Манзаравана’’ сер’’ маня’’ ӈока манзаидо’ теневана’’, мэнена’’, хуркари’’ манзаи’’ минрена’’ хибяри’’ ядабтабсетыва’’.

Тюку ялян’ хамадавы падвэми’, ӈопой нись’ ӈахакуна торумдавы, тохолкода Екатерина Канюкова’ нямна ӈэвнда. Мале самляӈг ю’’ по’’ ямбан Екатерина Филипповна округна’’ образование’ серкана манзара, тикы похот’’ 38 по’’ – Нижней Пёша ӈэсыхы’ школахана.

Ӈули’’ нерде’ таня тобнанда интернатхана ервотаӈэ’ манзарась пядась, тикы’ пуд’’ школандо’ директор’ ӈуда ӈылы’ ӈэвысь, воспитательной манзаям’ нерня’ минренаӈэ ӈока’’ по’’ ямбан таравысь.

Екатерина Филипповна 1954 похона ты’’ сие ниць ирий’ 9 толыркана Канин’ выӈгана мюсерта’’ тыбэртяха’ Филипп Кирсанович, Александра Евсеевна Канюковха’ мякана соявысь. Няна’’ хойхана вадюданавы пода’ тенад ихинанда иле’’, ябдась илевы’’ по’’, небяндо’, нисяндо’ няюв Канин’ явнандо’ мюсермы’’.

– Нисяв’ илеванда ямбан’ тэхэ’’на’’ мэнась, небяв’ хэвхананда мэсеты. Иламдо’ сибицяӈэ’ нир’’ нюмдеӈгу, нисями’ сян ириян’ сайнорманзь хан’’ӈась, хаӈгурманда’ сер’’ пуня’ мяканда тэвыць. Таняна хойхана манзарась победам’ хахаялтамбидось. Саю’ по’’ ямбан’ ялэ’’, пий’’ ныланавам’ ехэрась фронт’ е’’эмня манзараць. Нисява’’ Архангельск’ мар’’ ӈэсонд убойной пунктан’ ты’’ малдал танабасеты’’, таняхад ты’’ ӈамзи’’ фронтан’ ханасетыдо’. Сайнорма’ ямбан тылхана манзаравадо’- «За доблестный труд в годы Великой Отечественной войны» медаль’’. Тарем’ манзаравади’ небяни’, нисяни’ тэри’’ нись’ ваера’’, нись’ пон’ хаӈгулась, небями’, нисями’ мер’’ яӈгумаханзь. Сид’’на’’ манзарась пыди’ тохолаӈаханзь – тарця вади’’ Екатерина Филипповна хэтась.

Школамда Ома’ ӈэсыхына ёльце’’махаданда сюдбяко не ӈацекым’ тохолкодидо’ советханандо’ Наръяна маркы’ педагогической училищен’ тоходанаванзь тасладонзь. Тохолкода манзаян’ тоходанаванзь таня тэврадонзь. Сян’ по’’ ваерась Екатерина диплом’ ня’’амась, нюдяко ӈацекы’’ тохолкодам’ Ненэцие’ школа-интернатан’ манзараванзь тасладонзь. Таняна нясъюмба манзарана’’, манзаидо’ теневана’’ тохолкода’’ ӈацембой некоцям’ ядабтадонзь.

1974 по’’ пилю’’ ирийхана Екатерина Филипповна нертей тохоламбада ӈацекыда’’ ядабтась. Пыдо’ ӈокаць.

– Тамальӈгы похо’’на’’ класс’’ ёльце ӈаркаць, 34 ӈацекы’’, пуна’ тамна евако хардахад мат’’ӈацекым’ тэвраць. Манзарась тоенаркась, ивъер’ манзаями’ минревась, яля’ ёльцянд пэдасетыв’. Урокани’ ёльце’’махад юседасетыдм’, тарем’ ныхыдами’ ма’’лабсетыдм’. Ӈодь’ нылаӈгув’, санаӈгув’, нерня’ манзаини’ пэрць лапцесетыв’, ӈани’’ ялян’ хамековами’ пясетыв’. – тарем’ нертей манзарась поми’ тенев.

Яля’’, по’’ ваера’’, манзаями’ сававна торумдавась, округ’’мана ӈэдалёрта тохолкодаӈэ’ нись’ пон’ тарадамзь, Хорей-Веран’, Шойнан’ тэворӈадамзь.

– Мань мале’ семьями’ танесь, вэсакоми’ не нюни’ ня сидни’ хосеяванзь тось, сидни’ Нижней Пёшан’ ханась. Таняна ивнани’ ӈэда манзаями’ ӈокась, хусувэй манзаями’ ихид минресетыв’ – тарем’ ветеран образования ваеравы’’ пода’ тензебтемби.

По’’ мер’ ваеранараха’, Екатерина Филипповна серм’ сававна теневана манзарана, ӈахакуд мале’ харта тандая манзарась товы’’ тохолкоди’’ хусувэй серкана нядабада. Теда’ хэтась, ӈока по’’ тяхана тохолавы манзаямда’ харвась тэравэда, манзаямда, ӈацекы’’ мэнена хибяри. Самляӈг ю’’ по’’ ямбан ӈобкарт’ мэвна вадам’ нись ха’’авра, ниня’ тарця манзаям’ тэравэдм’.

Тарем’ хэтвы вада’’ тане, илм’ мадась – лабтам’ ваертавы ни’’ӈа’’. Лаханась’ ня’’амы нями’ илеванда ямбан’ ӈока маям’, вэвам’ манэ’’мы. Вэсакода мер’ яӈгумысь, пыда сидя не нюмда’ ӈопойӈэ вадабидась. Пуна’ ӈани’’ мая’ хэвханда тэвыць: сахарамбада не нюкцяда яӈгумы, сидя нюдяко ӈацекы’’ небяси’ хаихи’. Тамбир’ вэвко серм’, тыраханда’ ныхымда ма’’лась, пирдаледась. Ныхыта не’ сейда ла’’амдада, нись выдара’’. Пыда хамадабидась, нерня’ илесь тара, евакоӈэ хаювы нюкцида вадась тара’’. Не нюнда сидя нюм’ вадэйда, илан’ табадэйда. Сахарамбада внукда’ тюку яля’’ поӈгана армиян’ хэванзь хамяку.

Тарем’ я’’авлада некоця, илеванда ямбан’ ӈока маям’ манэ’’мы, пирдалевы нява’’ нись’ выдара’’, нерняри’ миӈа’’. Маймбась хусувэй ялям’ ядабтамби.

– Ил’ саць сава. Хуркари’’ тоенана’’, вэва нибнанда’ ӈа’’ ӈод’’ – Екатерина Филипповна тарем’ хэтна.

Тюку ялян’ хэтась, пыда харвась тамна манзара – пыда педагог- библиотекарь’, мята’ тер’’ маниесь, манзаян’ хусувэй яля турць ябда.

– Пудана сиднтет по’’ школана’’ библиотекахана манзарадм’, ивнани’ ӈэда манзая, теда’ пэрта манзаями’ саць мэнев’. Яля, иба, сава, ӈока хибяри’’ турцеты’’. Тюкохона ӈацекы’’ е’’эмня хуркари’’ мероприятие’’ хамадабсетыдм’. Нянани’ сямянд тарана, нини’’ мал’ сенз’ ӈэва’’, хибяхартадо’ нибнанда хаӈгур’’. Тоходанана’’ ӈацекына’’ сава, толанзёвам’ мэнена’’, харвась тоходана’’ – школа’ ветеран лаханавани’ пуданана тарця вади’’ хэтась.

Округна’’ школаха’’на’’ ӈока’’ манзаидо’ теневана’’, мэнена’’ тохолкода’’ манзара’’. Хусувэйдо’ манзараванда’, ӈацекы’’ тохоламбаванда, нерня’ минреванда сер’’ е’’эмня нядана’’ сава вадам’ намдвам’ недво’’мы’’. Тюку яля’ ихид минда’’ вадини’ округна’’ образование сер’’ ветеранан’ Екатерина Филипповна Канюкован’ хэтбин’.

Екатерина Филипповна, пыдар’ ӈока по’’ ямбан сававна манзаранась, манзаямд’ теневана тохолкодан’, ӈока ӈацекы’’ тохолавэн’, тохолкода манзаямд’ мэнена хибярин’. Нянд’, ӈарка вада!

Перевод на русский язык

С любовью о профессии

По долгу службы нередко мы встречаемся с талантливыми людьми разных профессий, любящими своё дело.

Одна из таких – героиня нашего материала педагог Екатерина Канюкова.

Пятьдесят лет Екатерина Филипповна работает в сфере образования нашего региона, из них 38 – в средней школе села Нижняя Пеша.

Начинала заведующей пришкольным интернатом, затем много лет была заместителем директора по воспитательной работе.

Родилась Екатерина Филипповна 9 мая 1954 года в Канинской тундре, в семье потомственных оленеводов Филиппа Кирсановича и Александры Евсеевны Канюковых. До сих пор живы в памяти женщины детские годы: счастливое время, проведённое с родителями на просторах канинской земли.

– Отец всю жизнь оленеводом был, мама – всегда рядом с ним. Нелёгкая у них судьба, папа уходил на войну, потом вернулся по заболеванию. Затем приближали Победу в тылу. Все военные годы не покладая рук трудились для фронта. Отец перегонял стада оленей на убойный пункт Архангельска, оттуда всё уходило на фронт. Наши родители награждены медалями «За доблестный труд в годы Великой Отечественной войны». Их здоровье было подорвано, они рано ушли. Научили нас трудиться, – рассказала Екатерина Филипповна.

После окончания школы в Оме способную девушку по рекомендации педагогического совета направляют на учёбу в Нарьян-Марское педучилище. Дипломированного учителя начальных классов распределили в Ненецкую школу-интернат. Дружный, сильный коллектив учителей приветливо встретил молодого специалиста.

В августе 1974 года Екатерина Филипповна приняла своих первых учеников, их было много:

– Тогда классы были большие, у меня 34 ученика, потом ещё шесть ребят добавилось из детского дома. Было сложно, ответственно, к концу дня сил не оставалось. После уроков лежала, скрестив ручки, так восстанавливала силы. Малость отдохнув, вскочу быстро и готовлюсь к следующему дню – таким помню первый трудовой год.

Шло время, набиралась опыта, трудилась и подменным учителем, побывала в Хорей-Вере, Шойне.

– У меня была уже семья, муж приехал и забрал нас с дочкой, увёз в Нижнюю Пешу. Любимой работы было много, всё делали с душой, со знанием дела, – делится воспоминаниями ветеран образования.

Пролетели годы, Екатерина Филипповна уже давно сама наставник и добрый помощник молодых учителей. Ни разу не пожалела о выбранной профессии, поскольку любит свою работу и детей.

Как говорится, жизнь прожить – не поле перейти. Повидала наша героиня в своей жизни много горя и печали. Рано ушёл из жизни муж, одна воспитала двоих детей. Потом снова горе: ушла из жизни любимая дочь, дети остались без матери. Всё это не сломило сильную женщину. Она понимала, что надо жить дальше, взяла на себя опеку над внуками. Вырастила их и дала путёвку в жизнь. В эти дни любимый внук готовится к службе в армии.

По жизни оптимистичная героиня нашего материала не поддалась трудностям судьбы.

– Жизнь прекрасна. Какой бы она ни была горькой и тяжёлой, – любит повторять Екатерина Филипповна.

Сегодня она продолжает трудиться – педагог-библиотекарь счастлива в семье и в труде.

– Последние восемь лет работаю в библиотеке, здесь моя отдушина, очень нравится. Светло, тепло, уютно, всегда многолюдно. Проводятся различные мероприятия. Главное для меня, чтобы родные и близкие люди были здоровы. И школьники у нас очень хорошие, любят читать и старательно учатся, – резюмировала ветеран школы.

Немало прекрасных педагогов работает в школах округа. И каждый из них достоин слышать в свой адрес искренние слова благодарности за вклад в воспитание и обучение наших детей. Сегодня эти слова я адресую ветерану образования округа Екатерине Филипповне Канюковой. Спасибо Вам за труд, терпение, мастерство, искреннее отношение к одной из самых благородных профессий – профессии учителя.