Хусувэй по’ Няръяна март’ ӈэсыхыт’’ турта’’ ӈудидо’ мэта не’’ сэдорава’’ серт’ тоходанаванзь тэворцеты’’.

Тюку по’ ӈани’’ тарцясь, этнокультурной центр’ «Мел’’ манзарана» хардахана сидя си’’ив яля’’ ямбан Усть-Кара’, Каратайка’, Нижней Пёша’, Ома’, Нельмин’ Саля ӈэсыхыт’’ товы мел’ не’’ тоходанаць. Пыдо’ е’’эмняндо мастер-класс’’ миӈаць.

Мэта си’’ивна няхарамдэй яляхана тоходанавамдо’ ёльцедонзь, не’’ сертавы манзаидо’ манэ’’лабтаць.

Ӈарка манзаям’ минревы’’, нидо’ тохоламбавы’’ яханана’’ теневана’’ мел’’мана манзарана’’ нина’’ Светлана Попова, Людмила Лаптандер, Александр Ледков, Дмитрий Безумов ӈэсы’ тер’’ не’’ ӈока тарана’’ сер’’ тохолабидонзь: ханзер’’ паным паркась, тикахад сэдась, ним’ паӈгалць, паӈгалпава серкана таранам’ пяхад сертабась, ты нямдхад нибя’’ пад мадась. Тикахад, ӈахы’ по’’ ямбан едэй ной’ паны нямна ибедормамд’, вадако’ тотрев – сян’ яля’’ манзаравахана ня’’амась – хари’’ ӈудахана сэдвы – ной’ паны.

– Тюку паской манзаям’ мань хари’’ ӈудаханан’ сэдавась. Мань е’’эмнян’ нойхад’ паным’ сэдам, – маймбцомда’ Нельмин’ саляхад товы, ӈока ню’’ небя Вера Саломатова ваде’’ӈада. – Тарця тарана проект’ минренаха’, тохолкодаха’ ӈарка вада. Ӈока ненэй ӈамгэн’ сидна’’ тохола’’. Мадавы сертабава ихинани’ пои’’, падтась тара, мадась, сэдалць. Нерде’ пябнани’ тоенаркась, тикахад мале’ мер’’ манзаяв’ миӈась. Тикы нерде’ тянембёвна сэдоравами’ тане. Ӈоб’’ пиркана ӈэсыхына « Варӈэ’ яля» хэбидя ялян’ ненэця’ ембдяр’’ конкурс’ сертаванзь едэйдаць. Тарця конкурсан’ няхар’’ нюми’’ хамадамась. Тикахана сидя не нюни’ ной’ паныкоцяха’, хасава нюни’ савкаха танеда тохоцяхат’’ харн’’ сэдадамзь. Те’ ёльцянд, ӈацекыни’ хусувэй хэбидя яляхана харвась ненэцие’ паныдо’ мэцетыдо’, ембдяродо’ лэтбидо, маниейдо’. Теда’, тюкохона тоходанава саць тарана сер’’, нерняна таравнда. Семьями’ ӈарка панын’, савкан’ харванин’’ тамна тене.

Тамна ӈопой проектхана манзаравы Ксения Шафарь, Омахад товысь, МФЦ’ манзарана. Ӈацембой некоця хой илм’ сававна теневада, нюдяко ӈэванда мальӈгана, тамна школан’ ядэрманда нерде’, хусувэй та’ ямбан хойхана мэвы ӈэсеты. Таняна «Россия» колхозхана хадада’, ирийда’ манзаравэхэсь,

Анисья Васильевна, Елисей Максимович Канюковха’ Канин’ явнанди’ мюсермэхэ’.

– Пыди’ семьяди’ ӈаркась, нюди’’ ӈокаць, ӈаркадо’ – мань небями’ Зинаида Елисеевна. Мань нюдякоӈэ хоян’ ядэрцетым’, мал’ не ӈацекы’’ харто’ нойцидо’ мэцеты’’. Мань’ ӈани’’ хойчами’ яӈгусь, нюдяко нядакони’ паным’ мэцетыдм’. Хари’’ нойцан’ харвасетыдм’. Теда’ ӈацекы ӈэвы харвабцоми’ сертав’, тарця серт’ саць маймбидм’. Нойчами’ – саць сомбой, паской. Канин’ я’ тер’’ паным’ сэдадм’, париденя нойхад, падта’’мида’’ сян’ тэнз нойхад сертавы’’ – Ксения ваде’’ӈада. – Хойхана мэбнани’ ӈока ӈамгэн’ тухуманзь, тэхэ’’на’’ ӈэдалёрць теневадм’ , теда’ ӈод’’ хан’ ни ӈамдбани’ ӈэдалаӈгув. Тюку по’ Тыбэрта хэбидя ялян’ тэворӈадамзь, манзаями’ сими’ таня тэврась, хой’ тер’’ ненэцяӈга’’ паспортдо’ тэврадамзь. Тикахана ӈацекы ӈэвы’ по’’ ихини’ ха’’мыдаць, хоювна харни’ ты’’ мэць ӈэдалёрӈадамзь…

Тюку по’ 12 ӈэсыхыт’’ товы’’ ӈудидо’ мэта некоця’’ тоходанаць, мастер-классхана ӈока несэй ӈамгэм’ торомдаць, пыдо’ няюв мел’’мана манзаидо’ теневана’’ нидо’ манзараць. Тохолкодито’ вадавна мал’ не’’ ивъер’ манзараць, ехэрана’ нямна хонаркосеты’’, ӈамгэм’ ханзер’’ сертась юнрасеты’’. Харвась яля’’ ямбан манзарасеты’’. Тарана манзаидо’ мал’ сававна ӈадимяць, мал’ пэдава. Теда’ тоходанавы’’ не’’ мякандо’ хэвы’’, нерня’ хари’’ ӈэсыхынато’ манзараӈгу’’, мел’’мана сэдораӈгу’’.

Тюку по’ проект’ манзаямда ёльцеда. Пудана яляхана манзаравахана някундо’ НАО’ собрание’ депутат’’, ӈэрм’ ненэцие’’ комиссия’ манзаям минрена Матвей Чупров, тикахад НАО’ департамент внутренней политики нерм’ пэрта е’’эйӈэ тарана Виталий Кожевин, ЭКЦ’ директор’ Елена Вергунова турӈаць, ихид’ минда вади’’ хэтаць.

Проектхана манзаравы’’ хибяри’’ благодарственной письмо’’, мядонэй’’ ня’’амаць.

Перевод на русский язык

Волшебники желаний

На днях в мастерской «Мел’’ манзарана» ЭКЦ НАО успешно завершилось двухнедельное обучение начинающих мастериц из посёлков округа.

В этом году участницами ежегодного цикла мастер-классов по народным художественным промыслам для представителей коренных малочисленных народов Севера стали 12 женщин из Усть-
Кары, Каратайки, Нижней Пеши, Омы и Нельмина Носа.

Под руководством опытных наставников – Светланы Поповой, Людмилы Лаптандер, Александра Ледкова и Дмитрия Безумова – сельские женщины постигли тонкости традиционных ремёсел: от сложного кроя и шитья традиционной одежды до виртуозного плетения поясов, создания изделий из дерева и изящных игольниц из рога оленя. И, как волшебство, исполнились их давние желания – собственными руками сшить ной’ паны.

– Вот это красивое изделие создано моими руками. Я сшила себе паницу из сукна, – делится радостью многодетная мама из Нельмина Носа Вера Саломатова. – Спасибо организаторам проекта, нашим учителям. Многому научили. Понравилось работать с узорами, рисовать, вырезать, вышивать. Сложно было начинать, а потом пошло как по маслу. Хотя небольшой практический опыт у меня был. Однажды в посёлке объявили конкурс национальной одежды на «Варӈэ яля». Там участвовали трое наших детей, тогда я решилась и сшила дочкам паницы, а сыну совик. С тех пор каждый раз на праздники дети приходят в ненецких нарядах, берегут одежду, следят за ней. Думаю, всё, чему я научилась, применю на практике. Семья большая, каждый мечтает о своей национальной одежде.

Ещё одна участница проекта – Ксения Шафарь, специалист МФЦ, жительница села Ома.

Девушка хорошо знает тундровую жизнь. Там, в колхозе «Россия», трудились и кочевали по Канинской земле бабушка с дедушкой – Анисья Васильевна и Елисей Максимович Канюковы.

– У них была большая семья, много детей, старшая – моя мама Зинаида Елисеевна. Я каждое лето проводила в стойбище. У всех девочек были свои нойчи, а я донашивала паничку младшей тёти. Сейчас осуществила мечту детства и очень рада такому событию. Нойча – одежда нарядная, красивая, колоритная. Я сшила канинскую паницу из чёрного сукна, украсила разноцветными полосками, – рассказала Ксения. – Детство провела в тундре, там многому научилась, на оленях езжу, не потеряла навыков, нет страха. Недавно на Дне оленевода побывала, ездила от МФЦ вручать паспорта труженикам тундры. Вспомнила детство, села за упряжку и поездила по тундре…

В этом году 12 сельских рукодельниц пополнили свои знания, умения на мастер-классах опытных наставников. Как отмечают их учителя, женщины с энтузиазмом работали, задавали вопросы, советовались, обсуждали детали работы. Кропотливо, старательно, с интересом трудились каждый день. Устали все, но результат налицо.

Позади дни напряжённого труда, женщины разъедутся по домам и продолжат мастерство на местах.

С успешным завершением проекта участников мастер-классов поздравили председатель постоянной комиссии Собрания депутатов НАО по государственной политике, делам ненецкого и других малочисленных народов Севера Матвей Чупров, и.о. руководителя департамента внутренней политики НАО Виталий Кожевин и директор ЭКЦ Елена Вергунова, а также вручили им памятные подарки и благодарственные письма.

Справка «НВ»

В рамках мероприятий государственной программы НАО «Сохранение и развитие коренных малочисленных народов Севера в НАО» в регионе с 2012 года проводятся мастер-классы по народным художественным промыслам для представителей КМН Севера. Организаторы – департамент внутренней политики НАО и ЭКЦ НАО.