Округханана’’ по’ ямбан тоходанавы’’ ӈацекына’’ тохолковамдо’ ёльце, нерняна няхар’’ ирий’ ныланавамдо’ мэта’’.
Пыдо’ е’’эмняндо маркы, ханяӈы’’ ӈэсыхы школаха’’на’’ тюку ирий’ нертей яляхат’’ лагерь’ нёдо’ нэвы. Таняна ирий’ ямбан ӈацекы’’ ныланаӈгуд, тикы е’’эмня яӈга ныланава программа’’ хамадавы, хуркари’’ мэкад сер’’ ваераӈгу’’, мастер-класс’’ таневнда’’, ӈацекы’’ поӈгнандо’ пирдырта’’, ихинандо’ сомбой сянаковидо’ танеӈгу’’, и’’ӈутна проект’’ сертамбаӈгу’’, экскурсияха’ тэворта…
Немалую лепту в историю Малоземельского поселения своим трудом внесла простая женщина с сильным характером – Тамара Фёдоровна Горбачёва.
Горожанка по рождению почти 60 лет живёт и до сих пор трудится в Нельмином Носе. Много лет ветеран труда отдала сфере торговли.
Родилась Тамара Фёдоровна в простой рабочей семье 23 августа 1949 года. Родители Фёдор Савельевич и Прасковья Игнатьевна Парфильевы жили и успешно трудились в столице округа.
Ил’ мэсы’’
Ваеравы си’’ив маттамдэй яляхана округна’’ мардета маркана ӈока хибяри’’ ма’лыць, ӈобкана ныланаць, хэбидя ялям мэ’’ӈаць.
Наръяна маркана хуркари’’ тэнз’ минрена’’ ненэця’’ нидо’ нядабась, сахарабась, нито’ ил’ мэсым хамадабась ӈэрм’ яханана’’ иле’’. Няхато’ сава ихина ядсеты’’, ӈобкана ӈопой сер’’ пэрцеты’’. Тарем’ ныланава яляхана хэвхана иленя’’ ялям’ мэ’’ӈаць.
Ненэцие ил
Ӈамгэ’ тынзя’ тэхэ’’на’’ мэна хибяри е’’эмня сямянд’ таранада? Тарця хонаркован’ округна’’ музейхана манзарана’’ «Дневник знатного оленевода» проектхана ваде’’ӈадо.
Малсяда хойхана, ханяна ты’’ ӈарка яха’ ид’’ тотрев хайнана’’ то’’олха’ ӈэсеты’’, хусувэй тыбэрта ӈэдалёбнанда хэвхананда тынзяда’ ӈэсеты.
Хойхана мюсертахана тынзя’, ямб ӈудада: тэхэ’’на ӈэдалёбнанда ӈуданда’ вэтмаӈэ’ таранарха’ ӈэсеты. Тынзяӈгананда ненэця’ тарабнанда тэдамда’ яркаӈгу.
Ты’’ ниць’ ирий 27 толыркана толаӈгова харад’ хэбидя ялям’ мэ’’ӈаваць.
Тюку яля’ падвы вадини’ Надежда Николаевна Талеева нямна ӈэвнда’’, пыда округна’’ толаӈгова харад’ ӈэрм’ отделкана манзара. Маркана илена’’ хибяри’’ сававна теневадо.
Ямалкана соявы некоця, ябдава’ ӈацекы ӈэвы пода’ Ямало -Ненецкой округ’ Яр Саля’ ӈэсыхына ваераць. Таняна школамда ёльцевы, тикахад Саляхардахана культпросветучилищехэна тоходанась.
Няръяна маркана этнокультурной центр’ «Мел’ манзарана» хардахана лэ’’эмна, пявна маторава’’ серт’ ӈэрм’ тэнз’ хибяри’’ тохолабиць.
Тарця сер’’ департамент внутренней политики ватовна хусувэй по’ сертабада. Маня’’ яханана’’ теневана’’ мел’ хасаваха’ Александр Ледков нябиюм’ Дмитрий Безумов тохолкодаӈэ’ тараӈаханзь.
Тюку’ мэвахана Омахад, Несьхад, Бугриноход, Искателькад товы’’ хибяри’’ ненэцие’ невхы похот’ минрена серт’ – лэ’’эмна’’, пя’’амна’’ матораванзь тохолабихинзь. Пыдо’ несэй манзаи’’ торомдабиць.
Яханана’’ ханярина индо’ лата хибяри’’ тане, тарця хибярихи’ ӈарка ненэця’’, ӈацекы’’, сава юндо’, тябекутавамдо’ няндо’ вадецетыдо’.
Инзеле теневана, нянда’ товы нида’’ нядаӈгуда, сава вадам’ хэтаӈгу. Татьяна Хатьковна Закутаускене тарця хибяри.
Тюку яля’ паднавами’ хари’’ тыдо’ пэрта Николай няби Клавдия Тайборей’ нямна ӈэвнда’’.
Николай Тимофеевич ӈарка яхана мюсерта’’ тыбэрта’ мякана соявысь.
Нисяда Тимофей Васильевич мэёвна илена ненэць ӈэвысь, ивъер’ манзарана, мякнанда хусувэй ӈамгэнда’ таневам’ тасламбада. Небяда Парасковья Фёдоровна – Яникэця, мел’’мана сэдорана некоця ӈэвысь, ӈацекэхэ’’на’’ хэвхананда сава, иба ӈэсеты. Нюдо’ нюдякоходандо хусувэй серт’’ тохолабсетыди’, ӈаркаюв’ нюдяко нидо’ маниесеты’’, нядабасетыдо’.
Наталья Рочева Хонгурей’ ӈэсыхы почтахана ервотаӈэ манзара.
Пыда округханана’’ ваеравы «Земский почтальон» конкурсхана нерня’ тарпыць.
Наталья Григорьевна почтахана мале’ самляӈг’ яӈганяхад вата по’’ ямбан манзара. Манзаямда ивъер’ пэрта, хусувэй ӈамгэмда сававна сертабада. Харта ӈэсында’ хавна тамна почтам’ Каменкан’ тэво’’лабсеты. По’ ямбан таня хибярихи’’на’’ тарана ӈавори’’ тэврабсеты. Ӈэсыхына илена’’ хибяри’’ нянда’ ена’’, ӈатесетыдо, манзараванда’ нямна сава вади’’ хэтбасеты’’. Ӈока по’’ манзараванда’ е’’эмня ведомственной наградыда’ тане.
Ты’’ ниць ирий’ 9 толыркана яна’’ сямянд ӈарка хэбидя ялям’ мэ’’ӈаваць.
Яндаха’’на’’ илена’’ хибяри’’ ваеравы юр’’ по’ сямянд’ пилкабтёда сайнорма пирдалёва ялям’, Победа 81-ей пом’ ядабтаць.
Округна’’ хусувэй ӈэсыхына митинг’’ ваераць, яндаха’’на’’ сайнорма’ похо’’на’’ ӈадимы сё’’ соць, стих’’ толабада танець, солдат’ хаскам’ пиревыць…
Хаювы ирий’ 30 толыркана Россиянана’’ илена’’ толыродо’ тянё ненэця’’ хэбидя яля’ ваерась.
Тарця яляхана округна’’ толаӈгова харад’ ӈэрм’ отделхана манзарана нина’’ «Современная антология народов России. Поэзия.» едэй книга’ презентациям’ сертаць.
Зоя Ивакилева ӈэрм’ отдел ервота мась, тюку яля’ маня’’ толыродо’ тянё ненэця’’ хэбидя яляхана ма’’лыва’’. Тарця ялям’ тюку похона нертеймэвна мэ’’ӈава’’. Россияна’’ Президент’ 2025 по’ носиндалава ирий’ тетимдей яляхана ӈадимдевы ватовна тад’ нерня таневнда.
Ненэцие’ яхана’’ ӈарка сайнорма’ пендерма’’ нидаць тэвор’’, тарем’ ӈод’’ пилкабтёда сайнорма’ мун’’ хусувэй ӈэсын’, хусувэй мят’ тэворӈаць.
Ваеравы юр’’ тет юдимдей похо’’на’’ иринана’’, нисянана’’ Победа ялям’ хахаялтамбиць. Оленетранспортной эшелонхана сайнормы’’ ненэця’’ ӈэрм’ ява’’ лэтбавахана ӈарка серм’ сертаць.
Тюку ирий’ 24 яляхана Няръяна маркана семейно-родовой община’’ манзаи’’ пэрта’’ ненэця’’ ӈани’’ ма’’люрӈаць.
Тарця хибяри’’ е’’эмня округна’’ администрация’ внутренней политика департаментхана манзарана’’ «Сохранение и развитие коренных малочисленных народов Севера в НАО» программавна’ таславы тоходанавам’ хамадаць. Округна’’ ӈэсыхыт товы’’ ненэця’’ яля’ ямбан маркана манзараць.
Те’ ёльцяӈгана семейно-родовой общинахана манзарана’’ нина’’ нертей ма’’лыць. Округна’’ ерв’’ таня турӈаць, семинар’ манзаравам нэмбиць.
Ямал’ яхана манзарана’’ паднана’’, хусувэй по’ тюку ирий’ 19 толыркана минрена’’ манзаито’ хэбидя ялям’ мэцеты’’ – луца’ вадавна тарем’ со’’ – День Ямальских СМИ ЯНАО. Тюку по’ «Няръяна Ӈэрм» газетандо’ 95 пом’ ядабтаць.
Ӈахы’ хаювы 1931 похона Саляхард’ маркана « Няръяна Ӈэрм» – «Красный Север» нюбета нертей газетадо’ тарпыць, те’ ёльцянд 95 по’ ваера’’.
Газетадо’ ненэцие’ вадавна нюмдевысь, таняна падвыдо’ сидя вадавна сертабада’’ ӈэвыць, луца’’ вадавна тамна ненэця’ вадавна.
Яханана’’ 1930 похона падарм’ ехэрана хибяри’’ ӈокаць, тарця серм’ ханзерков’ тидхалесь таравысь.
Тамальӈгана яндаха’’на’’ ӈацекы’’, ӈарка хибяри’’ парта’ тя ӈамдурӈарць, миллион’’ учебник’’ таралъядаць.
Тамальӈгана «Учпедгиз РСФСР» учебно-педагогической издательством’ ӈадимдець ( тены’ похо’’на’’ «Просвещение» издательством’ нюбе’’ӈа), таняхад нертей азбука’’, учебник’’, тохолкода’’ манзаяхана тарана’’ методической журнал’’ тарпыдаць.
Регистрационный номер СМИ: ЭЛ № ФС77 - 83188 от 26 апреля 2022 года
Зарегистрировано Роскомнадзором
Учредитель: ГБУ НАО "Издательский дом Ненецкого автономного округа"
Главный редактор: Горбонос Юлия Юрьевна
Телефон редакции: 8 (818-53) 4-21-73
Электронная почта: info@idnao.ru
Адрес: 166000, Ненецкий автономный округ,
г. Нарьян-Мар, ул. им. В.И. Ленина, 25а