85 по’ тяхана Нюдя’ явна мюсерта ненэця’ Андрей Явтысой’ мякана хасава ӈацекы соясь. Тюку яля’ хэтась’ тамальӈгана соя’’вы хасавако нюв’ округханана’’ хусувэй хибяри теневада. Хор’’ ирий сидя юдимдей толыркана «Арктикам’» нюбета ДК мякана маркана илена’’ хибяри’’ ма’’лыць, ненэцие’’ паднана’’, падтаӈгода Прокопий Андреевич Явтысой’ нямна лаханаць. 

Паднанава’’ округна’’ хибяри’’ ихиня пили’’ сава паднанаӈэ илевнда; сава, яля, пысабцо хибяриӈэ тенеӈгува’’.

– Няръяна маркана си’’ив классм’ ёльцесь Прокопий Явтысой’ школа-интеранатандо’ директор’ Авенир Торков’ табековна тамна нерня тоходанавась Ленинградан’ хаясь, – тарця вади’’ Матрена Ивановна Талеева хэтась. – Таняна тоходанаванда ёльцяӈгана ӈарка явнана’’ ӈокавна ӈэдалёрӈась, спортм’ харвабтась, ӈани’’ ненэцие’’ культурам’ маниесь. 

По’’ ваерась паднанава’’ книгананда падӈгуда: « Синдтет по’’ ямбан’ Ленинградхана иледамзь, ӈокавна манзарадамзь, ӈока ӈамгэм’ торомдадамзь, тохоладамзь. Мал’’ тикы илеваханан’ таравнда’’. Вадав’ сававна тохолавась! Тамальӈгана’ тамна ехэрадамзь, по’’ ваерась паднанаӈэ хантадм’. Мань падвын’ яна’’ тер’ нин’’ толабаӈгудо’…» 

Прокопий Явтысой ӈопой яхана хасенавам’ ехэрана хибярись. Илеванда’ ямбан’ сертавэда ӈока: – ненэцие’’ театр’ «Илебц» няданда миӈа, пыда нертей директорӈэ тарась, таняна харта сянакусь, пьесы’’ театранда’ е’’эмня падбись; сидя юкад вата по’’ национальной спорт’ вид’’мана РСФРС’ чемпионха’’, мастер спорта хибяри’’ вадась. Паднана’’ ӈацекы’’ «Суюкоцян’» ма’’лась. 

Прокопий Явтысой харта вадавнанда паднась, падвы’’ манзаида ваеравы яляхананда «Хаяр»’ ансамбльхана сянакода’’ ӈацекы’’ толабидонзь, Дарья Честнейшина «Травушка» Образцовой самодеятельной коллективхана хынота падвы манзаямда толась, «Театр Дворецкого» не’’ падвыда’’ ӈани’’ ваде’’ӈаць. 

Паднана’’ нява’’ сава хибярись, тарця хибяри тен яӈгу’’махаданда ӈод’’ сита’’ теневавы’’ хибяри’’ сейхана тамна ӈока по’’ ямбан’ илеӈгу. 

Инга Артеева паднана некоця, теда’ ЛитО «Заполярье» манзаям’ нерня минрена, Прокопий Андреевич’ е’’эмня хамадавы вечеркана ӈока ихид минда вади’’ хэтась. «NorDBand» (Нордбэнд) группахана сянакода’’ нита’’ ня’ ненэця’ паднана манзаямна хамадавы сё’’ мэ’’ӈась. Хибяри’’ тарцям’ намдась ихиняндо’ лимбякась. Мэ’’мы’’ сёдо’ несэювна сертабэяць. 

Хусувэй Прокопий Явтысой падвы вада’’ сёӈэ серо’’ӈа’’. 

Прокопий Андреевич саць мэбета, и’’ӈута хибярись, ӈэрм’ я’ тер’’ ненэцие’’ литература’ няданда миӈа, падвы’’ манзаида хибяри’’ по’’ ваерась толабаӈгудо’. 

… Хибяри, сянад иле иба няданда миӈа. Паднана’’ нява’’ илесь, ӈока юр’’ по’’ ваерась илевнда, илеӈгу сянад пыда хаевы манзаида хибяри’’ сейхана илеӈгу’’. Нява’’ тенева’’, тенеӈгува’’… 

Перевод на русский язык

Творил на родном языке

85 лет назад в Малоземельской тундре в семье оленевода Андрея Явтысого родился мальчик. Сегодня его имя знает каждый житель округа. 20 октября в ДК «Арктика» общественность вспоминала ненецкого поэта, прозаика, художника Прокопия Андреевича Явтысыго.

Запомнился он своим землякам не только как великолепный поэт и прозаик, но и как удивительно обаятельный, добрый и светлый человек. 

– После окончания семилетки в Нарьян-Маре Прокопий Явтысый, как способный ученик, получает рекомендацию от директора школы-интерната Авенира Торкова, – рассказывает о коллеге учитель Матрёна Талеева. – И продолжает учебу в Ленинграде. Будучи студентом, он много путешествует по стране, занимается спортом, его интересует культура других народов. 

Позднее в книге воспоминаний поэт напишет: «Восемь лет я прожил в Ленинграде, упорно трудясь, обретал сумму нужных мне знаний, тех, что в будущем так пригодятся. И хотя я еще не совсем осознал всю бесценность главнейшего клада, что за все эти годы обрел, все ж я знал: этот клад – овладение Словом! Но тогда я не ведал того, что со временем стану Поэтом! И что книги стихов моих будут читать земляки…»

– Прокопий Явтысый был неугомонным человеком, – знакомит земляков с основными этапами жизни и творчества поэта ведущая вечера Ирина Селиверстова. – Столько его добрых начинаний пустили свои ростки. Он создал ненецкий театр «Илебц», был его первым директором, актером, драматургом и постановщиком. Воспитал более двадцати мастеров спорта и чемпионов РСФСР по национальным видам спорта. Организовал детскую литературную группу «Суюкоця».

Прокопий Явтысый писал, творил, мечтал на своем родном языке. Особую красоту зрители услышали в исполнении юных артистов ненецкого народного ансамбля «Хаяр», солистки образцового самодеятельного коллектива «Травушка» Дарьи Честнейшиной и «Театра Творецкого». 

Когда уходит из жизни светлый, добродетельный человек, память о нем долгие годы пребывает в сердцах тех, кому посчастливилось его знать. И не только. 

– Не хочется повторять избитую фразу «талантливый человек талантлив во всем», но о моем герое иначе трудно сказать, – подчеркнула поэтесса и вокалистка группы Nordband Инга Артеева, исполнившая на вечере песни на стихи Прокопия Явтысого. – Эти композиции о жизни, о любви, о простом человеческом счастье. Они такие же жизнеутверждающие, как и сама поэзия Явтысого. 

Благодаря таланту и вкладу Прокопия Андреевича в литературное наследие Севера, о нем будут знать многие поколения наших земляков. Ведь человек жив, покуда он излучает тепло. Поэт не только жил, но и будет жить еще не одну сотню лет, пока написанные им строки играют на струнах человеческих сердец. Мелодии разные, а ноты одни: «Помним, любим…»