Ты’’ ниць ирий 27 яля – Россиянана’’ толаӈгова харад’’ яля.

Тюку по’ А. И. Пичков нювм’ нюбета Ненэцие’ еркы’ толаӈгова харад 95 пода панысь.

2001 похона округна’’ толаӈгова хардахана ӈэрм’ отдел ӈадимясь. Таняна краеведение’ серу’’ тасламбава манзаи’’ няхаюна’’ пэръяди’. Маня’’ яханана’’ илена’’ хибяри’’, хари’’ яна’’ историям’ тохоламбада’’, яна’’ нямна падвы литературам’ толамбада’’ няюв манзара’’.

Ӈэрм’ отделкана манзарана няхаюна’ манзаяди’ тянё ни’’ӈа’’ – хари’’ яна’’ нямна падвы литературам’ ма’’ламбихи’, лэтбиди’, тикадо’ хибярихи’ тэврамбиди’. Теда маня’’ тю’’уй технология’’ векхана илевава’’ мэ’’ӈава’’, толаӈгова хардахана манзарана няхаюна’ ӈод’’ тарем’ манзараӈаха’. Библиотекан’ турта’’ хибяри’’ хари’’ яна’’ нямна падвы информационной материал’ тарем’ тохоламбидо. Отделкана манзарана няхаюна’ округна’’ историко-краеведческой манзаи’’ сертабихи’. Ненэцие’’ вада нерня’ танева’’ нямна ӈокавна манзараӈаха’. Хусувэй танеда литературам’, традиция’, культура’ нямна теневанидо хибярихи’ ваде’’ядо. Тарця сер’’ минрена манзаянанди’ ӈарка серӈэ’ таславы.

Сидя юкад’ вата по’’ ямбан маня’’ яна’’ толаӈгова хардахана ӈэрм’ отдел манзаям’ нерня’ тидхалебадаӈэ Зоя Степановна Ивакилева тара. Пыда краеведческой литературам’ теневана, толаӈгова хардахана минрена манзаямда самляӈг юкад’ вата по’’ ямбан пэрӈада.

– Ӈэрм’ отделва’’ ӈадимдембавы’’ Алла Ивановна Кожурова няби Екатерина Григорьевна Хозяинова, – вадамда’ Зоя Степановна хана. – Мань Ленинград’ маркана институтм’ ёльце’’махадани’ тюкон’ манзараванзь еримядамзь, тамальӈгана тобнани’ толаӈгова хардана’’ фондха’’на’’ тет ёнаркад вата’’ хуркари’’ издания’’ танець. Тюку ялян’ тэвась, тарця толырта’’ няхармэвна ӈарума’’. Манзаява’’ нерняри’ миӈа.

Тамальӈгы похо’’на’’ библиотекава’’ морской порт’ управление невхы хардахана ӈась. Тецьсеты, ханьтасетыва’’. Тарем’ ӈод’’ манзараваць, хибяри’’ турцеты’’, книги’’ пили’’ манэсарцетына’’, нибнандо’ са’’не’’. Библиотечной фонд’ лэтбиваць’’, округна’’ литературной достоянием’ сававна лэтраваць.

Сидя ёнар’’ хасуюдимдей похона Наръяна маркана едэй, несэювна таславы толаӈгова хардам’ нэць. Едэй толаӈгова харад нё’ симда хибяри’’ е’’эмня нэдась. Тамальӈгана округна’’ толаӈгова харад ненэцие’’ паднана Алексей Пичков нюмна’ нюмдедонзь.

– Тарем’ округханана’’ толаӈгова хардахана манзарана’’ нина’’ манзарава’’ несэювна минзь’ пядась. Едэй технология’’ манзаяхана ӈадимданаць. Яӈга таславы’’ цифровой программа’’, каталогизатор’’, несэювна манзарава’’ е’’эмня хуркари’’ тарана ӈавори’’. Маня’’ ӈэрм’ отделкана манзаранаӈэ, фондханана’’ танеда’’ материал’’ сававна лэтбава’’ е’’эмня нертей электронной каталог’ ма’’ламбась пяваць. Округна’’ сямянд’ нертей ӈадимы «Няръяна вындер» нюбета газетана’’ оцифровка’ манзаям’ тенад сертамбива’’. Тюку ялян’ хэтась, газетана’’ электронной версияда тане, таняна нертей номеркад, хуний 1929 по’ носиндалава ирий’ си’’ивумдей толыркана тарпвы номеркад ваеравы юр’’ по’ ямбан ӈадимы’’ газета’’ мал тане. Тикы’ хавна хибяри’’ тэвравы’’ рукопись’’, хуркари’’ ӈани’’ материал’ маня’’ лэтамбина’’, манэ’’саръяна’’, янамбовна манзаяӈэ сертабина’’.

Теда’ ӈэрм’ яхана, Сибирькана, Дальней Востокхана илена’’ толыродо тянё ненэця’’ вадавна падвы’’ книга’’ cводной электронной каталог’ сертамбада’’ нинa’’ ня ӈобнзер’ манзарава’’.

Отделва’’ манзара, хусувэй яля’ толаӈгода хибяри ядабтамби. Маня’’ хибярина’’ маймбась толаӈгова’’ хардан’ ядсеты’’, – отдел’ манзаям нерня’ тасламбада нява’’ мась.

Ӈока по’’ ямбан толаӈгова хардана’’ ӈэрм’ отделкана манзаямди’ сававна минрена няхаюна’ манзараӈаха’, ервотадо Зоя Степановна Ивакилева, библиотекарь’ Надежда Николаевна Талеева. Пыди’ хусувэй товы хибяри’ няюв харвась манзарасетыхы’, едэй товы’’ книга’’ нямна лаханасетыхы’, хусувэй хибярим’ нядабась едтёсетыхы’.

Тамна ӈэрм’ отдел средства массовой информации, учебной заведения’’, культура’ серу’’ тасламбада’’ учреждения’’ няюв ӈобнзер’ манзаравамдо’ тасламбидо. Сидя ю’’ самляӈг по’’ ямбан тарем’ манзара’’, нерня’ ӈод’’ манзаямдо’ минреӈгудо. Таня турӈада’’, толаӈгуда’’, тохоламбида’’, сидда’’ таняна ӈате’’, тарабнандо’ нядаӈгу’’.

Перевод на русский язык

Книга – лучший друг северян

27 мая – Общероссийский день библиотек.

В этом году Ненецкой центральной библиотеке имени А.И. Пичкова исполнилось 95 лет.

В 2001 году открылся отдел Севера.

Краеведение – одно из важных направлений в работе библиотечной системы. Жители региона всегда проявляли живой интерес к истории родного края, краеведческая литература популярна и востребована у читателей.

Основные задачи сотрудников отдела – сбор и хранение краеведческих ресурсов, распространение и популяризация знаний о родном крае. Приход в нашу жизнь высоких технологий отразился и на работе библиотекарей. Посетители могут изучить информационные материалы на тему краеведения. Специалисты отдела участвуют в историко-краеведческой деятельности региона.

Особое значение уделяется вопросу сохранения ненецкого языка. Сберечь и передать знания, традиции, обрядовую культуру, обеспечить доступ к информации – одно из приоритетных направлений.

Более двух десятилетий отделом Севера заведует Зоя Степановна Ивакилева. Знаток краеведческой литературы, специалист библиотечного дела более полувека успешно трудится в библиотечной системе ненецкого края.

– У основания отдела Севера стояли Алла Ивановна Кожурова и Екатерина Григорьевна Хозяинова, – рассказывает Зоя Степановна. – Когда я после окончания института приступила к работе, в фондах библиотеки насчитывалось порядка четырёх тысяч единиц разных изданий. Сегодня эта цифра увеличилась почти втрое. Прогресс чувствуется во всём.

В те годы библиотека находилась в старом здании управления морского порта. Условия хранения книг, работа с читателями были почти экстремальными из-за перепадов температуры. Очень трепетно относились к фондам, коллектив в достойном виде сохранил литературное достояние региона, насколько это было возможно.

В 2009 году в Нарьян-Маре открыли новое, соответствующее современным требованиям, здание библиотеки, которой присвоили имя талантливого ненецкого поэта Алексея Пичкова.

– Так началась новая эпоха в развитии библиотечного дела в округе, – продолжила Зоя Ивакилева. – В работу стали активно внедрять новые технологии. Появились специальные цифровые программы, каталогизатор и многое другое. Мы занялись созданием первого электронного каталога всех фондовых материалов отдела Севера. Продолжаем работу по оцифровке старейшей окружной газеты «Няръяна вындер», исторического достояния НАО. В настоящее время в электронном варианте существуют версии с первого номера издания от 7 ноября 1929 года и до конца прошлого века.

Особую ценность имеют рукописи и другие материалы, переданные частными лицами на постоянное хранение в библиотеку.

– В настоящее время участвуем в создании сводного электронного каталога книг на языках малочисленных народов Севера, Сибири и Дальнего Востока. Отдел работает, каждодневно встречаем читателей. Наши люди с радостью посещают библиотеку, – сообщила руководитель отдела.

На протяжении многих лет в отделе Севера успешно трудятся заведующая Зоя Степановна Ивакилева и библиотекарь Надежда Николаевна Талеева. Радушно встречают посетителей, знакомят с новинками, помогают в подборе нужной литературы.

Также отдел Севера активно сотрудничает со средствами массовой информации, учебными заведениями и учреждениями культуры. Почти четверть века прошло с момента открытия, ну а дальше – больше!

Приходите, читайте, изучайте, а если не знаете, что выбрать, – вам обязательно помогут.