Яханана’’ ханярина индо’ лата хибяри’’ тане, тарця хибярихи’ ӈарка ненэця’’, ӈацекы’’, сава юндо’, тябекутавамдо’ няндо’ вадецетыдо’.

Инзеле теневана, нянда’ товы нида’’ нядаӈгуда, сава вадам’ хэтаӈгу. Татьяна Хатьковна Закутаускене тарця хибяри.

Нэрм’ яхана Ямалкана соявы некоця. Школамда ёльемахад Саляхард маркана медучилищем ёльцевы, тикы пуд’’ харта яхананда нэдалёрта лекарьнэ таравысь. Таняна ябамда’ ховысь, ӈэни’’ я’ тер’’ савам ядабтавысь, тикы хасава палытаӈэ’ манзаравысь. Хаюпа хэ’’мяхаданда хасавамда’ манзараванзь Няръяна март’ ӈэдаравэдонзь. Тарем’ пыдо’ ваеравы юр’’ по’ 80–ей похо’’на’’ Няръяна март’ тэвыдаць. Те’ ёльцянд тюкохона иле’’.

Татьяна хойхана вадювы, нюдякоходанда’ ненэцие’ сё’’ харвабтанась. Тенеда, ханзер’’ невхы похо’’на’’ хой’ ненэця’’ манзаидо’ ёльце’’махад пыдо’ мякнандо’ ма’’ласетыд. Ти’, тикаховахад хынокад ямб’ сёдо’ хайналцеты’’, ханяӈэхэ’’на’’ пий’ ямбан сёдо’ мэцетыдо’.

Тамальӈгы’ похот хари’’ тэнзда культурам’ тю’’у минрева харвабцода’ ӈадимясь, илеванда’ сер’’ тохолабида, теда’ «Илебц» ненэцие’ театрхана сянаку. Татьяна Хатьковна харта вадамда теневана, харвабтана, и’’ӈудота, сёда’ сомбовна хайнана некоця. Хуркари’’ манзаям’ пирдалесь пирта!

Сие’ ниць ирий сидяюдимдей толыркана Татьяна Хатьковна Закутаускене соя’’ма ялямда мэ’’ӈась – тюку по’ 65 помда ядабтась! Тарця юн’ няна’’ культурахана манзарана’’ нида’’ тэвраць.

– Мале ӈока’’ по’’ ямбан Татьяна Хатьковна Окотэтта – Закутаускене хэвханана’’ мэ, сид’’на’’ нядаби. Пыда ӈока ӈамгэм’ теневана – стих’’ толамбась мел’’, хусувэй спектальхана сянакось пир’’ӈа, ӈока ненэцие’ невхы сё’’ тенева, сяха’ тарабнанда этнокультурной центрана мероприятияха’’на’’ харвась мэцетыда.

Татьяна Хатьковна театрханана’’ няхарамдэй’ яӈганя по’ сянаку. Таӈок по’’ мер’ ваерана’’ то’’олха’, лэркабт’ хаюдарха’. Cертамбада манзаина’’ тянё нисеты’’ ӈа’’, ханяримна етри’ ӈэдалёрцетыва’’ ханяна ныланавам’ ехэрасетыва’’, округна’’ ӈэсыхы’ тэворцетыва’’, хуркари’’ международной, всероссийской фестивалька’’ ханцетыва’’, Россиянана’’ хусувэй лохокон’ тэвормава’’ танесеты. Ӈобкана маня’’ ӈока ям’’ сюртеваць, ханзер’’ сид’’на’’ Норвегияхана, Финляндияхана, Голландияхана ядабтамбиць, тенад’ ихинана’’ лэтбина’’. Тарем’ хэтась, артист’’ манзарава’’ саварха’, мэкад’ ӈэбнанда’ ӈод’’, саӈговота сер’’. Татьяна Хатьковна то’’олха’ хибяри’’ манзаява’’ нерня’ сававна минрева’’ е’’эмня ныхыдава’’ нядаби’’, сиддо’ маниесь несэювна манзарась харвабцо’ ӈадиберӈа’’. Лакри’ ханяхова хэсь’ таралпата, пыда лэркабт’ санаӈгу’’, вадам’ сяхарт нида’’ мадаӈгу’’, нямбара, илм’ мэнена некоця.

Тюку яля’ соя’’ма ялянда’ ед, сахарамбада няха’’на’’, Татьяна Хатьковнан’, сейхад хэтвы’’ вади’’ мэ’’ӈава’’! Илевар’ нерня’ саваривна миӈая, пон’ иле’’, маймбась манзара. Сензан’ ӈа’’, илеванд’ ямбан ябда, мят’ тер’’ пили’’ хэвхананд мэя’’. Ӈобкана, театрханана’’ тамна ӈока’’ ихина сомбой, ӈарка, тарана манзаи’’ масибтехова’’.

Перевод на русский язык

Северянка с открытой душой

Есть люди, к которым тянутся и взрослые, и дети, с ними хочется общаться, делиться радостями и печалями. Они обладают умением расположить к себе собеседника, всегда готовы прийти на помощь и подбодрить добрым словом.

Именно такими качествами обладает наша землячка Татьяна Хатьковна Закутаускене.

Северянка с лучистыми, внимательными глазами, с открытой душой и мягкой улыбкой родилась и выросла на Ямале. Её родная земля – Тамбейская тундра, самая северная точка Ямальского района ЯНАО. После окончания медицинского училища в Салехарде молодая медсестра волею судьбы вновь оказалась на Тамбее – несколько лет проработала разъездным фельдшером. По долгу службы приходилось выезжать на вызовы в воинскую часть, которая базировалась в той части округа. Там и повстречала молодого человека, вышла замуж.

В далёкие 80-е годы семью военного Закутаускене перевели на службу в Ненецкий автономный округ, в город Нарьян-Мар.

Более сорока лет яркой счастливой жизни связывают Татьяну со столицей нашего края, Ненецкий округ стал её второй малой родиной. Здесь выросли дети, давно обзавелись своими семьями, подарили родителям внуков.

Татьяна с детства любила ненецкие песни. Когда земляки после трудового дня собирались в чуме, она часами могла слушать, как носители ненецкого фольклора исполняют старинные эпические песни.

Тяга к познанию своей культуры привела творческую артистичную женщину в ненецкий театр «Илебц». Татьяна Хатьковна в совершенстве владеет родным ненецким языком, обладает отличной памятью и прекрасным голосом. Любая роль ей по плечу!

20 апреля Татьяна Хатьковна Закутаускене отметила юбилейную дату – 65 лет – возраст замечательный! Об этом рассказали ВК коллеги по творчеству:

– На протяжении многих лет Татьяна Окотэтта-Закутау­скене – душа коллектива. Ей подвластны многие умения – она декламирует стихи, играет в спектак­лях, знает немало старинных песен ненецкого народа, с желанием исполняет их на различных мероприятиях этнокультурного центра.

В театре Татьяна Хатьковна тринадцатый год. Для нас эти годы пролетели как одно мгновение. Насыщенный репетиционный и гастрольный график не даёт расслаблений, поездки по округу, участие в международных и всероссийских фестивалях, выезды на выступления в регионы России – всё в нашем плотном рабочем расписании. Вместе мы объездили немало стран, в памяти яркие выступ­ления в Норвегии, Финляндии, Голландии… Несомненно, украшают нашу жизнь, вдохновляют на творческий труд такие люди, как наша Татьяна Хатьковна. Лёгкая на подъём, безотказная, некапризная и жизнерадостная.

Мы поздравляем дорогую Тать­яну Хатьковну с прекрасным юбилеем!

Вы открыли новую веху жизненного пути, и пусть она будет долгой, интересной, насыщенной. Крепкого Вам здоровья, больших творческих успехов, семейного благополучия, радости, тепла и всего самого прекрасного! Счастье быть рядом с таким человеком!