Едэй по’ това сер’ Якутияхад Надежда Очировахад юнм’ ня’’амадамзь. Нини’ нюдя пэвдэй ирийхана Москва маркана хари’’ вадам’ пэртя’’ тохолкоди’’ Всероссийской конкурсхана торомдэйнись. Надежда тарця конкурсхана ӈока тохолкода’’ поӈгана нердесь. Пыда сава ихиня, мядонзэйсавэй Нерюнгри март’ хаясь, харта школаханда тэвыць.
«Ялумд''» страницам' Юлия Талеева хамадада
Вероника, Федор Талеевха’ мякнанди’ ю’’ нюкцямди’ вадабихи’. Пыди’ семьянди’ нямна яӈга сава книгам’ падва мян. Ӈобкана мале’’ пон’ илеӈаха’. Семьямди’ нерня’ минреди’, хуркари’’ сава серт’ нюкциди’ тохоламбихи’.
РФ’ толырто тянё ненэця’ ӈарка ассоциацияна’’ президентӈэ тарана нява’’ Григорий Ледков ваде’’ӈадась, 2017 по’ ассоциацияна’’ манзаравахана хурка ӈэса, хаювы по’ ямбан’ хурка манзаи’’ ассоциациява’’ сертась. Теда’ товы 2018 похона ханзер’’ манзараванзь ятна’’, нерня’ манзарава пландо’ хэтась.
«Ялумдана’’» мядонда – Ольга Старостина, губернаторна’’ ӈуда ӈылы, ненэця’, ӈани тэнз’ толырто’ тянё хибяри серу’’ тасламбада. Ханзер’’ хаёвнда пом’ мадабива’’, хурка сер’’ по’ ямбан сертавыць, хурка серу’’ таслаць тикы’ нямна вадам’ Ольга Валентиновна хэтамби.
Развитие системы образования и сохранение языков коренных малочисленных народов обсуждали на I Всероссийском съезде учителей родных языков, литературы и культур коренных малочисленных народов Севера, Сибири и Дальнего Востока.
Ненэцие’’ аграрно-экономической техникум’ студент’’ тамна сиднтет по’’ тяхана «Дети во имя мира» международной проектмана манзарась пядонзь. Тарця проектм’ сертавы не Катрин Гэнгсто Норвегияхана иле, тикы’ пуд’ тарця проект’’мана сертавы’’ манзая’’ ӈани’’ яхана’’ ӈадимяць.
Хор’’ ирий’ 15 яляхана Александра Гермагеновна Ардеева 90 пода панысь. Пыда Пустозерской сельской совет ӈэсы’ тер’’ хибяри’’ поӈгана сямянд ӈармбэй хибяри ӈэван’ хабе, «Няръяна ты» колхоз’ ветеран.
Самляӈг по’ тяхана Несьхана илена’’ нянэй не’’ ӈобкана ма’’лась, ибедорць тарем’ тасладонзь – хари’’ вадавна хыно’’та’’. Тарем’ ма’’люрць пядось, харто’ вадавнандо’ хыноцеты’’, лаханако вадецеты’’. «Сава не» - вокальной группа ӈадимясь. Хор’’ ирийхана мале’ самляӈг подо’ паны.
1997 по’ миӈась. Тамальӈгана Ямалкана манзарадамзь, радиона манзаранаӈэ радиомарафонм’ сертась идейнаць. Саля’хардахана танеда Петра и Павла храм ( хэхэ мяд’) сулурпава е’’эмня есь’’ ма’’ламбиваць. Ӈока хибяри’’ студиян’ турӈаць. Анна Неркаги ненэцие’’ паднана, ӈока ню’’ небя’’ турӈась.
Тарця я’’ таня, ханяна хусувэй ӈамгэм’ теневанарахан ӈэӈгун. Несьхана ӈопой мэвна мэдамзь, мале ӈыхы’’. Тарем’ ӈод’’ таня тэво’’ромав ихинян’ тенад иле. Пя’’ мун’ хаванан со’’, ӈэсындо’ хэхэ мя’’, яхакоця’ тяха вэӈгалёда пул’ сэвханан’ ӈадьдарха’. Тарем’ сехэрэковна ядась школан’ тэвӈгун. Тикы школахана няхар’’ ю’’ сидя по’’ ямбан’ Александра Егоровна Лаптандер манзара, пыда луца’ вада, литература’ тохолкода.
Неняӈг’’ ирий 11 яляхана округна’’ хибяри’’ Прокопий Явтысой, ненэцие’’ паднанам’, падтаӈгодам’ тензибтембиць. Тикы яляхана 85 пода пангусь. Соя’’ма’ яляхананда перенида’’, нида’’, тохолабвы хибярида’’ маркана паднана’’ няндо’ тэвормы ян’ турӈаць. Тикы яляхана падвы манзаида соць.
Тюку яля’ вадав’ Анастасия Кирилловна Латышева’ нямна ӈэӈгу. Тикы некоця теда’ Несьхана иле. Пыда’ ня’ лаханакурма саць мэёвна сеян’ еримберӈа, ӈока ӈамгэм’ теневана не. Невхы илм’ тенена, тены по’’ илӈгана илена.
Ӈока по’’ тяхана Норвегияхана Тромсё’ маркана яндахат тыбэртя’’ ма’’люрӈаць, тамальӈгана харто’ е’’эмняндо’ международной профессиональной организациям’ сертась идейдаць. Тарем’ Ассоциация’ «Оленеводы мира» ӈадимясь.
Хибяри’’ поӈгнандо’ тарем’ лаханасеты’’: хурка яхана хибяри иле, пыда ӈоб’’ тарця ӈэӈгу. Филиппов’’ Нельмин Саляхана ӈахэт иле’’, пыдо’ манзарась теневана’’, хибярихина сава ӈэсеты’’. Ӈэсынандо’ илена’’ хибяри’’ ӈод’’ тарцям’ маниесь сиддо’ сахарамби’’.
Анатолий Иванович Рожинмʼ школахана тоходанва похот тенев. Классан’ тюванда сер’’ ванёрабтё торовадарцеты, тикахад сидна’’ ненэй вадавна лахана, паднась тохоламбасеты. Ӈани’ ханяӈэхэ’’на педучилищахана тоходанни харта нянанда тавы ӈэсеты.
