Вы здесь

Хоян’ тэвась ибедорӈа’’...

Округханана’’ ненэцие’’ паднава яля’’ миӈа’’. Тарця яхана’’ ханярина хуркари’’ мероприятия’’ хамадаби’’. Ваеравы ныланава яляхана «Вадава’’ лэтрахава’’» конкурс’ ваерась, таняна округханана’’ танеда’’ учебной’ заведенияха’’на’’ тоходанана’’ пирибця’’, наны’’ поӈгнандо’ пирдырӈаць. Этнокультурной центр’ ненэцие’’ отделкана манзарана’’ нина’’ хамададонзь. Хибя’’ сямянд сававна вадамдо’, традициидо’, культурамдо’ теневадо’ тэрабиць.

Ӈацембой хибяри’’ харвась манзараць. Лимлякавна паӈгудо’ ханяхад мимам’ ваде’’ӈаць, викторина’ хонаркован’ лаханаць, ненэцие’’ вадако’’ манэ’’лабтаць, стих’’ толабиць, харто’ вадавнандо’ сё’’ мэ’’ӈаць.
Хусувэй команда’’ савась – мэкадувна сянакуць.
Хибя’’ тюку’ мэвахана пирдырманзь товыць, торумдахана’’. Ненэцие’’ аграрно-экономической техникумхана тоходанана’’ – Виктор Выучейской, Михаил Валей, Владимир Выучейской, Алексей Талеев, Егор Тайбарей. Пыдо’ техникумхана тыбэртя’’, механизатор’’ манзаян’ тоходана’’. Мал’’ ныхыта, илан’ мэёна сырта’’, спортм’, падтаӈговам’ мэнена’’, толанзёда’’ хасава’’. Хусувэй по’ хоян’ тэворцеты’’, тыбэртя’’ ненэця’’ хуркари’’ манзаяхана нядабасетыдо’. Харто’ манзаямдо’ теда маля сававна теневадо’. Сян’ по’’ ваерась тоходанавамдо’ ёльцесь пыдо’ хоян’ манзараванзь ханта’’. Тикы ялямдо’ теда маля ёльце ӈатедо’. Тарем’ ӈод’’ Егор Тайбарей, Каратайкахана соявы, вадювы. Мань хонарковахан’ пыда харта’ нямнанда тарця вади’’ хэтась: – Мань тыбэртя мякана соядамзь. Нюдякоходан’ хойхана мэдамзь, небями’, нисями’ нядабасетыдм’. Школами’ ёльце’’махадан’ техникуман’ тоходанаванзь тодамзь. Хой яв’, тын’’ саць мэнеян’. Тоходанавав’ ёльцесь хойхана, тэхэ’’на’’ манзарагудм’. Небян, нисян’ хэвхана илегудм’!
Даниил Ледков Ненэцие’’ профессиональной техникумхана тоходана’’. Пыда «Сэдорана’’ не’’» команда капитанась. Конкурсхана сямянд сававна сянакодаӈэ нюмдедонзь. Нюдя, Ӈарка, Канин’ яхад товы’’ нида’’ пумнанда миӈаць. Мал’’ саць сававна харто’ яндо’ нямна лаханаць, сер’’ теневась паӈгудо’ ваде’’ӈаць.
– Мань Усть Карахад тодамзь, Хатанзейской’’ паӈгад передм’. Ирив’ Алексей Иванович Хатанзейской’, тыбэртяӈэ яханана’’ тарась, – тарем вадамда Анна Валей ханадась. – Ирив’ Ӈарка яхана соясь, таняна таромда мэ’’ӈадась. Мат’’ юдимдей похо’’на’’ «Красный Октябрь’ колхозхана бригадирӈэ манзарась, манзаямда сававна минренась. Пухуцяда Анна Егоровна Хатанзейской мань хадав’. Пыда – хаби, Тюменской областьхана соявы, паӈгуда таняхад миӈа’’.
Хадан’, ирин’ 12 нюди’’ ӈэвысь. Пыди’ илеванди’ ямбан хойхана манзараӈаханзь, пенсиян’ тарпась Усть Каран’ илелъяханзь.
Эльвира Вылка Красной’ тер’’: – Мань паӈгун’ Апицынахад миӈа’’. Мань хадани’ хада Степанида Апицына, ПНОК нюртей председательӈэ’ таравысь. Пыда няхар’’ хасава нюда’’ ӈэвысь. Пётр Апицын, сайнорма похо’’на’’ Украинахана сайнормысь. 1945 похона госпитальт’ еримысь, «Красной звезда» орденда танесь. Нябимдей нюда Прокопий Апицын сайнорць фронтхана юнси’ юховысь. Яӈгу’’махаданда «За отвагу» медальм’ мимыць. Маня’’ мякнана’’ сайнормы’’ нина’’ теневына’’, тенейна’’. Пыдо’ нямнандо’ вадина’’ нюна’’ нюху’’ тэвраӈгуна’’.
Тюку по’ «Вадава’’ лэтрахава» ӈацембой хибяри’’ пирдырма яханана’’ маттамдэймэвна ваерась. Пирдырмахана нерня тарпвы’’ ӈацекы’’ социально- гуманитарной колледжхана тоходана’’.
Матрёна Талеева – ненэцие’’ округна’’ почётной тохолкода нювм’ мэӈа, пыда тарця вади’’ хэтась: – Маня’’ ӈацекына’’ тюку яля’ пэдоваць. Наны’’, пирибця’’ харто’ паӈгудо’ тенева’’, харто’ тэнздо’ традиции’’ нерня минресь илевамдо’ мэ’’ӈадо’. Тарця пирдырма’ нерняна таневахана ӈокарка хибяри’’ сырманзь турпато’ таранарха’. Тюку яля’ саць савась. Залда нюдясь, ӈодьбянда хибяри’’ӈод’’ тянё’’ ӈэвакы’’. Ӈацембой нина’’ нерня’ ӈод’’ тарем’ миӈая’’, харто’ культурамдо’, вадамдо’, традициидо’ мэць илея’’! Сава сёнзяхана нерня’ миӈая’’!


Перевод на русский язык

И в тундру вернуться мечтают…

Студенты учебных заведений округа приняли участие в традиционном конкурсе «Вадава” лэтрахава”» («Сбережём родной язык»). Его организаторами выступили специалисты отдела ненецкой культуры Этнокультурного центра. Они и определяли победителей.

Конкурсанты с любовью и знанием дела рассказывали о своей родословной, отвечали на вопросы викторины, инсценировали сказки, читали стихи, исполняли песни на родном языке.
Команду Ненецкого аграрно-экономического техникума «Крепкие парни» представляли Виктор Выучейский, Михаил Валей, Владимир Выучейский, Алексей Талеев и Егор Тайбарей. Ребята – будущие оленеводы-механизаторы. Сильные, выносливые, увлекаются спортом, рисуют, любят читать. Каждое лето проводят с родителями в оленеводческих бригадах. Уже сейчас хорошо представляют своё будущее. Каждый из них мечтает вернуться в тундру. Например, Егор Тайбарей. Юноша родился и вырос в посёлке Каратайка.
– Родился в семье оленеводов. Всё детство провёл в тундре, всегда помогал родителям. После окончания школы поступил в техникум. Увлекаюсь спортом, играю в баскетбол и волейбол, – Егор скромен и не очень охотно соглашается на интервью. – После окончания техникума обязательно вернусь к родителям и продолжу трудиться вместе с ними в оленеводстве. Моя мечта – жить и работать в тундре!
Даниил Ледков учится в Ненецком профессиональном училище, капитан команды «Сэдорана’’ не’’» – «Мастерицы». Среди её участников – молодёжь из разных тундр: Малоземельской, Большеземельской, Канинской.
– Я родом из посёлка Усть-Кара. Мой дедушка Хатанзейский Алексей Иванович потомственный карский оленевод, – начала свой рассказ Анна Валей. – Родился в Большеземельской тундре. В 60-х годах был уважаемым бригадиром колхоза «Красный Октябрь», имел начальное образование, но природный ум и смекалка, жизненный опыт заменяли ему школьные науки. Женился на моей бабушке Анне Егоровне. Она родом из Тюменской области, хантыйка по национальности. У бабушки и дедушки была большая семья, 12 детей. Осталось в живых только шестеро. Вся их жизнь прошла в тундре, только после выхода на пенсию переехали в Усть-Кару.
Историю своей семьи рассказала и Эльвира Вылка из Красного:
– Мою прапрабабушку Апицыну Степаниду тундровики избрали первым председателем ПНОК. У неё было три сына. Пётр воевал в годы войны на Украине. В 1945 году был ранен, получил орден Красной Звезды. Прокопий пропал на фронте без вести. Посмертно награждён медалью «За отвагу». В нашей семье помнят и чтят своих героев. Об этом мы будем рассказывать детям и внукам.
Победителями шестого молодёжного конкурса «Вадава’’ лэтрахава’’» стали студенты социально-гуманитарного колледжа.
Почётный учитель Ненецкого автономного округа Матрёна Талеева, поздравляя участников, пожелала молодым чаще общаться на родном языке:
– Наши студенты – молодцы, очень старались. Девчонки и мальчишки хорошо знают корни, стремятся соблюдать традиции своего народа. В будущем необходимо проводить такие конкурсы и фестивали в более просторном помещении, чтобы не тесно было конкурсантам и болельщикам. А молодым нужно дальше жить и продвигать культуру, язык, традиции народа. В добрый путь!