Вы здесь

Ялумд’’

Мел’’ нина’’ яхана’’ ӈока мядонзэйм’ тэвраць

Ты’’ сие ирий сидя ю’’ сиднтетимдей яляхад’ ты ниць ирийна нябимдей’ толыр’’ н ӈэсонд’ Москва маркана «Сокровище Севера» нюбета выставка-ярмарка манзарась. Тюку по’ тарця ма’’лёва «Сокольники» нюбета’ конгрессно-выставочный центрхана ваерась.

Ты’’ ниць ирийна сидя ю’’ хасуюдимдей яляхана вэвко юн’ намдаваць, тикы яляхана Федосья Семеновна Кауц яӈгумам’. Ӈарка нява Няръяна маркана мэта’ ирийна маттамдэй’ толыркана сюрӈаваць.

Хари’’ вадавна толанзёва’’ сава сер’. Тарем’ вадамд’ торомдабин’, лаханась’ харвавар’ ӈадимдангу’’, несэй вади’’ тохолагун’. Маля понку’ « Петров луца’ вадавы – Вэра’ ӈацекы.» Няю Вэнго падвы толабира’’. Тюку яля’ тамна пелямда толара’’.

Сянад хунад ядбани’ ӈод’’ Мадорота яха нярхалъй’’. Яха’ малхана пясавэй сохо танявы. Пясавэй сохо’ яля’ няӈы ядхад я’ хора’ нямд’ мал сарковы. Я’ нямдам’ тальня’ нэкалӈав. Сюдбя’’ я мя’’ ӈэвы. Мят’ мятюдм’. Сюдбя’ си’’ив ню’’ ту’ хэвхана тиври’’ салвары’’. Сюдбя вэсако пыда тарем’ ма: - Вэра’ ӈацекы, тохоявэн.

Си’’ив ю’’ самляӈг по’’ тяхана ӈэрм яхана’’ илена’’ хибярина вэвко юн’ намдаць. Хэвняхад’ товы’’ хибяри’’ маня’’ яхана сайнорць товыць. Тарця серм’ намдась, хусувэй яхана илена’’ хибяри’’ ямдо’ лэтравась тарпыдаць. Хусувэй яхад хибярина сайнорманзь ӈэдалэйдаць.

Яндахат’ товы’’ мел’’ не’’, еркана Наталья Латышева

Нянэй не хуркари’’ манзаям’ пирдалесь мян’’ӈа. Хуркахарт’ манзаяхад’ сейда ни’ пин. Тарем ӈод Наталья Федоровна Латышева. Пыда Несь ӈэсыхына иле, таняна Дом народного творчества нерм’ пэртяӈэ’ тара. Тикы манзаямда маля ӈахэт’ минреда, культурахана пилибт манзара.  Манзаямда мэнена, теневана не.

Нянэй ненэця’ илӈгана хусувэй ирийна  нюмда таня. Тарем’ илева сер’ миӈа. Теда мэта ирийна ӈоб харта нюмда таня. Те’ ёльцяӈгана хойхана ты’’ ниць  ёльць’, ирийва’ӈод ты’’ниць ирийӈэ’ нюмдебада. Тикы ирий’ Раиса Яптуне тарем’ падбида.

«Пунушкам’» нюбета журнал’ этнокультурный центрхана манзарана’’ нина’’ маля юдимдей по’ ямбан сертамбидо’. Тикы ӈацекы’’ е’’эмня сертабада манзая’. Нина’’ тикахана ненэця’’, луца’’ вадавна падна’’.

Хусувэй по’ Москва маркана «Сокровища Севера»  нювм’ нюбета выставка-ярмарка яндахат’ товы’’ ненэцие’’ ма’’ламби’’. Тюкумэвахана тарця ма’’лёвам’ ӈэрм яхад’ товы’’ хибяри’’ «Сокольники» конгрессно-выставочной центрхана мэтадо’.

  Тюку по’ сямянхат’ меретаӈэ’  Андрей Явтысый нюмдець

Хойхана илевандо’ ямбан мюсерта’’, ӈока по’’ ямбан манзарана’’ хибяри’’  малӈэ’ меретаӈэ’ нюмдеба’ пир’’. Мал’’ пыдо’ харто’ манзаидо’ тенева’’,  мал’’ пыдо’ не’’ ӈэя’’, хасава’’ ӈэя’’ тэна’’ мерець ӈэдалёрць’’ мян’’ӈа’’.  Пыдо’ хой’ илм’ мэнена’’, пыдо’ ямдо’ теневана’’, пыдо’ тэкоцидо’  сахарамбада’’. Пыдо’ ныланавам’ ехэрась, хуркари’’ нумгана манзаидо’  нерняри’’ пэръядо’. Иб’ ӈод илевадо’ тоенанарха’, недбидо’ нюдя’’  ӈэдараха’’. Тыто’ хадырць я’ тянёмдана. Тарем’ ӈод хойхана мюсерта’’  нина’’ харто’ илевамдо’ мэнесь, тэкоцидо’ пэрць мюсерӈа’’.

  Паднана Нина Ядне  си’’ив ю’’ помда ядта

Ямалкана со’’явы, вадювы, тоходанвы, ӈока по’’ ямбан манзаравы паднана не Нина Ядне иле. Тюку ирий сидя ю’’ нертей яляхана си’’ив ю’’ помда ядтась. Таӈок по’’ ямбан я’ ниня иле, сертавэда, манэ’’мэда тянё вуни’’ӈа’’.

Маня’’ яханана «Ясавэй» нюбета ассоциациява сидя ю’’ мат’’ по’’ ямбан манзаямда минреда. Ӈэрм’ тенз’ ненэцие’’ хусувэй серкана нядабава’’ е’’эмня таӈок’’ по’’ тяхана ӈадимдевысь.

«Ханебцёход’» сава вади’’ намдась, мядонзэйм’ ня’’амась

Тюку ирийна нертей яля’’ пиркана Няръяна март’ Мария Яковлевна Бармич турӈась. Пыда ассоциацияна съездхана манзарась. Таняна харта вадида мэ’’ӈась. Тикахад’ округна толаӈгова мякана ӈэрм ненэцие отделкана манзарана’’ няхаюна’ Мария Яковлевна няюв’ ма’’лёвам’ хамадаць.

Мария Егоровна Лаптандер

Маня яханана ӈока сава вадам намдувна хибярина хусувэй ӈэсыхына иле. Хибяри’’, хуний тюку яхана сояць, тюкохона вадюданаць, тикахад’ илевандо’ ямбан манзара’’. Тарця хибярина Нельмин Саляхана ӈод тянё вуни ӈа. Нопойдо’ Мария Егоровна Лаптандер.

Ассоциацияна нерня манзаравам’ таслабиць

Ты сие ниць’ ирийна нертей яля’’ пиркана округна еркы маркана нянэй ненэця’’ сян’ ма’’лёвамдо’ мэ’’ӈаць. Нертей яляхана ӈэрм ненэцие ма’’лёй ваерась. Мэта ирийна нябимдей толыркана «Сямянд’ меретахана» хойхана мюсерта нина’’ пирдырмам’ маниеваць. Тикахад’ тюку ирийна няхарамдэй яляхана «Ясавэйм’» нюбета ненэцие’’ ассоциацияна ма’’лёвам’ мадаваць.

Хора няк хэвамбовнани’ ихина то. Няби манахад мань ня’’мав. Хора няк пиняри’ нюта. Сидя хэвхана хамбари’’ нарылы’’. Петров луцам’ няби ӈудаханани’ ӈудахаданда ня’’амбив. Ӈамгэ’ пиркана Петров луца манзь ханада: - Нён ӈодокуко’, пэдахаенакэн?

Ӈудамда нянзав, салик’ савак’ пуня’ матидев. Петров луца’ намдортада яӈгу. Хора няк’ манам’ пили’’ ня’’мада. Ня’’амванда сер’ няк’мана ныклы. Мананда ныклахава хора няк тэринда юху. Манзьвани’ ӈани’ ит’ лямборъяни’. Петров тарем’ ма: - Някми’ савась.

Страницы