Вы здесь

Мастерицы среди нас

В год 75-летия Победы 14 мастеров нашего округа представили свои изделия на межрегиональном этапе Всероссийской выставки декоративно-прикладного творчества «Салют Победы»

Мероприятие успешно прошло в Твери, оно посвящалось истории оленетранспортных эшелонов…
Женщины тундры не только заботливые матери, но и прекрасные мастерицы, с раннего детства владеющие всеми тонкостями и премудростями шитья по меху, замше и сукну. Ещё с колыбели, напевая эпические песни о тундровой доле, они воспитывают в своих детях любовь к родной земле и уважение ко всему, что их окружает.
Главная особенность изделий мастериц – рукотворность, а, следовательно, неповторимость, несущая частичку души мастера, его духовного мира, любви к своему краю.
Мы ежегодно убеждаемся в этом на различных выставках мастеров декоративно-прикладного творчества нашего региона.
Здесь мы любуемся традиционной суконной женской и мужской одеждой, текстильными поясами, изделиями из кожи и меха, стильными женскими сумками, головными уборами, украшенными узорной росписью, сувенирной продукцией.
Техника произведений и материалы самые разнообразные – резная кость, дерево, береста, сукно, мех… Мастера представляют настоящие шедевры прикладного искусства – паницы, малицы, тучейки, ненецкие сувениры, различные орнаменты и украшения.

Каждый мастер уникален по-своему!

Одна из старейших мастериц округа – Анастасия Помылева, уроженка Малоземельской тундры. Ни одна выставка не обходится без её участия.
– Навыки национального шитья я приобрела в детстве, многому научила меня мама. Была маленькой, сидела рядом с ней и наблюдала за работой. Какие узоры выходили из её рук! Теперь традиционный ненецкий орнамент мой конёк. Много лет я прожила в Нельмином Носе, там всегда шила, сырья было достаточно, вот и набила руку. А теперь и не мыслю себя без рукоделия! Какое удовольствие получаю от творчества! Это доход приносит небольшой, но главное – работа должна быть качественной, – уверена собеседница.
Из меха и кожи оленя, сукна Анастасия Аристарховна создаёт удивительной красоты традиционную ненецкую одежду, головные уборы, обувь, панно, подвески, кулоны. Она признанный мастер по шитью женских сумочек – тучеек. Её ювелирно выполненные изделия не перестают удивлять людей неравнодушных к самобытному и прекрасному искусству ненецкого народа. Анна Сулентьева, уроженка Канинской тундры, проживает в селе Несь.
– В последние годы с удовольствием занимаюсь национальным творчеством. Шью ненецкую одежду, обувь, с большим желанием работаю с сувенирами, – рассказывает мастерица. – Всему научила меня мама, спасибо ей. А теперь учусь у именитых мастеров. Очень люблю посещать различные выставки, мастер-классы. Мне интересны работы наших рукодельниц. Можно пообщаться с ними и получить ответы на интересую­щие вопросы. Такие встречи вдохновляют меня на большое творчество!
Умение шить по сей день является одним из главных достоинств тундровичек. Елена Чудинова впервые взяла иголку в раннем детстве, а первые навыки шитья получила от бабушки. Елена Киприяновна владеет методами традиционного шитья в ненецкой культуре и передаёт опыт молодым мастерам. Она принимала участие в VІІІ Международной выставке-ярмарке «Сокровища Севера», молодёжном форуме «Балтийский Артек», представляла регион в Усинске, где проходили Дни культуры НАО.

Богата ненецкая земля талантами!

Многие наши мастера – Анастасия Помылева, Нина Баркулёва, Людмила Лаптандер, Галина Артеева, Елена Чудинова, Людмила Ледкова, Людмила Кустышева, Лукерья Валей, Елена Канюкова, Анна Сулентьева – участники международных и региональных фестивалей. Побывали со своими изделиями за рубежом. Каждая поездка приносила новые впечатления, новый взгляд на развитие культуры.


Перевод на ненецкий язык

Мел’’мана сэдорана’’ не’’

Тюку по’ я’ сяр’’ нина’’ илена’’ хибяри’’ ӈарка Победа – 75 пом’ ядабтаць. Тарця яля’ ед декоративно-прикладной творчество’ «Салют Победы» межрегиональной этап’ ваерась.

Округна’’ тет яӈганя мел’’ хибяри’’ харто’ манзаидо’ таня тэвраць. Тарця выставка’ Тверь’ маркана манзарась, оленно-транспортной эшелон’’ историям’ манэ’’лабтабись.
Хой’ не’’ сава небя’’, нюдо’ сахарамбада’’, тикы’ хавна мал’’ пыдо’ мел’’мана сэдорана’’. Нибям’ ня’’амбась, ютья’’амна нюдякоходандо’ сэдорасеты. Небянадо’ нядабасеты’’, хобахад, нойхад сэдвыдо’ сава ӈэсеты’’. Не’’ ебцотако нюкцито’ е’’эмня сёкоця мэцеты’’, харто’ ямдо’ мэнесь, лэтбась нюдо’ тохолабсетыдо’. Ӈацекы нюдякоходандо’ хой’ манзаи’’ маниесь вадюданасеты, хой’ илм’ теневасетыдо’.
Хойхана вадювы’’, илевы’’, мюсермы’’ не’’ мал’’ ӈудидо’ мэта’’ ӈэсеты, мел’’мана сэдорасеты’’. Не нюдо’ ӈод’’ тарем’ вадёсеты’’. Нюбедо’ сававна манзарана’’ поӈгана сосеты’’.
Округханана’’ хусувэй по’ декоративно-прикладной творчество’ выставка’’ танесеты’’, мел’’ хибярина’’ манзаи’’ маниесь сэвна’’ мэцетыва’’. Таняна хуркари’’ я’ тер’’ не’’ ной’ паны’’, мальци’’; паӈгалмы ни’’, тобъёвхад сертавы, пенахад сэдвы манзаи’’, паской падко’, не’’ сави’’, сувенир’’ манэцетыва’’. Тарця манзаи’’ маниесь сейхана савараха’ ӈэсеты.
Манзаидо’ лэхэд, пяхад мадабасетыдо’, нойхад, хобахад сэдбасетыдо’, ӈодякоход ма’’лабсетыдо’… Хусувэй манзаяханда мел’’ хибяри ӈока и’’ӈута масибтемби. Тикым’ сэдвы’’ паны’’, мальця’’, туча’’, мадавы’’, хуркари’’ сувенир’’ манэ’’лабтамбида.

Мел’’ хибяри харта мэбебцода!

Анастасия Помылева ӈудидо’ мэта хибяри’’ поӈгана теневана не, пыда Нюдя’ я’ тер. Яханана’’ мел’’ хибярина’’ сертавы’’ манзая’’ выставкаха’’на’’ манзаида’’ пили’ маниесетына’’.
– Мань нюдякоходан’ сэдорасетыдм’, небями’ сими’ тохолабись. Не ӈацекэӈэ хэвхананда ӈамдюсетыдм’, манзаравамда маниесетыдм’. Мадавыда’’ ёльце паской ӈэсеты’’! Теда’ мань мадавын’ ӈани’’ сававна ӈадиберӈа’’. Нельмин’ Саляхана пон’ иледамзь, сэдорасетыдм’. Теда’ маркана иледм’, хусувэй яля’ сэдорасетыдм’, манзаяси’ яляв’ нисеты хаю. Ӈудин’ пили’’ манзараван’ харва’’. Сэдорабнан’ ими’ сава ӈэсеты. Ханяна манзаин’ тэмдасетыдо, еся’ нядма.
Анастасия Аристарховна пенахад, хобахад, нойхад сэдвы хусувэй манзаяда тёмбека’ ӈэсеты’’. Пыда ӈока паным’, савам’, пивам’, туцям’ сэдась, сувенир’’ сертабасеты. Пыда сэдвы туцяӈода’’ не харвась тэмдабасетыдо’.
Анна Сулентьева Канин’ выӈгана, тыбэртя мякана соявы. Несьхана иле. – Пудана’’ похо’’на’’ мань харвась сэдорасетыдм’. Ненэця’’ ембдяр’’, пиви’’ сэдбасетыдм. Хар’’н сэдвы ной’ паныв тане. Харвась сувенир’’ сертабасетыдм’, мадавы’’ сэдбасетыдм’, – тарця вади’’ мел’’ не хэтась.
– Небякохон’ ӈарка вадам’ хэтбидм’, пыда сими’ сэдора тохолась. Теда’ ӈод’’ мел’’мана сэдорана’’ манзаи’’ манэ’’сарцетыдм’, нядандо’ ӈока ӈамгэм’ тохоладамзь. Хуркари’’ выставкаха’ тэворцетыдм’, мастер-классхана мэсетыдм’. Мел’’мана сэдорана’’ хибярина’’ теневын’, пыдо’ ня манзаина’’ нямна лаханасетыдм’. Ханзер’’ ӈамгэм’ сертась тара, ӈобт’ ма’’лабнана’’ таслабсетыва’’. Тарця ма’’лёва’’ тарасеты. Тикы’ пуд’’ несэювна манзараван’ харвасетыва’’.
Хусувэй хойхана вадювы не сэдорась теневасеты. Елена Чудинова маркана илена не, пыда ӈод’’ сэдорава серм’ харвабтана. Нюдякоходанда нибям’ мэёвна ня’’амбида. Нертей сэдвы манзаида хаданда’ хэвхана сэдвыдась. Теда’ пыда харта мел’’мана сэдорана, ӈацембой хибяри’’ тохолабсеты’’. Пыда выставкаха’ ӈэдалёрцеты, «Сокровища Севера» VІІІ Международной выставка-ярмаркахана мэсь, «Балтийский Артек» молодёжной форуман’ тэвормысь, округна’’ культура ялу’’ Усинскхана манэ’’лабтава’’ мальӈгана таняна мэсь.

Яханана’’ ӈудидо’ мэтина ӈока’’

Маня’’ яханана’’ мел’’ хибяри’’ – Анастасия Помылева, Людмила Лаптандер, Галина Артеева, Елена Чудинова, Людмила Ледкова, Людмила Кустышева, Лукерья Валей, Елена Канюкова, Анне Сулентьева Нина Баркулёва – хуркари’’ выставка’’ха’’, международной, региональной фестивалька’’на тэворцеты’’. Ханяӈыдо’ манзаидо’ ӈани’’ ян’ тэврабсетыдо’. Тарця ӈэдалёрма’’ е’’эмняндо’ тоходанава’’.
Ӈока несэй ӈамгэм’ манэ’’та’’, ӈани’’ я’ тер’’ хибяри’’ лахакурць нята’’, несэювна харто’ культурандо’ сылаӈгуд.
Мел’’ хибярина’’ ненэцие’’ невхы илм’ лэтамбада’’, ненэцие’’ культурам’ тю’’у минрена’’, иринана’’, хадунана’’ теневавам’ пудана илевндаха’ тэвраӈгудо’.