Ӈэрёйӈэ’ хэсь тыбэртя’’ тянембёвна таӈгалмъяд’’. Холмортана’’ яля’’ пуняна хаи’’, ты’’ падева’’ ёльцьхад’ нылана’’. Тыбэртя’’ янамбовна сывы мюсерць яхато’ хамяку’’. Сыра’’ мэ’’эмда ембдеродо’ вандакохот’’ нэкалпи’’. Хой’ тер’’ нина’’ тыто’ толыр’’ тасламби’’, забоян’ тэвравнда тыдо’ яӈгремби’’. Раиса Яптуне Таймыркана илена паднана, сян’ по’’ тяхана «Ненэця’’ экологической календарьм’» падвысь. Таняна хор’’ ирий’ нямна тарем’ падна.

 Хор’’ ирийхана ненэця’’ тыдо’ саць маниейдо’, тены’’ ёльцяӈгана ты’’ ил’ несэюворӈа’’. Хора’’ нямдудо’ селдюрӈа’’, ӈархандо’ лэӈэ’ ялне’’. По’ те’ ёльцяӈгана ты’’ хорамбава ёльцяӈэ’ хая’’. Хора’’ яхадэй’’ хуӈгылась поӈгнандо’ теберӈа’’, муно’’ридо’ сосьты’’. Ирий’ ямбан тарем’ ӈэсьты. Ӈодьбянда ненэця’’ товы ирий’ – хор’’ ирийӈэ’ нюмдебидо’. Тюку ирий’ ваерась нянэй ненэцие’’ падар’’мана сырэйӈэ ханта. 

Яляда хэбиворӈа, хаерта ӈыльняри’’ миӈа. Хор’’ ирий’ пуданаха’’на’’ выӈгана то’’, яхако’’ ӈархандо’ салабаӈэ’ ханта’’. Янамбовна нюлак’ cыра’’ ява’’ тондаӈгуда. Сыранда хурка ӈэвам’ мале ӈахакуд’ миниедо’. Тикахад’ ялэмдад ӈадилава няд’ мимбнанда – валакада тецьда тута’,  сыранда’ ямбан’ ӈэрм’ нуво’’ пэрӈа. Валакада яха’’ нултыд’.

Ненэця’’ манзьты’’: хор’’ ирийхана ӈэрм’ няд’ етри’’ мерцяда турпата – сырада тецьда ӈэӈгу. Хор’’ ирий’ ямбан нумда иба ӈэбнанда нара’ няна сарё яля’’ ӈока’’ ӈэӈгу’’. Тюку ирий’ нертей яля’’ мальӈгана хад’’ яля’’ тобнандо’, товнда по’ таӈы нертей сарё’’ яля’’ ӈэӈгу’’.

Ӈэрёйхана выӈгы’ иленя’’ ваӈгкотидо’ тарця ян’ хамадабидо’, нарэй ид’ ӈылна нибнандо’ хаю’’. Тарця ваӈгоцям’ сэвтесь ненэця’ теневаӈгу – нара’ товнда и’ хурка ӈэвнда. Варк ваӈготанда си’ ӈэрм’ ня’ сядопата – сырада иба ӈэӈгу, иба сей’ няю сюрхалебтёбнанда тецьда яля’’ сыра’ ямбан ӈокарка ӈэӈгу’’. Выӈгана илена писяко’’ ваӈго’ сито’ ня’’ав ӈумгана ӈули’’ сомбовна саркабтамбнандо’ тецьда, сата сырада ӈэвнда.

Хор’’ ирийхана  яляда’ ӈадя’’ хэбиворӈа’’, хаер’’ ибада ни’’ со’’. Нумда хусувэй яля’ япаркаӈэ’ хантана’’,  тецямдана, тир’’ я’ нимня тасивня ядэрӈа’’. Хор’’ ирийна пудана’’ яля’’ пирка’’на’’ яха’’ ханярина мале мал’’ ханимда’’. Сырэй ёльцяӈэ’ хантана. 

Перевод на русский язык

Октябрь – хор’’ ирий

Осень – время для тундровиков благодатное. Позади жаркое лето, олени отдыхают от малопривычного для них тепла.

Оленеводы постепенно перекочевывают в места зимних стоянок, достают из нарт теплую одежду. Постепенно идет подготовка и к забойной компании. В хозяйствах проводятся осенние просчеты, затем начнут выделять оленей на забой. Вот как описывает октябрь месяц в экологическом календаре ненцев Раиса Яптуне, журналист из Таймыра:

– В октябре внимание жителей тундры полностью приковано к стаду, именно сейчас происходит зарождение новых ростков жизни у животных. У оленей окостеневают рога, организм животных полностью готов к продолжению рода. Быки начинают гоняться за важенками, становятся агрессивными. Самцы затевают между собой турнирные бои. Гон домашних животных растягивается на весь октябрь. Поэтому ненцы называют этот месяц – хор ирий, месяцем гона оленей.

Октябрь завершает осенний период экологического календаря ненцев. Уже потускнела осенняя красота тундры, скоро она постепенно начнет покрываться белоснежным одеялом. Наступившую тишину нарушают лишь стук оленьих копыт о мерзлую землю.

Октябрь также отмечен различными народными приметами, позволяющими предсказать, какая ожидается зима. К примеру, если в октябре лунный лик светлым и серебристым появится на небе, то скоро наступят холода, заморозки сильные начнутся, а там и недалеко и рекам стать.

По народным приметам, если в начале октября лютуют северные или восточные ветра – зима ожидается холодной. Ненастная затяжная осень – к сырой, затяжной зиме. Теплый октябрь – к дождливой весне. Обильные снегопады в начале октября предвещают сильные дожди в начале будущего лета.

Медведь еще в конце сентября определяет, какая будет зима или весна. Он выбирает место для берлоги на таких местах, чтобы вода будущей весной не затопила его убежище. Если его берлога расположена входом на север – это к теплой зиме, на юг – к холодной, на восток – к сухой. Если хищники чувствуют, что весной сильно разольются реки, стараются строить свои подземные норы и лежбища на высоких местах.

Дни становятся короче, солнце совсем не греет. К концу месяца продолжительность дня уже не превышает девяти часов. Небо чаще покрыто серыми облаками, низко нависшими над землей. В конце октября полностью замерзают тундровые водоемы – реки и озера. Зима робко вступает в свои права.