СПК «Харп» маня’’ яханана’’ ӈарка сельскохозяйственной кооператив’. Тюку по’ «Харп» – 95 поданда хая.
Мэта ирий’ маттамдэй яӈганя толыркана Краснойхана илена’’ хибяри’’ ӈэсыхынандо’ манзаямда минрена предприятиендо’ соя’’ма ялям’ мэ’’ӈаць.
Ваеравы юр’’ по’ 30-ей похона ӈадимы колхозан’ 11 хозяйство’ тэвыдаць, 924 тэдонзь, тамна гос.суда е’’эйӈэ 925 тым’ ня’’амаць. Тет по’’ ваерась едэй ӈадимдевы колхозхана мале 32 хозяйствось, тыто’ толыр’’ мат’’ ёнар’’ ӈэсонд ӈарумысь.
Хор’’ ирий пудана яля’’ пиркана Санкт-Петербург’ маркана ӈэрм’ яхана илена’’ хибяри’’ вада фестиваль манзаямда минредась.
Ӈэрм’ яна ӈарка маркана тамбир ма’’лёва хусувэй по’ танесеты. ООН’ ватовна 2022 поход луца’ вадавна хэтась – Международной десятилетие языков коренных народов миӈа, 2032 по’ ӈэсонд таневнда.
Вада’ фестиваль манзарава’’ мальӈгана Санкт-Петербургхана яна’’ регионхат’’ вада’, культура’, фольклор’ нямна манзарана’’ хибяри’’ ма’’люрӈаць.
Манзаравана’’ сер’’ маня’’ ӈока манзаидо’ теневана’’, мэнена’’, хуркари’’ манзаи’’ минрена’’ хибяри’’ ядабтабсетыва’’.
Тюку ялян’ хамадавы падвэми’, ӈопой нись’ ӈахакуна торумдавы, тохолкода Екатерина Канюкова’ нямна ӈэвнда. Мале самляӈг ю’’ по’’ ямбан Екатерина Филипповна округна’’ образование’ серкана манзара, тикы похот’’ 38 по’’ – Нижней Пёша ӈэсыхы’ школахана.
Ӈули’’ нерде’ таня тобнанда интернатхана ервотаӈэ’ манзарась пядась, тикы’ пуд’’ школандо’ директор’ ӈуда ӈылы’ ӈэвысь, воспитательной манзаям’ нерня’ минренаӈэ ӈока’’ по’’ ямбан таравысь.
Москва маркана вада’ нямна манзаи Федеральной институтхана манзарана’’ тасламбидо’, пыдо’ Россиянана’’ хари’’ вадам’ минрена’’ тохолкода’’ е’’эмня Всероссийской съезд’ хамадаби’’.
Россияна’’ регионха’’на’’ манзаидо’ минрена’’ тохолкода’’ нертей ӈарка ма’’лёвадо’ сидя ёнар’’ сидя ю’’ нябимдей похона ваерась. Тюку по’’ тохолкодина’’ ма’’лёва Москва маркана нюдя пэвдэй ирийхана манзаямда сидя яля’ минреӈгуда, мэта ирий’ сидя ю’’ си’’ивумдей яляхад сидя ю’’ синдетимдей толыр’’ ӈэсонд.
Тюку по’ нерняна товнда ирийхана Антон Петрович Пырерка’ юр’’ сидя ю’’ помда’ ядабтаӈгува’’, округханана’’ яндахана иленаӈэ’ теневана’’ нямва’’ темзебтембива’’. Пыда иланда’, сертавы’’ манзаита’’ нямна лаханакурӈава’’.
Ненэцяӈгат’ нертей учёнойва’’- лингвист, переводчик, фоклорист, паднана.
Илда’ ямб нись’ ӈа’’, 1905 по’ ӈарка пэвдэй’ ирий 5 яляхана соявы, 1941 похона хор’’ ирий’ 15 толыркана яӈгумы. Тарем’ ӈод’’ пуданда хаевэда ӈока’’, сехэрэда лата.
Санкт-Петербург маркана ӈэрм я’ тер’’ толыродо’ тянё ненэцие’’ вада нерня’ таневам’ тасламбиць’’.
Хор’’ ирий няхар’’ юдимдей яляхад няхар’’ ю’’ нертей толыр’’ ӈэсонд Петербург’ маркы площадкахана международной конференция « Фестиваль языков народов Севера» манзаямда минредась.
Округна этнокультурной центр’ декоративно-прикладной творчество мякана хаювы яляха’’на’’ «Нибя’ сё» выставка’ нэяць.
Тамбир’ проект’ малда 2024 поход миӈа, небой по’ «Мел’ не» клубхана сэдорана нина’’ мадавы’’ сэдабава’’ нертей выставкахад, теда’ нерня’ миӈа.
Хаювы яляхана нябимдей тарця выставкам’ нэць.
Хор’’ ирий’ нябимдей си’’ив ныланава яляхана маня’’ яханана’’ сельской хозяйствохона манзарана’’ хибяри’’ хэбидя ялям’ мэцетыва’’.
Ваеравы яляхана ӈэсыхына манзаидо’ минрена хибяри’’ маркана ма’’ламбидось, СПК «Харп» манзарана танець. Награда’’ ня’’амвы поӈгана Надежда Николаевна Выучейской нюмдець.
Тикы нява’’ Краснойхана иле, нямбара, я’’авлада, илан’ мэёвна сырта, хусувэй серм’ мянта’’ некоцям сяхари’’ маркана ядабтабнани’ ими’ салмзеты.
Хусувэй по’ Няръяна март’ ӈэсыхыт’’ турта’’ ӈудидо’ мэта не’’ сэдорава’’ серт’ тоходанаванзь тэворцеты’’.
Тюку по’ ӈани’’ тарцясь, этнокультурной центр’ «Мел’’ манзарана» хардахана сидя си’’ив яля’’ ямбан Усть-Кара’, Каратайка’, Нижней Пёша’, Ома’, Нельмин’ Саля ӈэсыхыт’’ товы мел’ не’’ тоходанаць. Пыдо’ е’’эмняндо мастер-класс’’ миӈаць.
Мэта си’’ивна няхарамдэй яляхана тоходанавамдо’ ёльцедонзь, не’’ сертавы манзаидо’ манэ’’лабтаць.
Его давно нет с нами. Но в округе этого легендарного человека знают и помнят
8 октября – 115 лет со дня рождения Сергея Петровича Лавдовского, заслуженного учителя школы РСФСР, участника Великой Отечественной войны, капитана в отставке.
Сергей Лавдовский – северянин, родом из-под Мезени. Семья, где рос, была по тем временам образованной, мать – преподаватель. Читать Сергей научился ещё до школы. В детстве мечтал стать моряком. Но судьба распорядилась иначе.
Тюку яля’ мань Михаил Иванович Косков’ нямна паднадм’, Тикы хасава Хонгурей ӈэсы’ тер’’.
Тэхэ’’на’’ манзарана хасавам’, ӈэсыхынандо’ илена’’ хибяри’’ хардахана ӈояк’ маниесетыдо, пыда хусувэй по’ ӈокаюв ялуда хойхана, тыта’’ поӈгана мэцетыда, пили’’ манзаяхананда мэсеты.
Михаил мал’ перенида’’ тыдо’ маниесь ӈахы’ похот’’ вымна мюсерта’’ хибяри’’ ӈэвы’’. Ирината’’ ири’’, ирида’’, нисяда мяд’ терсавэй Нюдя’ явна мюсермы’’ ненэця’’ ӈэвыць.
Тюку ирий’ юдимдей толыркана Елена Михайловна Талеева хасуюр’’ пода’ пангусь.
Тохолкода, этнограф, ям’ теневана, общественной, государственной манзаи’’ минревы.
Манзаравы пода’ Ямалкана ваераць. Пыда нюмда’ Ямалкана, Таймыр’ няна, маня’’ округханана илена’’ ненэця’’, учёной’’ теневадо’.
Нюдя я – соявы яда’
1935 по’ хор’’ ирий юдимдей толыркана Нюдя явна тыдо’ пэрць мюсермы Михаил Иванович, Прасковья Игнатьевна Ледковха’ мякана не нюди’ соявы. Соявэмда Елена Михайловна тарем’ ваде’’ӈадась.
Хусувэй по’ хор’’ ирий’ 5 толыркана – тохолкода ялям’ ядабтабсетыва’’. Тикы яляхана тохолкодина’’ тензебтебсетыва’’, тохолкодаха’ ихид минда вади’’ мэцетыва’’.
Няхар’’ юд’ мян по’’ ямбан тарця яляхана Каратайка школахана манзарана тохолкода Ольга Григорьевна Явтысой сава вади’’ намдурцеты’’.
Тиман’ я пыда яда, таняна соявы, хари’’ яхананда вадювы, Выучейской ӈэсыхына ӈацекы’ ӈэвы пода ваераць.
Индигской школам ёльце’’махаданда Няръяна март’ товысь, нерня’ тохолковамда И. П. Выучейской нювм’ нюбета педагогической училищехана минредась.
Маня’’ яханана’’ мале’ по’’ ямбан’ округна’’ этнокультурной центрхана «Мел’ не’’» – тарем’ нюмдевы народной клубхана манзара’’
Таняна ма’’люрта’’ не’’ хари’’ ӈудидо’ мэць хуркари’’ паской ӈавори’’ сэдбась тоходана’’, ханяӈыдо’ мале’ ӈахат мел’’мана сэдорана’’ не’’. Пыдо’ хуркари’’ паской манзаи’’ сэдаби’’, ӈока выставкаха’ ӈани’’ ян’ тэвормадо’ танесеты’’.
Тарем’ ваеравы ирий’ пудана яляха’’на’’ «Мел’ не’’» клубхана сэдорана няхана’’ Людмила Лаптандер, Ольга Латышева сян’ ялямди’ Рязань маркана мэ’’ӈэдись.
Тюку по’ Бугрино’ ӈэсыхына школа-садхана няхар’’ ю’’ мат’’ ӈацекы’’ тоходанаӈгу’’.
Мале’ валакада тикы ӈэсыхы школа-садхана манзарана’’ тохолкода’’, воспитатель’’, ӈарка яна’’ сян’ ёнар’’ ӈацекы’’ тотрев, тоходанава помдо’ пяӈгудо.
Вэба ирий’ нертей толыркана – знания’ ялям’ Бугринохона сидя ю’’ няхар’’ школахана тоходанана’’, тикахад няхар’’ яӈганя садикан’ товы’’ ӈацекы’’ ядабтаӈгудо.
Регистрационный номер СМИ: ЭЛ № ФС77 - 83188 от 26 апреля 2022 года
Зарегистрировано Роскомнадзором
Учредитель: ГБУ НАО "Издательский дом Ненецкого автономного округа"
Главный редактор: Горбонос Юлия Юрьевна
Телефон редакции: 8 (818-53) 4-21-73
Электронная почта: info@idnao.ru
Адрес: 166000, Ненецкий автономный округ,
г. Нарьян-Мар, ул. им. В.И. Ленина, 25а