмы’’.
Грант’’ конкурсхана Нюдя яхана манзарана’’ тет’’ община’’ есям’ ня’’маць –
«Вындер», «Вы’ ту», «Сармик», и «Ялумд’’» семейно-родовой община’’, тамна сидя община Няръян-Маркад «Мядекоця» няби «Сявта».
Сямянд таслась таранава’’- округна’’ ӈэсыхы’’на’’ хибяри’’ манзаидо’ танебнандо’. Невхы похо’’на мехпошив’’ таняць. Теда’ ӈо’’ тарцям’ сертаван’ харвава’’. Не’’ сэдораӈгу’’, хуркари’’ сувенир’’ сертабаӈгу’’. Тикахад национальной виды спорта нядабась. А.П.Пырерко’ нювм’ нюбета школахана национальной борьба секциям’ нэмбива’’. Ӈани’’ саць тарана сер’’.
Туризм’ серу’’ тасламбива’’. Этнотуризм’ маня’’ яханана’’ танева саць серо’’ӈа, яханана’’ таня ӈамгэм’ манэ’’лабтась, ӈамгэм’ манэць ӈани’’ тане’’. Национальной туризм’ центрӈэ Нельмин Салям’ маниева’’. Тикахана ӈэсыхына илена’’ хибяри’’ манзаядо’ ӈадимда. Салян’ яндахат турист’’ турта’’. Пыдо’ манэ’’ман харвадо’: ханзер’’ ӈэрм’ ненэця’’ харто’ яханандо’ иле’’, ядо’ хурка. Намдгудо’ – ненэця’’ невхэна ханзер’’ илеса’’, культурава’’ манэ’’лабтабаӈгува’’, яханана’’ ӈамгэ вадюдана’’, ӈамгэм’ ӈаворӈава’’, манзая’’ хурка’’. Ӈэсыхына сэдорана’’ манзараӈгу’’, сувенир сертабаӈгу’’. Тикахад’ еся’’ ӈани’’ танеӈгу’’.
Маня’’ сава нина’’!
Едэй товнда пом’ сава ихиня ядабтахава’’! Товнда пова’’ сава ӈэя! Мань енадм’, ӈобнзер’’ нерня’ ядбана’’, тикахана хусувэй ӈамгэва’’ танеӈгу’’. Хусувэй мяд’ тер’’ сававна илея’’, сава сер’’ маниея’’, сенз’ ӈэя’’, ябдая’’, ил’ сидда’ маймбтембая, илан’ маймбида’’!
Перевод на русский язык
Село, туризм и Новый год
Гость «Ялумда» – Ольга Старостина, заместитель губернатора по делам ненецкого и других коренных малочисленных народов Севера. Ольга Валентиновна подводит итоги года, рассказывает о делах насущных и рассуждает о перспективах. Предновогодний разговор получился деловым и интересным.
– Как заместитель губернатора я постоянно нахожусь среди реальных проблем людей, которые необходимо решать. За полгода мы разработали дорожные карты по развитию двух муниципальных образований – Малоземельского и Колгуевского сельсоветов. Это совместные проекты с окружными департаментами, советом старейшин и ассоциацией «Ясавэй». Пожалуй, наша первая масштабная работа. Выработаны конкретные предложения по каждому населенному пункту.
На сегодняшний день прорабатывается финансовое обоснование всех направлений, в том числе и по восстановлению оленеводства на Колгуеве. За оленеводством – судьба, будущее островитян. Я видела многократно, каков ненец без оленя. Потомственные оленеводы пропадают в поселках, теряются в общей массе людей, постепенно спиваются.
Сохранились кадры, остались люди, которые могут и будут работать, возвратятся в тундру. Разумеется, здесь необходима значительная помощь государства, требуется кардинальное и давно назревшее изменение системы управления. Ничего не попишешь, это объективная реальность.
Поэтому несколько лет назад в регионе приняли государственную программу «Сохранение и развитие коренных малочисленных народов Севера в НАО». Периодически ее анализируют, и на основе исследования вносятся предложения в программу.
Активно работает Совет старейшин коренных малочисленных народов Севера при Администрации НАО. Это мудрые и опытные люди, которые знают жизнь оленеводов и рыбаков, их тревоги и волнения, отстаивают их интересы.
Раз в квартал мы собираемся и детально обсуждаем назревшие вопросы. В ближайшее время между администрацией округа и ассоциацией «Ясавэй» будет подписано соглашение о сотрудничестве.
Общины коренных малочисленных народов получают поддержку из окружного бюджета, выигрывают гранты. Помощь из региональной казны оказывают в первую очередь тем общинам, которые реализуют проекты, направленные на сохранение традиционного образа жизни, развитие новых форм хозяйствования. Такую поддержку на приобретение ездовых оленей в уходящем году получила община из Бугрино. Это первый шаг по естественному восстановлению оленьего поголовья на Колгуеве.
На днях подвели итоги конкурса грантов. Общая сумма средств, выделенных из окружного бюджета, составила 900 тысяч рублей. Среди победителей – четыре общины из Малоземельской тундры( «Вындер», «Вы’ ту», «Сармик», и «Ялумд’’»), а также две общины из Нарьян-Мара – «Мядекоця» и «Сявта».
Наша задача – создавать рабочие места на селе. Хороший пример из советского прошлого – мехпошивочные мастерские. У нас они были, и мы хотим эту сеть восстановить. Наш продукт должен быть конкурентоспособным, востребованным и качественным. При средней школе имени А.П. Пырерки по многочисленным просьбам жителей в этом году была создана спортивная секция по национальной ненецкой борьбе. Как и другие виды национальных единоборств народов России, является частью культуры своего народа.
В эти дни в округе завершился праздник, посвященный Дням ненецкой письменности. Повсюду прошли фестивали, викторины, концерты, спектакли, конкурсы, творческие вечера. Все они были направлены не только на сохранение и развитие ненецкого языка, но и на сохранение культуры, традиций и обычаев коренного народа. Нарьян-Мар получил широкую известность и благодаря межрегиональному фестивалю народного творчества «Аргиш надежды» («Енава мюд»). В этот раз он проходил в рамках Года экологии в России и Года добра в Ненецком автономном округе.
Решаем мы и вопросы по развитию туризма. Специалисты уверены, что ресурсный потенциал нашего региона для развития этнотуризма очень высок. И Нельмин Нос, если вернуться к программе развития муниципальных образований, мы рассматриваем как центр национального туризма. Современный подход к этнотуризму основывается на поддержке и участии местных жителей и организаций. Чего именно ищут этнотуристы? Они хотят увидеть коренных жителей этой земли, узнать, как они живут, познакомиться с историей народа, его культурой, образом жизни, традиционной пищей, флорой и фауной, ландшафтом. Такой туризм должен приносить поселкам деньги. Рыночная экономика вполне совместима с традиционным образом жизни. Я твердо верю, что этнологический туризм станет для Ненецкого округа рычагом экономического роста и развития.
Дорогие земляки!
Поздравляю вас с наступающим Новым годом! Когда мы вместе, у нас все получится. Каждой семье желаю благополучия, добра, крепкого здоровья, счастья, чтобы жизнь радовала!
