Вы здесь

Ваеравы пова’’ сибиць нись’ ӈа’’

РФ’ толырто тянё ненэця’ ӈарка ассоциацияна’’ президентӈэ тарана нява’’ Григорий Ледков ваде’’ӈадась, 2017 по’ ассоциацияна’’ манзаравахана хурка ӈэса, хаювы по’ ямбан’ хурка манзаи’’ ассоциациява’’ сертась. Теда’ товы 2018 похона ханзер’’ манзараванзь ятна’’, нерня’ манзарава пландо’ хэтась.

– Ваеравы пова’’ манзаян’ таслась сацьри сибиць нись’ ӈа’’, тарем’ ӈод’’ хэтась тара сертавэва’’ тянё нись’ ӈа’’. Сертаванзь таславы’’ манзаина’’ сертэйнаць. Тарця серкана ханярина манзарана’’ нина’’ сававна нядаӈгуць, ӈобкана манзарась серуна’’ янамбовна ӈэбнанда’ ӈод’’ нерня’ миӈа’’. Тарем’ ӈэбнанда нерня’ манзарава’’ е’’эмня ныхыва’’ тэвӈгу’’.
По’ ямбан’ сертавы манзаина’’ поӈгана – Форум коренных малочисленных народов хамадаваць, ӈарка ассоциацияна’’ сидндетемдей съездм’ ваерась, хусувэй по’ танеда международной’ выставка-ярмаркава’’«Сокровища Севера» ӈани’’ яндахат товы’’ хибяри’’ ма’’ламбись, ассоциациява’’ нертей литературной конкурсм’ «Голос Севера» хамадась, ӈэрм’ тэнз’ мэта паднана’’ нина’’ манзаи’’ ма’’лась, тикахад тарця’ манзаяхат сборникм’ сертась, тикахад толырто’ тянё ненэця’ харто’ вадамдо’, литературамдо’, культурамдо’ минрена’’ тохолкоди нертей съездан’ ма’’лаваць, харто’ вадахандо’ ӈацекы’’ тохоламбада’’ тохолкоди ассоциациям’ ӈадимдеваць, Россияна’’ ФАДН ня’ ӈобкана «Дети Арктики. Дошкольное образование. » проектм’ хамадаваць. «Ханий» нюбета’ ниня’ ӈарка тиртя’ ӈанокоцям’ тэмдаваць, ӈэрм’ ненэцяӈга манэ’’лабтаваць, ханярина ервуна’’ поӈгана ӈэрм’ тэнз’ мэта’’ хибяри’’ манзаравам’ тасламбиваць, тарця сер’ нямна экспертной советм’ ма’’лаваць, семинаркана лаханакурӈаваць. Тамна’ ӈани’ сертавы’’ манзаина’’ таняць.
«Коренные-2021» народной программам’ ма’’ламбиваць, тарця’ программам’ хаювы похона ня’’маваць. Нерняӈы тет по’’ ямбан’ тикы программавна сертавнда манзаина’’ сертабаӈгуна’’.
Депутатӈэ манзарадм’, тикы’ манзаяханан’ ӈод’’ тоенана’’ сер’’ ӈадимберӈа’’. Толырто’ тянё ненэцие’’ илева’ня’ таславы сер’’ луца’ вадавна манзь – федеральной ватовна саӈговоць миӈаць, вато’ сацьри сававна ниць манзара’’. Ӈэрм’ ненэцие’’ илан’ таславы’’ несэюмдавы’’ вато’ нерня’ ниць манзара’’.
Тарем’ ӈод’’ Государственной думахана по делам национальностей комитет’ таня, тарця’ комитетхана подкомитетва’’ манзара. Подкомитетхана толырто’ тянё ненэця’’ серу тасламбава’’ янамбовна нерня’ миӈа.
Таняна пыдо’ ФЗ «О гарантиях прав коренных малочисленных народов РФ» тасладонзь. Тарця’ ватовна реестрм’ сертаӈгу’’, тикахана хуркари’’ сертавнда серкана нензеларка ӈэӈгу.
Тад’ нерня’, толырто’ тянё ненэця’’ евакоӈэ хаювы’’ ӈацекы’’ харто’ нидо’ мякнандо’ вадабаӈгудо’.
2018 похона сертавнда манзаина’’ мале таславы’’. Тад’ нерня’ ӈод’’ манзаина’’ ивъер’ сертабаӈгуна’’, ханярина манзарана’’ ервуна’’ ня’ лахарёна’’ танеӈгу. Ханзер’’ нерня’ манзаравава’’ маниева’’ тикым’ нина’’ ня’ тамна таслабӈгува’’. Харто’ яханандо’ ассоциацияна’’ серу тасламбада’’ нина’’ нядаӈгода’’. Ӈобнзер’’ тасламбада’’ сер’’ нерняри мимбнандо’ тараӈгу’’. Планва’’ сертавы, манзарась харвабцова таня.
Маня’’ сава нина’’! Едэй по’ това ед’ сямянд сава вади нянда’’ хэтбидм’. Товы пова’’ ӈока сава серм’ тэврая, манзаяхананда серуда сававна нерня’ миӈая, сертаванзь таславы’’ манзаида сертэйда’’, сава нида’’ хэвхананда мэя’’. Сензда ӈада’’, хусувэй ӈамгэра тэворӈая, сава ихиня илевамда мэ’’ӈара’’.


Перевод на русский язык

Год был напряженным, но результативным

Президент Ассоциации коренных малочисленных народов Севера, Сибири и Дальнего Востока, депутат Госдумы Григорий Ледков рассказал об итогах прошлого года и о планах Ассоциации на этот год.

– Год был насыщенным, знаковым и одновременно трудным. Мы находили силы и возможности, чтобы решать самые разные задачи. Все препятствия воспринимаю как еще одно испытание, которое мы должны преодолеть, чтобы стать сильнее. Здесь я говорю за всю нашу команду. Мы подготовили и провели форум коренных малочисленных народов, VIII съезд Ассоциации, ежегодную международную выставку-ярмарку «Сокровища Севера», молодежный форум «Российский Север», первый литературный конкурс «Голос Севера». Издали одноименный сборник, организовали Съезд учителей родных языков, литературы и культуры коренных малочисленных народов, создали Ассоциацию преподавателей родных языков, запустили совместно с ФАДН России проект «Дети Арктики. Дошкольное образование». Также достроили и презентовали самолет сверхлегкой арктической авиации «Птенец», собрали экспертный совет в рамках семинара-совещания по вопросам представительства коренных народов в органах власти. И это лишь небольшая часть мероприятий.
В этом году мы инициировали и утвердили Народную программу «КОРЕННЫЕ-2021». В течение четырех лет будем работать над реализацией ее основных положений.
Жизненно важные вопросы коренных малочисленных народов Севера, Сибири и Дальнего Востока на государственном уровне решались сложно. Новые поправки в законодательство, направленные на изменение сложившейся ситуации, продвигались с трудом. Вертикаль взаимодействия между коренными малочисленными народами и органами власти нарушена, законодательство не работает в полной мере.
Однако подвижки есть. Это результат деятельности комитета Госдумы по делам национальностей и подкомитета по законодательному обеспечению защиты прав коренных малочисленных народов Севера, Сибири и Дальнего Востока. Разработаны поправки в федеральный закон «О гарантиях прав коренных малочисленных народов РФ». Предлагается сделать так называемый реестр информации о коренных малочисленных народах. Его создание нацелено на решение многих проблем, связанных с подтверждением национальной принадлежности. Приветствую законодательную инициативу ЯНАО и принятие закона, согласно которому представителям коренных малочисленных народов Севера, ведущим кочевой образ жизни, разрешено усыновлять детей и то, что  в Ненецком округе 2018-й объявлен  Годом оленеводства.
На днях в Нарьян-Маре врио губернатора Александр Цыбульский и президент ассоциации «Ясавэй» Юрий Хатанзейский подписали соглашение о сотрудничестве между администрацией НАО и ассоциацией ненецкого народа «Ясавэй».
На 2018 год план сформирован, вопросов много, их надо решать. Мы продолжим активный диалог с органами власти всех уровней. Главное, что у нас обозначены задачи и есть боевой настрой.
Дорогие друзья! Сердечно поздравляю вас и ваших близких с наступившим Новым годом! Пусть он принесет удачу и радость побед, пусть исполнятся все ваши заветные желания, а рядом всегда будут верные друзья. Здоровья вам, достатка, мира, любви и добра!