Вы здесь

Илевава’’ нядана’’ пере / Оптимизм стержень жизни

Теперь Анна Сулентьева шьет ненецкую одежду и сувениры

Невхы’ похо’’на’’ тандая пенсиян’ тарпвы’’ хибяри’’ мале пухуцяӈэ’, ириӈэ’ толабасьтына’’. Тены’’ похо’’на ӈокаюв’ тарця’ хибярина’’ ӈани’ сер’’ илан’ сырӈа’’. Пенсиян’ тарпась, ӈахэт’’ минревы’’ манзаидо’ хаесь ӈармбэй хибярина’’ тэри тарем’ ӈопой яхана ни’’ хасена’’. Ханя’’ валакада пенсияхана мэна’’ хибярина’’ ни’’ тэвор’’, хуркари’’ серкана пыдо’ нердеван’ харва’’.

Хор ирий’ нертей яля’ я’ сяр ниня ӈармбэй хибяри’’ хэбидя яляӈэ’ таславы. Тикы ялям’ хусувэй по’ мэцьтыва’’. Тюку по’ ӈод ӈармбэй хибярина’’ юрвы’’ ниць’ ӈа’’. Ӈарка ялямдо’ ханярина мэ’’ӈадонзь. Няръяна маркы’ Арктикам’ нюбета Дворец культуры мякана ӈармбэй хибярина’’ сертавы’’ манзая’’ выставка’ нэяць. Маркана, округна ӈэсыхы’’на илена’’ нина’’ харто’ манзаидо’ тэвравыць. Несьхад’ товы’’ манзая’’ ӈод’’ танець. Тарця манзаи’’ тэвравы Анна Егоровна Сулентьева. Пыда ня лаханавав’ танесь. «Хари’’ похот’ пинась ни’’ тара’’, - сямянд’ нерде хэтвы вадида нян’ тарцяць.

Сята’ сомбой, инда’ вато’ нямбара некоця по’’ ваерась пирибцяко’ то’’олха, илан’ маймбась сырта. Пыда ватовнанда, хибярит’ хусувэй ӈамгэда харта няданда’ пере’’. Анна Егоровна Канинхана соявы, пилибт’ Несьхана иле. Сидя ю’’ си’’ив по’’ ямбан харта ӈэсыхынанда Канинской сельской совет председатель’ ӈуда’ ӈылӈэ’ манзаравы. – Хибяринд’ хусувэй ёльцьха’’нанда савада танесеты. Илеванда ямбан манзаравы хибяри, лэркабт’’ манзаямда хаебнанда, тикахана ӈамгэхэрт’ савада яӈгу. Нябиюм’ няд маниесь – пенсияхана мэва ӈани’’ сава, ивнянд’ ӈэда манзаит’ е’’эмня времяр’ ӈокамдана, - тарем’ Анна Егоровна лахана, тамна тяха’ лаханась мась: - Няхар’’ по’’ тяхана мань’ ӈока  по’’ ямбан минревы манзаяв’ хаебнан ихинян’ сава нись’ӈа’’, манзаясяда илан’ торомзь тарась. Ибедорцетыдм’: ханзер’’ нерня ӈэбнан’ сава ӈэӈгу?

Теда мань «Сава не» фольклорной коллективхана ненэцие’’ сё’’ мэ’’ӈадм’. Не’’ ня ӈобкана ма’’люрцетыва’’, хар’’на’’ вадавнана’’ лаханасьтыва’’, ӈобнзер’ хыно’’цетыва’’.  Ӈобкана  ныланасьтыва’’, сава ихиня ӈани’’ ялян’ сырцетыва’’.

Ӈарка хибяриӈэ’ хэсь Анна Егоровна ӈацекы ӈэвы пода тенейда, ӈамгэн’ небянда’ хэвханана тоходанась тикым’ теда ихиданда’ нэкалпида. Теда харта сэдорана не, пыда ӈудахатата сомбой манзая’’ ӈадимберӈа. Тёмбека, паской, сэду’’вода мел сэдорана то’’олха’. Ханзер’’ манзаида вэва ӈэӈгу? Нюдякоданда нибям’ ня’’амбась тохолавы нив’ ӈа’’.

Теда  Анна Егоровна  хасава ӈацекы’’ е’’эмня мальцяко, не ӈацекы’’ е’’эмня паныкоци, тикахад’ сави’’, пиви’’ сэдбасьты. Манзаида’ сававна ӈадиберӈа’’. Тарем’ ерибнанда хари’’ сэдвы’’ манзаида’ манэ’’лабтавась  фестивалька’ тэворцеты, манзаида’ ханасеты, мастер-классха’’на манзарасьты. Тюку по’ нара нертеймэвна «Сава сё» фестивалян’ турӈась. Тюкумэвахана  сэдвы манзаида’ӈод’’ нертеймэвна март’ тэвравысь.  Маркана илена’’ ӈацекы’’ пыда сэдвы манзаида’ серась сценахана ӈадимяць. Тарцям’ маниесь ихиня саць савархась. Анна Егоровна ӈод’’ тикы’ пуд нерня манзараван’ харвабцов’ ӈокамдархась, несэй манзаи’’ сертабава нямна ида’ мале ядэрӈа.

Мальця’’, паны’’,сава’’, пива’’ хавна Анна Егоровна тамна сувенир’’ сэдбада не. Тарця серт’ тохолкодаӈэ’ манзарана не нямда тэврась. Тохолкода Александра Егоровна времянда тянё ӈэсь’ ӈод’’ ивнянда ӈэда манзаида’ сертабасьты. Хор’’ ирий нертей яляхана  маркана ваеравы  выставкахана сидя не’ няс  манзая’’ танець.

Анна Егоровна Сулентьева вадавна: - Несьхана ӈока мел’’ не’’ иле’’, хусувэдо’ сававна сэдорана не. Маня’’ няхадана’’ тоходанава’’. Тарем’ илева’’. 


Перевод на русский язык

 

Оптимизм стержень жизни

Что такое возраст? Каждый человек воспринимает прожитые годы по-разному. Кто-то уже к 40 годам стал глубоким стариком – унылым, бездеятельным и ленивым. Другие и в 70 продолжают радоваться жизни.

– Не стоит бояться возраста, – с таких слов начала свой рассказ Анна Егоровна Сулентьева, жительница села Несь.

Через годы она сумела пронести обаяние молодости и оптимизма и считает, что многое в человеке зависит от его душевного настроя. Анна Егоровна родилась на Канине и все годы живет в Неси. Двадцать семь лет проработала заместителем председателя Канинского сельсовета.

– В каждом возрасте есть свои преимущества и недостатки, – продолжает Анна Егоровна. – С одной стороны, тяжело было первое время после ухода на пенсию привыкать к новому образу жизни. С другой стороны, пенсионером быть неплохо – появляется больше свободного времени. Увлечений у меня немало, они мое спасение. Пою в ненецком фольклорном коллективе «Сава не», собираемся вместе, разговариваем на родном языке, поем любимые песни, заряжаем друг друга положительной энергией.

Интерес к песне у нашей героини зародился в детстве. Ей посвящала свои песни мама, близкие и дальние родственники.

– Помню пламя в печи. Он нее идет тепло, трещат дрова, ароматно пахнет готовящаяся пища. Светом огня озарены лица домочадцев. Моя мама прекрасно шила. Детей в семье было много, и нужно было их одевать и обшивать, – продолжает рассказ Анна Егоровна. – Отец был инвалидом войны, поэтому все заботы о семье легли на плечи мамы. Я всегда находилась рядом и наблюдала за ее работой. Шов у мамы был бисерным, шила мелко-мелко и очень красиво. Рукодельница была...

Теперь и сама Анна Егоровна создает изделия, отличающиеся аккуратностью, изяществом и даже ювелирностью. Сказывается опыт, ведь впервые иголку взяла в руки ненецкая мастерица в раннем детстве.

– Шью детскую национальную одежду – малицы для мальчиков, паницы для девочек, неплохо получаются головные уборы и даже национальная обувь, – говорит Анна Сулентьева. – По возможности стараюсь посетить мероприятия, связанные с национальным декоративно-прикладным искусством. Весной впервые приняла участие в фольклорном празднике «Сава сё», где демонстрировала коллекцию детской одежды. Получилось, на мой взгляд, неплохо.

Но не только шитьем знаменита мастерица. Творениями ее рук могут оказаться самые неожиданные предметы – сувениры из меха, кожи, дерева. Технологии она словно извлекает из генетической памяти.

– К изготовлению сувениров привлекла сестру, у нее прекрасные работы и занимается с удовольствием, хотя она учительница и времени в обрез. Ее работы я привезла в Нарьян-Мар на выставку, посвященную Дню пожилого человека. Вообще в Неси много мастеров по пошиву национальной одежды, многие занимаются сувенирной продукцией. И это здорово: мы учимся друг у друга. По натуре я оптимист. Грущу только когда мало работы. Вот нанесу последний штрих, и… жаль расставаться со своим изделием, потому что в процессе работы оно становится частичкой меня.

Вот такой человек Анна Егоровна Сулентьева. Она сильна и увлечена своим делом. И понятия «высокий возраст» для таких людей не существует.