Виктор Толкачев-80 пода! Соя’’ма’ ялямда Няръяна маркана, Пичков’ нювм’ нюбета толаӈгова харадхана мэ’’ӈадась. Теневана няха’’та, манзарась ня’’мы’’ хибярихита, Лариса Толкачева пухуцяда’ ня’ «Облака любви» едэй падвы книгамди’ тэвраӈаханзь, «Кресты Пустозерска» тадтавы’’ манзаита’’ выставкам’ нэсь.
Виктор Федоровичм’ мань паднана хибяриӈэ теневав, пыда манзаяха’’ната’’ ӈэрм’ ява’’ манэ’’лабтамбада. Няръяна маркы’ педучилищехэна тоходанван’ мальӈгана «Звени, Тиньган!» нертей книгамда толадамзь. Матвей ири’ нямна падвэхэта’’ саць пысадамзь. Хойхана илена ири илм’ ёльце сававна падвэдась.
Тикахад по’’ ваерась Виктор Толкачев ӈока едэй книгида’’ ӈадимяць, поӈгнандо’ «Через снега и годы», «Смотри вперед, ясавэй», «Священные нарты», «Ненецкий край: сквозь вьюги лет», «Закон капкана», «Дорога к нефти». Хусувэй книгада ӈэрм я’ тер’’ хибяри’’ илм’, манзаравам’ манэ’’лабтамби.
Манзарась ня’’мы нита’’ вадавна: – Виктор Федорович илеванда вато’ тарця, ханярина нердебнанда, нертейӈэ тарана ян’ тэвбата, нертейӈэ юнм’ падбата, нертейӈэ тарана серкана хибяховам’ нядабнанда. Тарця хибяри пыда, тикахад ханяхарт нин’ хант’’.
« Пыда илеванда’ ямбан хой’ ям ӈока сюртедась, ӈэрм яхана’’ илена’’ ненэцие’’ илм’ манэць теневадась, торомдабидась. Ненэцие’’ ӈока ил’ нямна хонрабись. Ненэця’ поӈгана харта илесь, ӈока маян’ еримы хибяри’’ серкана нядабись, – Валентина Голубчикова «Северные просторы» журнал редактор’ е’’эмнянда тарем’ лаханась, тикы журналан’ Виктор Толкачев паднась.
Хуркари’’ яханана’’ вэвако сер’’ ӈадимям’ паднана тэри’’ тарем’ нисьтыда хаембю’’, сеянда’ тяха ваертась, тикы’ нямна мэёвна паднасеты. Падвэвнанда тасалкосеты, ханзер’’ тарця серм’ савумдась.
Хуркари’’ манзаи’’ минрена’’ хибяри’’ нямна паднасеты, падвэвнанда Тыко Вылка, Федор Абрамов, лекарь’’, геолог’’, хэхэ’ мяд манзарана’’, падтангода’’ хибяри’’ хурка ӈэвам’ теневава’’. Пыда теневана’’ серу’’ нямна ӈокавна паднась.
Виктор Толкачев падвы манзаи’’ толабась, ӈэрм яханана’’ илевы, манзаравы хибяри нина’’ юрбю’’, поӈгнандо’ Тимофей Петрович Сицинын, Пэля Пунух паднанаӈэ теневава’’. Тохолкода, ӈэрм’ яхана школы’’ ӈадимдембавы, ненэця’ нямна паднавы.
Теневава’’, тикы луца’ хибяри, Шенкурскхана, Архангельскхана ӈацекы’’ тохоламбавы, тикахад сидя юдимдей – няхар’’ юдимдей похо’’на’’ Едэй Яхана, Тиман’, Нюдя’ я выӈгана ненэцие’’ школа-интернат’’ ӈадимдембавы’’ поӈгана манзарась.
Виктор Толкачев «Облака любви» едэй падвы книгада Холгов’ ӈохона «Северной» метеостанцияхана манзаравы’’, илевы’’ хибяри’’ илм’ падась. Ханзер’’ тандая ӈарка маркад товы’’ ӈацембой некоця, няхар’’ пота не нюкцянда’ ня’ ӈэрм’ яхана илевамдо’ торомдамби’’. Тикы’ поӈгана манзара’’, тир’’ мание’’, хурка нум’ ӈэвам’ тасламби’’.
Нянэйювна хэтась Виктор Толкачев тикы книгахананда харта мята’ тер’’ нита’’ нямна падна. Пыда ӈока по’’ тяхана яба яхад’ тось, Холгован’ манзаравась хэвысь, пумнанда неда Лариса, не нюда Екатерина товэхэнзь, таняна хасава нюкцяди’ сояванда нерцюй самляӈг ирийда ваераць.
Тикы’ нямна паднана тарем’ лахана: – Таняна семьяв’ ӈэта ни нултанась. Маня’’ яв’, нувм’, хой, тир’’ хурка ӈэвам’ маниесь илеваць. Сибиць нись’ ӈа’’. Тарем’ ӈод’’ хэтаӈгув – таняна илевы пова’’ тензебтембась ихиняна лимбяка ӈэсеты. Холховхана илевана’’ нямна книгам’ ӈахат падван’ харвадамзь. Теда’ валакада, по’’ ваерась, ӈэван’ сэрӈэ хэсь, ӈарка хибяриӈэ’ хэсь, ёльцянда тэвась, мя’’ни’ тер’’ нини’’ няць сертаваць.
Си’’ми’ нядабавы’’ – неми- редакторӈэ таравы Л.Б.Толкачева, корректор’ манзаям’ пэрмы нюни’ не ню О.В. Толкачева, пыда полиграфической колледж’ ёльцевы, теда’ тамна нерня’ журналистӈэ тоходана. Дизайнер манзаям’ сертабавы, верстальщикӈэ таравы хасава нюв’ Ф.В.Толкачев.
Округна’’ толаӈгова харад ервота Алла Ивановна Кожурова едэй книгам’ сямянд нертейӈэ толадась. – Паднана няна’’ книганда нювм’ маниесь, ӈудахат ня’’мась, мале мюнянда падвым’ толаван’ харвалаӈгун, -тарця вади’’ Алла Ивановна хэтась. – Ханзер’’ Лариса Борисовна Толкачева Холговхана по’ ямбан’ илесь. Хусувэй ялямда дневникхананда падбидась. Тикы падвыда книган’ паклевы’’. Книгам’ толась, мань хамадавась – ӈамгэ ӈарка марад’ тер некоця по’’ тяхана тамбир’’ хубта ӈэрм ян’ товыць? Хурка сер’ таня хаӈадась? Тикы яхана сейхананда тарана няда мале илесь, пыда пумнанда товысь.
Тарця книгам’ Виктор Федорович Толкачев соя’’ма яляханда мядонзэйӈэ падась. Тад’ нерня’ ӈод’’ паднава манзаяда сававна миӈая! Ӈэрм ява’’ ныхыдамда табая’’! Сава сёнзяхана манзарая!
Перевод на русский язык
Летописец полярного мира
Виктору Толкачёву – 80. Свой юбилей он отметил в августе, в кругу нарьян-марских читателей, в Центральной библиотеке имени А.И. Пичкова. Вместе с женой и редактором всех его книг Ларисой Толкачёвой, он представил друзьям и коллегам свой новый роман «Облака любви». И открыл фотовыставку «Кресты Пустозерска».
Виктор Фёдорович Толкачёв для меня, прежде всего, публицист и летописец родного северного края. Еще будучи студенткой Нарьян-Марского пед-училища, довелось прочитать его первую книгу «Звени, тиньган!». Я восхищалась его героем, дедом Матвеем. Мудрый оленевод, мечтатель и сказочник, сын и хозяин тундры.
Спустя годы в разных издательствах выходят другие книги Толкачёва: «Через снега и годы», «Смотри вперед, ясавэй», «Священные нарты», «Ненецкий край: сквозь вьюги лет», «Закон капкана», «Дороги к нефти», в которых автор раскрывает жизнь Заполярного края в прошлом и настоящем.
– Жизнь Виктора Фёдоровича подчинена закону – «первым узнать, первым попасть на место, исколесить, исшагать, всех выслушать и вникнуть в суть», – отмечают коллеги писателя. – Как с этим не согласиться?
– Он глубоко проникает в суть и смысл тундровой жизни, понимает ее обитателей, преклоняется перед их образом жизни, их философией, этическим укладом, – вспоминает главный редактор журнала «Северные просторы» Валентина Голубчикова, с этим изданием Виктор Толкачёв сотрудничал долгие годы. – Но, в отличие от многих, он еще умеет профессионально постоять за эту жизнь. Вначале «Вайгач» посылает SOS. Вслед за этой публикацией SOS посылает вздыбленная атомными надругательствами Новая Земля. Теперь SOS посылают уже пострадавшие от радиации.
Все эти тревожные сигналы проходят через сердце журналиста, освященные его пером, заставляют сотни людей одуматься, действовать, искать выход. Вслушайтесь, как тонко, как точно, живописует он человеческие судьбы сквозь мысли и поступки людей: будь то Тыко Вылка, Фёдор Абрамов или его друзья – медики, геологи, священнослужители, живописцы. Он профессионально прослушивает те отзвуки дружеских сердец, ума, души, которые движут и им самим. Это не только замечательная музыка жизни, но и ее энергия. И эта энергия передается читателю.
Виктор Толкачёв не дает нам забыть имена многих талантливых северян. В том числе и Тимофея Петровича Синицына, известного под псевдонимом Пэля Пунух. Талантливый учитель, мужественный организатор национальных школ в Заполярье, писатель, который остался в истории русской литературы одним из самых талантливых летописцев ненецкого народа.
Но мало кто знает, что он русский интеллигент, просветитель, учивший детей в Шенкурске и Архангельске, был еще и организатором первых ненецких школ-интернатов на Новой Земле, в Тиманской и Малоземельской тундрах в 20-е и 30-е годы.
Новая книга Виктора Толкачёва «Облака любви» посвящается северным облакам и любимым участникам зимовки: жене Ларисе, дочери Екатерине и сыну Фёдору, тоже зимовавшему на Колгуеве. Пять месяцев из девяти положенных до рождения.
– Это история становления нашей семьи, – рассказывает автор. – Мы жили в трех стихиях – море, небо и тундра. Мы наблюдали эти стихии. Нам судьба подарила роскошь общения с облаками. Там мы прожили трудную, но прекрасную жизнь. Долгое время я не решался взяться за книгу. Ведь это значит, сильно распахнуть себя. Но годы идут, снега на голову летят.
Когда, наконец, Виктор Фёдорович решил взяться за книгу, сын сказал ему: «Папа, давай делать ее всей семьей». Так и получилось: редактор – Л.Б. Толкачёва, корректор – О.В. Толкачёва, внучка, закончившая полиграфический колледж. Сейчас она поступила на факультет журналистики. Дизайнер и верстальщик – Ф.В. Толкачёв, сын. Так семейная артель издала эту книгу.
Директор библиотеки Алла Ивановна Кожурова стала одной из первых читателей новой книги.
– Само название уже заставляет открыть книгу и познакомиться с ее содержанием, – делится впечатлениями Алла Ивановна. – Дневники главной героини Ларисы Борисовны Толкачёвой, которые вошли в книгу, очень откровенные. Я даже поразилась им. Но, перечитав несколько раз, поняла, почему она оказалась на краю земли. И почему ее не испугали ни суровый климат, ни неустроенность быта. Да, действительно, это большая любовь, которую далеко не каждому дано испытать. Я очень благодарна автору за эту книгу…
Есть даты, которые имеют особое значение. Потому что заставляют нас вспомнить о том, чего удалось достичь, и подумать о том, что еще ждет нас впереди. Виктор Фёдорович, пусть будущее подарит Вам то, чего Вы ждете и о чем мечтаете. И пусть энергия ненецкой земли всегда дает Вам силу и уверенность в себе. С юбилеем! Сава сёнзя!
