Маня’’ илесь яханана хуркари’’ тенз’ ненэця’’ культурахад’ перена’’ сер’’ ӈока ӈэсьты’’. Тарця манзая’ нямна этно - культурный центрхана’ манзарана’’ нина’’ ибедорӈа’’. Ихиня’ сомбой манзаи’’ ӈатесетына’’.

Та’ ёльцяӈана ӈод’ нина’’ манзара’’. Теда культура’ серу таслабда’’ нина’’ манзаидо’ нерня пэрӈа’’. Маля вэба’’ ириян’ хамяку’’. Тикы’ ирийхана Няръяна маркана «Енава мюд» - «Аргиш надежды» нюбета ӈацекы’’ фестиваль’ ваераӈгу’’. Луца вадавна хэтась: - Межрегиональный детский фестиваль национальных культур. Хуркари’’ тенз’ мэта ӈацекы’’ ма’’лаӈгуд’, хари’ тенз’ культурамдо’ манэ’’лабтабаӈгу’’. Маня’’ яханана манзарана’’ ӈацекы’’ коллектив’’ харто’ манзаидо’ манэ’’лабтаӈгу’’, тикахад’ яӈга тарана’’, хынота’’ танеӈгу’’. Тюкумэвахана ваеравнда фестиваль’ ӈарка ӈэвась’ мэ’’. Яндахат’ товы’’ мядондина’’ танеӈгу’’. Хусувэй яхад’ товы’’ коллектив’’ харто’ манзаидо’ тэвраӈгу’’, харто’ мэбебцомдо’ манэ’’лабтавась яхана тута’’. Мядондина’’ Мордовия, Удмуртия, Ӈысма республикахад’, Ямало-Ненецкий, Ханты-Мансийской округхад’, Ленинградской областьхад’ тованзь’ мэнарха’.

«Аргиш надежды – Енава мюд» ӈацекы’’ фестиваль’ вэба’’ ирий сидя ю’’ самлязимдей яляхана манзаямда пяӈгуда. Няхар’’ яля’’ ямбан манзараӈгу’’. Тарця сомбой сер’ яханана вэба’’ ирийхана ваераӈгу’’, мядондина’’ ӈатева’’.