Маня’’ округханана’’ хойхана мюсерта’’ ненэциена’’ хэбидя яля’’ тамна ханярина ми’’ӈа’’

Тыбэрта яляхана хойхана манзарана’’ ненэця’ хавна сава вади’’ мяд’ манзаи’’ пэрмы не’’ намдурӈа’’.

По’’ тяхана хойхана тарця сер’’ танесь, ханяӈы колхозхана мюсерта не’’ хардан’ илеванзь тэврэйдонзь. Ӈэсыхына манзаидо’ танева’’ е’’эмня сэдорана’’ харад’’ нэмбиць. Тарем’ не’’ хардан’ илелъць манзараванзь мехпошиван’ тэворӈаць. Пыдо хойхана манзарана’’ е’’эмня ты’ хобахат’’, пенахат’’ сыра мэта’’ ембдяр’’ сэдабиць.

Сэдорана’’ мякана не’’ хувэхэд, ханяны пэвсюмбы’ ӈэсонд манзаидо’ пэрцеты’’. Тыбэрта’’ хасава’’ е’’эмня ибака ембдяр’’ сэдбасеты’’, ея’’ сулурпасеты’’, хардахана илена’’ хибярихит’ заказ’’ пэрцеты’’.

Тарем’ Индигахана мел’’мана сэдорана’’ не’’ манзараць. Пыдо ӈока по’’ ямбан ӈэсыхынандо тарана манзаи’’ пэрӈаць, хойхана мюсерта’’ нито’ е’’эмня сэдораць.

Тамальӈгы’ похо’’на’’ хойхад ха’’амвы’’ хибяри’’ ӈэсыхына’ ӈод’’ ханяна хой’ ембдяро’ мэцеты’’. Сырэй ёльцяӈгана мальця’’, паны’’ пива’’, тобок’’, пена’ ӈоб’’, сави’’ мэцеты’’, пуна’ ӈани’’ бурка’’ ӈадимяць.

Индигахана таневы мехпошив’ харад округханана пуданаӈэ’ сусададонзь, юкад’ вата по’’ ваеранакы’’. Ханзер’’ тамальӈгы’ похо’’на’’ не’’ манзараса’’ ӈэсыхынандо’ илена’’ хибяри’’ ихина тенад’ иле’’. Сэдорана’’ хардахана манзаравы’’ не’’ хусувэй манзаидо’ ивъер’ сертабадаць, сававна манзараць, нясъюмба илець, нидо’ нядабасеты’’. Манзаядо’ по’ ямбан танесеты. Нара’ някуна не’’ манзаядо’ ӈадя ӈокамзеты’’, забой’ пуняна хаёсь, тамальӈгана ховы’’ хоб’, пени’’ сэдорана’’ хардан’ тэврасетыдо. Некоця’’ манзаяӈэ’ хэсеты’’. Пыдо’ пени’’, хаба’’ нерде’ тыртабсетыдо, тикахад напаӈгудо, пена’, хоба’ няра нюлкаӈэ хэбнанда. Нюлак’ хобаком, пенам сэдбась нензеларка, сэдвы’’ ембдяр’’ ӈод’’ паскойӈэ ӈадимда, тарця мэць ӈани’’ сава.

Сэдорана’’ хардахана манзаравы’’ не’’ манзаидо’ сибиць нисеты’’ ӈа’’. Манзаравамдо’ ерв’’ саву’’цетыдо. Ӈокаюв’ сэдорана’’ не’’ трудовой книжкаханандо’ сидя падвы – сяха’ манзарась товы, тикахад сяха’ пенсиян’ хэсь манзаямда хаевы.

Не’’ округна’’ администрация’, округна’’ депутат’’ собрание’ почётной грамотыдо’, управление сельского хозяйства, Тиманской сельсовет администрация, «Индигской» совхоз, СПК «Индига» почётной грамотыдо тане’’. Манзаравандо’ ёльцяӈгана еся’’ премия’’, благодарность’’ ня’’амарпасеты’’.

Тюку ялян’ хэтась «Индига» колхоз’ ветеран’’ хари’’ ӈэсыхынандо иле’’. Пыдо мале’ ӈарка хибяри’’, сян’ юд’’ мян по’’ тыбэрма’ серкана манзаравы’’, ӈахакуд ни’’ манзара’’, нюдо’, нюто’ ню’’ маниесь илевамдо нерня’ минредо. Тарабнанда, хусувэй теневанамдо’ яндо’ тер’’ няхато’ хэтаӈгудо, ӈамгэм’, ханзер’’ сэдась таравам манэ’’лабтаӈгудо. Сиддо’ ӈэсыхына илена’’ хибяри’’ сахарамбидо.

Мария Михайловна Рубцова – тыбэрта ненэця’ не ню. Мер’ манзара пядась, нерде’ «Индигской» совхоз зверофермахана манзарась. Тикахад сэдорава’’ серм’ саць харвабтанась, хусувэй ӈамгэм сэдась мел’’ ӈэсеты. Мел’’мана сэдорана не.

Вера Степановна Ледкова мяд’ терсавэй Тиман’ хойхана мюсерӈаць, вэсаконда яӈгу’’махад илеванзь хардан’ ха’’мыць. Мал’ нюда’’ харта вадавы’’, теда’ нюта’’ ню’’ сава хада. Ӈока по’’ ямбан мехпошивхана манзаравы, хусувэй манзаяхана мел’’ ӈэвада ӈади.

Александра Евдокимовна Талеева Тиманской хойхана соявы, таняна вадювы, ӈавнанда тохолавы манзаяда горной техник. Геологической экспедицияха’’на’’ манзаравы. Тикахад хари’’ хой’ яханда, харта ӈэсыхында тось. Звероводӈэ манзарась, тикахад сэдорана’’ хардахана нерм’ пэртяӈэ тарась. Манзаяхананда мэбетась, сатась. Сертавы’’ манзаи’’ – бурка’’, тапочка’’, мальця’’, тобок’’ манэ’’сарпата сата ӈэсеты. Сававна сэдорава’’ серм теневана.

Софья Ивановна Апицына – Нюдя хой’ я’ тер’’ некоця. Пыда сэдвы манзаида ханяна яӈгсеты’’, пэрта манзаида мэнена некоця, хусувэй серт’ ивъер’ сырта. Хусувэй теневанамда не нюнда тэврадась.

Людмила Егоровна Талеева – манзарась няхатата’’ нюдярка, ӈодьбята теда’ ӈод’’ манзара, ивнанда ӈэда манзаида нида’ хаембю.

– Илеван’ ямбан сэдорана’’ хардахана манзаранархадамзь, серм’ теневадм’.

Маня’’ небява’’ ӈудида’ мэтась, валакада мер’ яӈгумась, сими’ сэдорась нись’ тохолабю. Тарем’ ӈод’’ теневанамда мань вэяханан’ ховась. Сававна сэдорась теневавам’ няданда миӈа, ӈамгэм’ тара, ханзер’ тара сэдгудм’. Сувенир’’мана’’ манзарава’’ ивнани’ ӈа’’, хоба’ пускацяхад, нойхад сувенир’’ сертабидм, пад’’ сэдбидм – Людмила Егоровна ваде’’ӈада. – Сертавы манзаин’ пон’ нисетын’ лэтамбю, сава теневана няхани’ мядонзэйӈэ мипсетын. Теда’ нябакон’ няюв хари’’ сэдорась хардакоми’ тане, тикахана манзарадм’. Наши работы, можно сказать, эксклюзивные, шьются в одном экземпляре.

Маня’’ сертавы’’ манзаина ӈока ни’’ӈа’’, ӈопой сидякоцям’ сэдсетыва’’.

Ханяӈэхэна ёльцями’ нисеты тэв’’, ӈацекы’’ няюв ӈобт’ тэворцетыва’’, хаба’’ пускахат, нойхад сэдбада ӈавори’’ сертабась тохолабидм, мастер-класс’’ танесеты’’.

Ӈацекы’’ харвась маня’’ мякана’’ тэворцеты’’, ивнандо’ ӈэдараха’ ӈэсеты. По’’ ваерась, харвабнандо пыдо сиддо’ тохоламбавы нито’ манзаи’’ нерня’ минреӈгудо.

Перевод на русский язык

Ими гордятся земляки!

В НАО продолжается череда праздничных мероприятий тружеников тундры.

В День оленевода наравне с пастухами чествуют и чумработниц. Среди них те, кто с переходом на оседлость успешно работал в мастерских по пошиву изделий из меха.

Рабочий день женщин начинался рано, порой, не замечая времени, трудились они до позднего вечера. Занимались шитьём традиционной одежды для оленеводов, ремонтом нюков – зимних покрытий для чумов, принимали заказы от местного населения.

Так работали и индигские мастерицы – умелые рукодельницы. Они на протяжении многих лет выполняли непростую задачу.

В те годы в национальных посёлках носили привычную для тундровиков одежду. Зимой – малицы и паницы, пимы, тобаки, меховые рукавицы, шапки, позднее появились бурки.

Мехпошивочная мастерская в Индиге закрылась одной из последних, лет десять прошло с тем пор. Труд женщин жив в памяти земляков. Большой, дружный, работоспособный коллектив трудился на совесть. Работы хватало на целый год.

Много дел было весной, когда убойная кампания уже позади и в мастерскую поступало свежее сырьё. Мастерицы занимались обработкой камусов, шкур. Сушили, ручным способом снимали мездру, чтобы камус был мягким. Изделия из такого материала получались красивыми и приятными для носки.

У многих в трудовых книжках только записи о приёме на работу и увольнении в связи с выходом на пенсию. Их тяжёлый и нужный труд имел достойную оценку.

Многие награждены почётными грамотами администрации округа, Собрания депутатов НАО, управления сельского хозяйства, администрации Тиманского сельского совета, совхоза «Индигский» и СПК «Индига». В былые времена они неоднократно премировались денежными премиями и благодарностями.

Сегодня ветераны колхоза «Индига», именитые мастерицы живут в родном посёлке. Они давно на заслуженном отдыхе, отработав не одно десятилетие в оленеводческом хозяйстве, сейчас окружены заботой детей, внуков и правнуков. И всегда готовы поделиться своими знаниями и умениями с землячками. Их любят и ими гордятся.

Мария Михайловна Рубцова – дочь потомственного оленевода. Рано началась её трудовая деятельность, работала на звероферме совхоза «Индигский». Традиционное шитьё для искусной мастерицы – дело всей жизни.

Вера Степановна Ледкова с семьёй кочевала по Тиманской тундре, после смерти мужа перешла на оседлость. Вырастила и воспитала детей, теперь незаменимая, добрая бабушка и прабабушка. Многие годы трудилась в мехпошиве, мастер по выделке оленьих шкур и шитью меховых изделий.

Александра Евдокимовна Талеева родилась и выросла в Тиманской тундре, по профессии – горный техник. Работала в геологических экспедициях. Вернувшись в свой посёлок, стала трудиться звероводом, заведующей мехпошивочной мастерской. Всегда требовательна была в приёме меховых изделий – бурок, тапочек, малиц, тобаков. Отлично владеет всеми тонкостями национального ремесла.

Софья Ивановна Апицына – уроженка Малоземельской тундры. Её работы отличались качеством, она с особой любовью относилась к любому труду. Своё мастерство, тонкости, премудрости профессии передала дочери.

Людмила Егоровна Талеева – одна из тех, кто до сих пор не оставляет любимую работу, возраст ещё позволяет успешно трудиться:

– Всю жизнь работаю в мастерской, дело знаю. Мама была мастерицей, но научить меня не успела, рано ушла из жизни. А её талант всё-таки передался мне. Всё, что надо, сошью, но больше всего люблю работать с мехом и сукном. Сувениры у меня не копятся. Как сошью, так и подарю кому-нибудь. Сейчас у нас своя небольшая мастерская – и работаем здесь. Наши изделия, можно сказать, эксклюзивные, шьются в одном экземпляре.

Среди будничных дел для рукоделия порой времени не хватает. Она с удовольствием занимается со школьницами, проводит мастер-классы. Девочки с желанием прибегают на занятия, осваивают азы непростого ненецкого ремесла. Кто знает, может пройдут годы и молодые мастерицы продолжат дело своих наставников.