Мэта’’ си’’ивна маттамдэй яляхана Няръяна маркана округна со’’яма ялям’ мэтава’’. Мал’’ теневава’’- тюку по’ маня’’ илесь яна’ сиднтет ю’’ поданда хая.

Таӈок по’’ ямбан хуркари’’ сер’’ танець, ӈока хибяри’’ яханана илець, манзараць. Яна’ историям’ лэтбива’’, теневава’’. Округна ӈарка яляхана маркана «Марад’ сейм’» нюбета площадьхана хуркари’’ ихиня сомбой сер’’ ваераӈгу. Яля’ ямбан ханярина хыно’’та’’ хынота’’, тарана’’ тараӈгу’’; хуркари выставка’’ манзараӈгу’’, мирдатна’’ тэвравы’’ ӈаворидо’ мирдапгу’’. Ервуна’’, округна мядонда’’ сейхад’ ӈэда’’ вадидо’ хибярихи’ хэтгу’’. Сямянд’ пуданана, яля’ пэвсюмбы хасую’’ сясхана фейерверг’ танеӈгу’’.

Тикы яляхана мякнанда нёда’’ ӈамдю’’, ныланавась марад еркы’ площадян’ тоида’’.