Тюку ирий’ тетимдей’ яӈганя толыркана Нельмин Саля этнокультурный центр’ мякана ӈарка ялям’ мэ’’ӈаць. Ӈэсыхына илена’’ хибяри’’ харто’ ансамбляндо’ «Маймбавандо’» со’’яма ялям’ мэ’’ӈаць. Ма’’лёва ваерась, ханяна «Маймбава» ансамбль’ нямна ӈока сава вада’’ соць. Ӈобкарт’ хибярим’ нивыць’’ юр’’, хусувэй теда ансамбльхана’ мэна’’, тикахад’ сяӈгова таравы’’, хыно’’мы’’ хибяри’’ грамоты’’, мядонзэйм’ ня’’амаць.

«Маймбава» ӈод’ ӈэсыхына илена’’ нито’ е’’эмня ӈарка, несэй хамандавы программам’ манэ’’лабтась. Ныланавась’ товы’’ хибярито’ сею’’ ӈани’ маймбтець! Пыдо’, пэдова’’! Няндо’ ӈарка вада!