Самляӈг по’ тяхана Несьхана илена’’ нянэй не’’ ӈобкана ма’’лась, ибедорць тарем’ тасладонзь – хари’’ вадавна хыно’’та’’. Тарем’  ма’’люрць пядось, харто’  вадавнандо’ хыноцеты’’, лаханако вадецеты’’. «Сава не» - вокальной группа ӈадимясь. Хор’’ ирийхана мале’ самляӈг подо’ паны.

«Сава нехэна» харто’ вадамдо’, харто’ сёдо’ теневана’’ не’’ ма’’лы’’. Нида тарця серт’ тидхалевы Елизавета Бобрикова. Няндо’ и’ӈудм’ ня’’амвы’’ Латышева Наталья Федоровна, Борисова Валентина Васильевна, Сулентьева Анна Егоровна, Ардеева Вера Агафоновна, тамна ӈани’’ хыно’’ман харвана’’ некоця’’.
– Невхы сё’’ тенена’’ хибярина’’ яханана’’ тамна таня’’, пыдо’ вадамдо’ сававна теневана’’, хынокад’’. Маня’’ нюдякоходана хынабц’ намдурцетыва’’. – тарем’ Елизавета Григорьевна таслабида. – Хойхана мюсермана’ мальӈгана ханзер’’ ӈэса? Маня’’ cёхо, ярабцаха, вадакохо инзелесетыва’’. Ханяӈы ярабц сян’ пий’ ямбан мэцьтыдо’. Тарцям’ намдурць маня’’ вадываць. Тикым’ тензебтемба’ хыноць ма’’люрӈава’’.
Хойхана мюсерта хибярина’’ хыноцеты’’, теда’ хардахана иленаӈэ маня’’, вадава’’ мэтаӈэ, ӈоб’’ хыно’’манзь харвась ма’’люрцетыва’’.
«Сава не» харто’ культурамдо’ теневана’’, хусувэй хибярихи’ тэврамбидо’. Хэбидя яляхана харто’ ӈэсынандо’ илена’’ нито’ сейм’ сомбой сёхона маймбтембасетыдо’, тикахад ӈани’’ яхана’ иленаха ненэця’’ культурам’ манэ’’лабтабасетыдо’. Несьхана илена’’ нянэй не’’ невхы сё, лаханако ма’’лаби’’, ханяӈы небянато’, нисянато’ мэвы ярабц’ тензебтемби.
– Хуркари тэнз’ хибяри’’ фольклор харта и’’ӈута, ненэця’’ ярабц’, хынабц’, вадако ӈока’ ӈамгэм’ минре’’. Невхы сён’ инзелесь теневава’’- ханзер’’ ненэця’’ ӈока по’’ тяхана илевы’’, хурка яха’’ тэвормы, – Елизавета Бобрикова мась, – Хибярина пили’’ хыно’’ӈаць, вадако хэтбиць. Хусувэй хибяринд’ харта сёда танесеты, нюхуто’ нюкобц мэцеты. Теда’ тарця илан’ тэвутына ханяӈы ненэця’ хари’’ сёдо’ мэць вэварахамби’’. Тарем’ ӈэбнанда савада яӈгу. Ӈодьбянда маня’’ хар’’на’’ ӈэсыхынана’’ хыно’’ӈава’’, нина’’ някуна пэрӈава’’. Хыноць ма’’лёбнана’’ сейханана’’ ёльце сава ӈэсеты’’.
Несь’ ӈэсыхы’ вокальной группам’ маркана теневадо’. Пыдо’ харто’ манзаидо’ округханана’’ танеда конкурсха’’на, фестивалька’’на манэ’’лабтабасетыдо’. Тарем’ сян’ по’’ тяхана ваеравы «Сава сён’» турӈаць. Тамальӈгана’ сямянд’ ӈармбэй нядо’ Надежда Ардеева хасую’’ тет похонанда невхы сём’ мэ’’ӈась, «Нянэй сё теневана»’ номинацияхана нердесь.
Тикахана Елизавета Бобриковам’ хибярина’’ маймбась ядтабиць. Пыда небяхаданда намдавы сёмда мэ’’ӈась. «Неян’ вада» сён’ инзелесь, хусувэй хибяри’ небякода ихинда ха’’мыць.
«Сава не»’ коллективхана Канин’ я не’’ харто’ сёдо’ мэ’’ӈа’’, тарця манзаямдо’ харвась нерняри минредо’. Хыно’’ман, харто’ вадавнандо’ лаханаван’ харванидо’ ӈокамдана’’. Хибяри’’, ханяӈы вадамдо’, ямдо’, хибяридо’ мэнена’’ таняна ма’’люрӈа’’.
– Хыно’’мана’ поӈгана сэдорасетыва’’, хари’’ сэдвы панина’’ мэ’’ӈава’’, – вадамда Анна Егоровна нерня’ минреда. – Хадунана’’ хурка паны’’ мэ’’ӈаць, тарця паны’’ маня’’ ӈод’’ мэ’’ман харвава’’. Мадавы’’ нямна ӈарка нина’’ хонрабсетыва’’ – ханзер’’ сэдась тара, хурка ӈэса.
Анна Егоровна нюдякоходанда сён’ инзелесеты.
– Мань небяв сэдораванда’ мальӈгана хыноцеты, тенебнан пивам’, мальцям’ сэдбась сёда хайнасеты. Тарем’ сэдораванда’ ямбан’ ида сава ӈэӈгу, манзаяда ханзер’’ тара, тарем’ ӈадимда. Небян’ сём’ теда’ ӈод’’ ханяӈэхэна намдуртархам’ ӈэсетыдм’, тикахана мякана илевава’’ ихин’ ха’’амсеты. Ханзер’’ небя’ хэвхана савась, мякана тикахад’ ибась, ялясь.
Хари’’ сёхо’ нюдякоход намдурць, теда’ ӈарка хибяриӈэ хэсь, мань’ ӈод’’ хыно’’ман харвадм’. Ненэця’’ ярабц’, сюдбабц’, хынабц’ ӈока ӈамгэм’ ваде’’ӈа’’. Невхы похо’’на нина’’ ханзер’’ илевамдо’ минредось, поюдо’ хуркаць, ямдо’ ханзер’’ лэтбидонзь. Вадако’’ ӈод’’ ӈокам минре’’.
Ӈацекына’’, нюна’’ ню’’ харто’ паӈгудо’ теневась илебнандо’, хари’’ тэнз’ культурамдо’ теневабнандо’ тара’’ нив. Тарцям’ теневась пыдо’ ӈод’’ нерня’ илеӈгу’’. Маня’’ теда’ ма’’лёсь ӈацекы’’ хэвхана пэръяна’’. «Сеӈгакоця»’ ӈацекы’’ коллективва’’ таня.
Ӈобкана ма’’лась хари’’ вадавнана’’ лаханасетыва’’, хыноцетыва’’, невхы иле’’мина’’ тензебтебсетыва’’. Ӈацекы’’ няна’’ инзелесь сэвкоцидо’ ябиресеты’’, сейханандо’ маймбцом’ маниесьтыва’’.
«Сава не»’ коллективва’’ ӈэсыхынана’’ иленаха’’ хамадавы манзаидо’ манэ’’лабтабасетыдо’. Хибярина’’ хэбидя яляхана няна’’ сырманзь, инзелесь турцеты’’. Тикы’ пуд’ сава ихиня мякандо’ хэсеты’’, няна’’ ихид’ миндя вадидо’ хэтбасеты’’. Тарцям’ намдась – маня’’ ихиняна’’ сава ӈэсеты. Хамадабива’’- тарана серм’ минрева’’.

Перевод на русский язык

Душевные песни хороших женщин

5 лет назад, в октябре 2012 года, в селе Несь собрались единомышленники, которых объединила любовь к ненецкой песне, создали свою вокальную группу и название придумали – « Сава не» («Хорошие женщины») .

Идея проста и амбициозна: рассказать землякам о духовном наследии своих предков, а сделать это можно одним способом – предложить что-то более интересное. Генератором идеи, как, впрочем, и многих других, выступила Елизавета Бобрикова. Ее активно поддержали представители ненецкой интеллигенции Наталья Федоровна Латышева, Валентина Васильевна Борисова , Анна Егоровна Сулентьева, Вера Агафоновна Ардеева и другие.
– Наша песенная культура живет и в тундре, и на сцене, пока есть люди, которым она дорога. Они исполняют песни на настоящем, чистом ненецком языке,- рассказывает Елизавета Григорьевна. – Бывая в тундре слышим язык, наши песни. В стойбищах и сегодня встречаются уникальные носители песен, и сказители есть. Такие ярабцы могут исполнять несколько ночей подряд! Найти, записать, сохранить, донести до потомков – наша задача.
Участницы «Сава не» не только реализуют свои творческие способности, но и прививают зрителям вкус к настоящей культуре, дают заряд духовной энергии, прочности – то, что необходимо каждому из нас. Собранный материал дает возможность подготовить целое вокально-хореографическое действо, в котором есть многоцветье жизни с ее драматизмом, лирическими моментами, юмором...
– Фольклор несет в себе народную мудрость, добро, – убеждена Елизавета Григорьевна. – Просто люди почему-то стесняются своего сокровенного, боятся прослыть старомодными, несовременными. У каждого ненца была и есть, я уверена, своя индивидуальная песня. Такие песни рождаются долго, их создание – дело сложное.
С самого начала своей деятельности вокальная группа принимает участие в окружных конкурсах и фестивалях, завоевывает признание зрительской аудитории. Так старейшая участница «Сава не» Надежда Федоровна Ардеева в свои 94 года исполнила старинные песни на фестивале «Сава се», которые слышала еще от своих предков. Ее отметили специальным призом жюри в номинации «Ненэй сё теневана» – «Хранитель традиционной песни». Надежда Федоровна не только бодро поднялась на сцену за наградой под оглушительные аплодисменты, но и закружилась в зажигательном танце.
Горячо принимают зрители и песню «Неян’ вада», что означает «Слова матери». Ее услышала от своей мамы Елизавета Бобрикова. Пела она под аккомпанемент ветра над макоданом чума. Исполнение песни сегодня подкупает не только неповторимыми красками национальных костюмов, но и глубиной передаваемых образов. Слушаешь – и представляешь многоголосье оленогонных лаек, звон бубенцов, молчание тундры…
С каждым годом участницы коллектива повышают свое вокальное, исполнительское мастерство. Все их творчество пронизано любовью к родному языку, к своему народу, к той земле, на которой они родились…
– Мы занимаемся и созданием удивительных концертных костюмов, – продолжает знакомство со своим коллективом еще одна участница – Анна Егоровна Сулентьева. – Выступаем в старинных национальных праздничных нарядах. Для того, чтобы приблизить их к оригиналу, важно знать национальную символику и историю. Каждый орнамент имеет свой смысл, и нужно очень деликатно применять тот или иной символ.
Интерес к песне у Анны Егоровны тоже зародился в детстве.
– У меня остались теплые воспоминания от песен, которые пела мама, когда шила тобоки или малицу. Все в народной ненецкой песне лаконично, искренне и просто, все отражает внутренний мир человека, мир природы, среди которой он живет. Звуки родного голоса навевали чувство домашнего уюта, семейного счастья и сладкой дремоты. Мы слушали и невольно запоминали материнские напевы: то лирические, то взволнованные. Это были талантливые голосовые импровизации – ярабц, сюдабц, хынабц – песни и легенды ненцев, в которых говорилось о каких-то страницах истории или обычаях жизни народа, прослеживались судьбы людские. Но особо нам нравились сказочные сюжеты, в их образах воплощалось богатое народное воображение.
Конечно, наши дети и внуки начинают все заново. Но именно благодаря знанию минувшего, они пишут свою историю. И тоже услышат песни, легенды, великие напевы-сюдбабц, сказы о далеком прошлом и нежные колыбельные песни. У нас для них создан детский коллектив «Сеӈгакоча».
А в «Сава не» мы заряжаем друг друга положительной энергией и делимся ею со зрителями. Самое главное, что этого хотят те, для кого мы стараемся. Такое не забывается. Мы знаем, что нас ждут, что вновь заполнится зал, что снова наше общение будет сопровождать аура доброты и чистоты. Думаю, это потому, что мы сами находим в нашем коллективе отдушину, уже и жить-то друг без друга не можем.