Валакада яхана’’ Тыбэрта яля тута, тикы яляхана манзаидо’ хойхана минрена’’ нина’’ нямна вадина’’ мэтава’’

Тыбэрта яля маня’’ округханана’’ неняӈг’’ ирий сидя ю’’ маттамдэй яляхад пилю’’ ирий самлязимдей толыр’’ ӈэсонд мимнда’’.

Тюку яля падвы вадин’ Елена няби Павел Тайборей’ нямна ӈэнда’’, няхаюни’ «Ямб то» общинахана иленаха’.

Юкад’ вата по’’ тяхана ӈобт’’ илелъяханзь, ӈопой мядм’ мэтаха’. Елена сёнзянда мэё некоця, серка’’та пунрёда, мята’’ сававна пэрмахана сахарковада ӈади. Мята’ тер’’ хари’’ тэнздо’ ил’ мэсым’ тасламбахая’’, ӈацекыди’ иринато’ табековна вадабиди’.

– Павел нертеймэвна си’’ми небянда, нисянда мят тэврабнанда, мань тет яӈганя помись, хасава нюкцями мале’ соявысь. Си’’ми мякнанда сававна ядабтаць. Мани’ тикаминда яӈга мят’ илелъянись, тарем мань харвадамзь. Мядырмаханана’’ няхар’’ мя’’маць, тарем илеваць. Мани’ мя’’ми мань харн’’ пэрӈавась, ханзер’’ нянани’ тара, тарем сертавась, – некоця невхы по’’ тензебтембась тарця вади’’ хэта.

Те’ ёльцяд ӈока по’’ ваера’’, мяти’ тер’’ ӈокама. Мякнанда’ серуда тасламбась нюда’’ мале нядаӈгода’’, хасавада немда нядабасетыда. Хой’ не вадавна, невхы по’’ пирувна илевада теда’ ни’’ тоена, ю’’ по’’ тяхана ханзер’’ ӈэса, ӈадясь нензеларка.

Те’’ны ёльцяӈгана хойхана мядм’ пэрта некоця хуркари’’ нядаӈгодида’’ тане – ӈавори’’ халтамба мэта’’, тикахад сэдорась мэта’’ машинкахаюда’ танеӈаха’, тамна ӈавар’’ лэтба мэта’’ ларьда, телевизорта тане.

– Илва’’ теда’ тарця, илевава’’ ивнана’’ ӈа’’. Нехэна сямянд’ тарана – мята’ тер’’, мань семьями’ енавамбир. Хусувэй тоенанам’ минаць пирдалеӈгува’’. Теда’ маниесь, яля’’ нули’’ мертёвна миӈа’’, тандая’ сыра ваеранарха, та’ ёльць валакада ваераӈгу. Тикы нид’ ханяӈэхэна яноларӈадм’, парумбим’, пэдаӈгадм’. Хусувэй яля ӈопой яхад ӈани’’ ян’ мюсебнана’’, выдараӈгадм’. Ӈопой яля тикахана мэӈгува’’ – нерня’ ятнаӈгува’’. Ӈани’’ мя’’ма хавдамбась тарасеты, тикад ӈамтамбась.

Хойхана мюсерта’’ нензеларка ялудо’ тосеты’’, тикахана таӈгсетыва. Ямб, пон мюсермава’’ пуняна хаёбнанда ныланавава’’ танесеты. Тикахана варёва мэцетыва’’, нись’ парумбю ивнана’’ ӈэда манзаина’’ пэрцетына’’, сэдорасетыва’’, толанзёдава’’, ӈацекына’’ ня понарка мэсетыва’’, хари’’ нина’’ лаханась няцетыва’’, Тыбэрта ялян’ тэворцетыва’’.

– Теда’ яв’ вархана мэва’’, тикахана мядуна’’ ну’’. Яда’ ёльце паской, лата, ханзоко, ты’’ ни’ паде’’. Валакада хэбидя ялян’ хантава’’. Ӈатенава’’ сяха’ яна’ тер’’ нина’’ ядабтаӈгува’’, сава теневана’’ нина’’ манэ’’тава’’, юн’’ намдгува’’, поӈгнана’’ лаханаӈгува’’, тэхэ’’на’’ ӈэдалёртава’’, – Елена Тайбори мась.

Ӈарка ялям’ Ольга Явтысой, «Вы’ ту’’» семейно-родовой община ервота’, Нельмин Саля тер’ некоця, ӈатеда. Сидя юкад вата по’’ ямбан’ Нюдя я хойхана хари’’ манзаидо’ сававна пэрць илевамдо’ минредо. Тюку яхана Ольга Владимировна, Андрей Григорьевич небяюди’, нисяюди’ невхы похо’’на’’ илець, манзараць.

– Маня’’ нисянана’’, небянана’’ пэрмы’’ манзаи’’ нерня’ минрейна’’, пыдо’ тэдава’’ няна’’ хаець. Теда’ ӈани’’ тына’’ сававна пэрма’’ маня’’ манзаява’’, пудана’ илевндаха’ ты’’ хаебнана’’ тара. Тикы маня’’ сертавндава’’. Сертамбива’’, хойхана мюсерць илева’’, харвась манзарава’’. Иринана’’, хадунана’’ енавам’ тэврамбива’’. Пудана’’ ӈацекына’’ миӈа’’, пыдо’ нерняна илевнда’’ – Ольга Владимировна тарем’ лахана.

Некоця хойхана иле, нись’ пондан март’ товысь, тюкохона общинандо’ серу’’ тасламби, мякнандо’ таранадамдо’ лавкахана тэмдаӈгу, Тыбэрта ялян’ нита’’ мядонзэйха’ тэврабнанда тараӈгу. Тикы поӈгана маркана илена ӈарка не нюмда вэдонда, не нюнда’ ӈацекы’’ лаханась нята.

– Няхар’’ ялякон’ тодамзь, тюку ирий сидндтетимдей яляхана « День семьи, любви и верности» ӈарка яля’ ваерась, тарця яляхана медальм’ «За любовь и верность» ня’’мадамзь, ихина саць сомбой юн. Семьянана’’ нясъюмба, сававна илева’’, манзарась теневава, пэрта’ манзаява нерня’ минрева’’. Ивнан’ тарем’ ибедорӈадм’, тарця наградам’ недвоць няна’’ та.

Пуданахана, «Вы’ ту’’» семейно-родовой община нерм’ пэрта Ольга Явтысой округханана’’ илена’’ хибярихи’ Тыбэрта яля’ товахана сава вади’’ хэтась, мась: хынёси’ иледа’’, ябдада, хусувэй ӈамгэра сававна миӈая.

Перевод на русский язык

«Малютка» в помощь

Совсем скоро День оленевода, а это повод рассказать о тружениках тундры.

День оленевода пройдёт в регионе с 26 июля по 5 августа.

Герои нашего материала – Елена и Павел Тайборей из общины «Ямб то». Более десяти лет они ведут совместное хозяйство. Елена – женщина с твёрдым характером, уверенная тундровичка, заботливая хозяйка домашнего очага. Семья живёт, соблюдая традиции своего народа, по тундровым заветам воспитывает детишек.

– Первый раз, когда Павел привёз меня в чум родителей, мне было 14 лет, у нас уже сынок родился. Родители хорошо приняли меня. Мы сразу стали жить в отдельном чуме, так я захотела. В нашем стойбище три чума, так и жили. Сама обустраивала наше жилище, сделала всё так, как положено, – вспоминает былое женщина.

С тех пор прошло немало лет, семья Тайборей стала больше. Хлопотать по хозяйству Елене по мере сил помогают дети, во всём поддерживает муж. Как признаётся тундровичка, теперь ей намного легче, чем лет десять назад. У современной хозяйки чума есть стиральная машина «Малютка» и швейная машинка, а ещё удобный ларь для хранения продуктов, телевизор.

– Такая наша жизнь, и она нам нравится. Главное для женщины – семья, она у меня надёжная. Вместе любые невзгоды под силу. Время быстро летит, зима вроде бы только прошла, а лето на дворе уже. От этого иногда не успеваю, тороплюсь, устаю. Особенно, когда часто передвигаемся с одного места на другое. День постояли – и дальше в путь. Снова разбираешь и ставишь чум, – делится мыслями хозяйка.

Бывает у жителей тундры и спокойное время, когда долгие и длинные перекочёвки позади, появляется возможность неспешно заняться любимым делом, пошить, почитать, с детьми времени больше провести, встретиться с родными и близкими, побывать на Дне оленевода.

– Теперь мы у моря стоим, здесь наше летнее стойбище. Простор, красота кругом, дышать легко, олени спокойны. Скоро поедем на праздник. Ждём встречи с земляками, хочу увидеться с друзьями, поделиться новостями, пообщаться вдоволь и погонять на оленях, – говорит Елена Тайборей.

Ждёт праздника и Ольга Явтысая, глава семейно-родовой общины «Вы’ ту’’» из посёлка Нельмин Нос. На протяжении двух десятков лет семья успешно ведёт своё хозяйство в Малоземельской тундре. Здесь жили и работали в оленеводстве родители Ольги Владимировны и Андрея Григорьевича.

– Мы продолжаем дело родителей, они доверили нам оленей. Наша задача – серьёзно заниматься оленеводством и передать дело предков следующим поколениям. Это мы и делаем, живём в тундре, с желанием трудимся. Оправдываем надежды предков. За нами идут наши дети, наше будущее, – с гордостью говорит Ольга Владимировна.

Женщина ненадолго вырвалась в город: решить дела общины, прикупить нужные в хозяйстве вещи и подарки на День оленевода, а заодно навестить семью старшей дочери, пообщаться с внуками.

– Приехала на три дня, побывала на празднике, посвящённом Дню семьи, любви и верности, получила медаль «За любовь и верность». Это  приятная новость. Семья у меня дружная, трудолюбивая, уверенно ведём хозяйство вперёд, думаю, награду заслужили, – поделилась радостью ветеран оленеводства.

Напоследок глава семейно-родовой общины «Вы’ ту’’ Ольга Явтысая поздравляет жителей округа с Днём оленевода и желает землякам мира, счастья, благополучия!