Анна Валей: Соявы яханани’ ябдадм, тикахана тароми’ мэ’’маӈадм’

Лаханась нями’ Варнекхана соявы некоця. Пыда тарця вади’’ вади’’ хэтась: Вайгач’ – ныхыдами’ табда ями’.

Анна Варнек ӈэсыхына ты’’сие ниць ирий’ хасуюдимдей яӈганя яляхана ёнар’’ хасую’’ ёнар’’ хасуюр’’ сидндетимдей похона соявы, таняна вадювы, ӈацекы ӈэвы пода’ Варнекхана ваераць. Не ӈацекы мэнена небянда’ Тамара Алексеевна, нисянда’ Андрей Александрович’ хэвхана мэсь.

– Вайгач – пысакабтёда я, таняна мань соядамзь, таняна вадыдамзь. Нисяв, небяв тикы я’ терха, тэхэ’’на’’ манзараӈаханзь. Небяв – Хабарово’ няна соявы, таняна вадюданась. По’’ ваерась илесь янамбовна ядо’ ид’’ ӈыл’’ хая. Таняна илевы’’ хибяри’’ ӈани’’ ян’ мюсейдаць. Тамальӈгана небяни’ мяд’ тер’’ Вайгачан’ тэвыдаць – ваеравы сер’’ Анастасия тензебтембида.

Тикахад небями’ няхар’’ ю’’ по’’ ямбан нисяни’ няюв хари’’ явнанди’ ты’’ пэрць мюсерӈаханзь, вэсакомда’ нядабадаӈэ тарась.

– Маня’’ семьява’’ ӈаркась, небяни’, нисяни’ ня самляӈг ӈацекэдись. Тенев, хадава’’ танесь Евдокия Ефимовна, небяни’ небя хэвханана’’ мэсеты. Мякнана’’ мань нюдякодамзь, пили’’ хадани’ хэвхана мэсетыдм’. Ӈаркаюм’ няхаюн’’ нисяна’’, небяна’’ нядаӈгодаӈэ’ тарасеты’’ – Анна тарем’ лахана.

Андрей Александрович, Анна нися’, Ӈарка хой’ яхана соявы ненэць’ ӈэвысь, ивнанда’ ӈэда ӈо’’ яхананда пыда илесь, манзарась. Ӈацембой некоця вадавна, нисяда мер’’ яӈгумысь. Нисяндо’ яӈгу’’махад небядо’ Варнек ӈэсын’ илелъяць, хардахана ӈопойӈэ ӈацекы’’ няюв илесь нензеларкась. Тарем’ хардахана илесь, мал’ нюда’’ харта вадавыдась.

Ханяӈы мэвахана таӈы’ мальӈгана тарем’ еримбнанда ӈацекы’’ небядо’ ня хоян’ тэворцеты’’. Ӈояк’ таняна мэвадо:

– Мань илевани’ ӈокаюв пеля ӈэсыхына ваерась. Тюкохона мань вадыдамзь. Ӈаркаюм’ нин’’ тамна хойхана илець, ты’’ хэвхана вадюданаць, нисяна’’, небяна’’ няюв вымна мюсерӈаць, нянэй мякана илець. Хой’ илӈгана илець, паской явнана’’ мюсерӈаць. Мань пирувнан’ небяндо’, нисяндо’ хэвхана мале’ понку мэвы’’.

Тикахад Анна тоходанась, Ненэцие’ школа-интернатм’ ёльцевы, тикы’ пуд’’ Наръяна Маркана хаювы, манзарась пявэдась, тикахад семьяда’ ӈадимясь, не нюкцяда соясь.

Ваеравы сидя ёнар’’ сидя ю’’ тетимдей по’ пудана ирийхана Варнекхана сахарамбада небякодо, нюто’ хада Тамара Алексеевна яӈгумысь. Маркана мал’ серуда хаесь, Анна мяд’ тер’’ нита’’ ня Вайгач’ няюв тэвыць. Таня илелъядаць…

– Таняхад пуня’ хэсь’’ тикаминда нись’ соя’’, тикахад вэсакони’ ня манзаядами’ хонись. Таняна культура’ хардахана ервотадо’ таравысь, мань сими’ таня хаӈаць. Тарем’ манзаядами ходамзь. Культарахана манзарава’’ нянани’ несэй манзая, торомдамбив. Ибедорць, ивнани’ ӈэда манзая, харвабтав’. Ӈэсыхынана’’ илена’’ нини’’ е’’эмня манзарадм’, манзаито’ пуд’’, хэбидя яляхана ныланавамдо’ хамадабсетыдм’, хуркари’’ мероприятияха’ ма’’лабсетын, нерня’ манзаравами’ тасладамзь. Харвась манзарадм’, тикы поӈгана тоходанадм’, мями’ ня’’амбидм’. Маня’’ округна’’ еркы маркад мале’ ӈахакуна илева’’, тарем’ ӈэбнанда’ ӈод’’ хари’’ яханана’’ нись’ тябекут илевава’’ мэ’’ӈава’’, – маймбась Варнекхана культура’ манзаи’’ минрена некоця лахана.

Вайгач ӈохона – ӈопой ӈэсыхына ненэця’’ иле’’, ӈани’’ ӈэсы’ хахая яӈгу. Ӈопойда хибярихи’’на’’ вэварха’ – нюдяко ӈацекы’’ садикдо’, школадо’ яӈгуху’. Тоходанаванзь ӈацекы’’ Каратайкан’ тэворӈа’’, интернатхана тоходанава’’ по’ ямбан иле’’. Валакада та’ мальӈгана каникулка тэворцеты’’, небянато’, нисянато’ няюв хоян’ ӈэдалёрцеты’’, ӈобкана ёрцеты’’, ханяна ханесеты’’, тудако’’, ӈоди’’ ма’’лабсеты’’. Варёмдо’ мэць хари’’ яханандо’ ныланасеты’’.

Ӈэсыхына иленаха’’на’’ таӈы ялудо’ – сямянд’ ябдана яляӈэ ха’’мурцеты’’, та’ мальӈгана ӈэсыдо’ илелъцеты, ӈацекы’’ мун’’ ханярина сосеты’’. Тюкохона Анна някада, нябакода илеӈаха’:

– Александр хасава нями’ нисяна’’ серм’ нерня’ минреда, хардахана илебнанда’ ӈод’’, Варнекхана дизельной станцияхана манзарабнанда’ ӈод’’ , хой якоцява’’ нисетыда юрбю. Таня тына’’ манэ’’манзь пили’’ тэворцеты. Ӈацекыда школахана тоходана’’, нябакоми’ тюкона иле. Ӈобӈгуна ӈэсыхынана’’ едэй харад’’ миць, ӈопой тарця хардахана маня’’ илева’’, хусувэйна хари’’ квартирада. Манзарава’’, сававна илева’’, нина’’ нядамбива’’. Ханяна хибява’’ ханя хэбнанда, мята’ маниесетыва’’. Ханяна ӈобкана ма’’ласетына’’, сяйнзетыва’’, нерня’ сертавнда сер’’ таслабсетыва’’.

Культура’ харад ӈэсыхына пили’’ танесеты’’, таняна хибяри’’ нылахаванзь ма’’люрцеты’’. Ханзер’’ пыдо’ ныланавадо’ ваераӈгу’’, нянэювна культура манзаи’’ минренахад пере’’. Тарця манзаям’ Варнекхана Анна Валей ихид’ пэрӈада. Пыда е’’эмнянда несэй манзаяда маймбцо, нерня’ ӈод’’ тарем’ ӈэя!

Лаханась нями’ харвась ивнанда’ ӈэда манзаямда’ минреда, ида’ ядэрцеты – хурка мэкад ныланавам’ тамна хамадась.

Хари’’ соявы яхананда Анна Александровна пон’ ябда илея, манзаянанда серуда саваривна миӈая, мякнанда мал’ сава ӈэя!

Перевод на русский язык

Место силы для Анны Валей

Героиня нашего материала – уроженка посёлка Варнек. Она признаётся: Вайгач для неё – это место силы.

Анна родилась и выросла в Варнеке, там прошли её детские годы. Рядом были любящие родители: мама – Тамара Алексеевна, отец – Андрей Александрович.

– Вайгач – он удивительный. Здесь я родилась и выросла. И родители родом с этих мест, работали в оленеводстве. Мама – уроженка Хабарово, постепенно это место затопило, и тогда всех жителей расселили. Семья мамы переехала на Вайгач, – вспоминает Анна. 30 лет вместе с отцом она кочевала по родной земле, помогала вести хозяйство. – У нас была большая семья, пятеро детей. Хорошо помню бабушку Евдокию Ефимовну – мамину маму. Я младшая из детей, много времени проводила с бабушкой. Старшие помогали родителям.

Отец Анны уроженец Большеземельской тундры, родной остров стал для него местом жизни и работы. По словам девушки, папа рано ушёл из жизни, воспитанием детей занималась мама. В итоге семья обосновалась в посёлке, так женщине было легче растить детишек. На лето в стойбище выезжали редко:

– Большая часть моей жизни прошла в посёлке. Здесь я выросла. Старшим братьям и сёстрам повезло, они были возле оленей, кочевали с родителями, жили в чуме. Успели познать всю прелесть тундровой жизни, больше времени провели с родителями.

Анна окончила Ненецкую школу-интернат, осталась в Нарьян-Маре, устроилась на работу, создала семью, родила дочку.

В конце прошлого года ушла из жизни Тамара Алексеевна – любимая мама и бабушка. Отбросив все дела, Анна с семьёй прилетела на Вайгач. Так и обосновались там...

– Уехать обратно сразу не получилось, да и работа подвернулась. Мне предложили поработать заведующей ДК, я согласилась. Для меня это новое дело, вникаю, мне интересно и очень нравится. Занимаюсь организацией досуга населения, провожу мероприятия, наметила план работы на перспективу. Учусь, веду своё хозяйство. Мы живём в глубинке, вдали от центра, но это не говорит о том, что нам скучно, – с радостью поделилась культработник из Варнека.

Посёлок – единственный населённый пункт на острове Вайгач. Минус в том, что здесь нет детского сада и школы. На учёбу дети выезжают в Каратайку, живут в интернате. Летом ездят в тундру, вместе рыбачат и охотятся, собирают грибы и ягоды.

Летние дни по сути – самые счастливые, когда посёлок заметно оживает и чаще можно услышать детский смех. Здесь живут старшие брат и сестра Анны:

– Брат Александр продолжает дело отца, часто выезжает в стойбище, хотя основная работа – на дизельной станции. Дети у него школьники, сестра рядом. В посёлке построили новые дома. В одном из них три квартиры наши семьи занимают. Работаем, живём дружно, помогаем друг другу. Когда кто-то в отъезде, за квартирой присмотрим. Собираемся вместе чаю попить, поговорить, обсудить планы.

Дом культуры был и остаётся главным местом досуга. От того, как организована его работа, во многом зависит отдых и культурная жизнь посёлка – это Анне по силам. Для неё новая работа в радость.

Наша героиня увлечена любимым делом, всё время придумывает что-то новое. В планах – создать клубы по интересам, собрать вокальную группу, привлекать детей.

Желаем Анне Александровне долгой, счастливой жизни на родной земле, творческих успехов и процветания родному дому.