Издавна народы севера хорошо знали свойства оленьих шкур, которые умело обрабатывали

Их выделка традиционным способом популярна среди мастериц и в наши дни.

Выделка камусов – оленьих лапок

Из оленьих лап обычно шьют рукавицы и обувь. Обработка немного отличается от выделки шкуры.
Сырые камусы хорошо очищают от кусков мяса, затем сшивают их простыми стежками по четыре или по две штуки мехом вовнутрь так, чтобы получился мешочек. После этого их подвешивают на два горизонтальных шеста над очагом – ти,
специально предназначенных для просушки обуви и других вещей.
Иногда камусы прошивают в виде широкой пластины по шесть штук в ряд. Затем протягивают их через шесты чума. Сохнет сырьё на протяжении двух недель. Летом и весной их просушивают на улице.
Высушенное сырьё расшивают, для размягчения мездру каждой лапки обильно смазывают чайной заваркой. Или кладут заготовки мездрой вниз на влажную почву, придавливая сверху гнётом.
Затем влажные лапки начинают обрабатывать по методу выделки шкур: сначала снимают грубую мездру, смазывают рыбьим жиром, просушивают в тепле.
Окончательную обработку производят с помощью специального инструмента – мэятабць – металлической литовки, косы. Её вставляют в изогнутую, дугообразную рукоять из дерева.
Камусы или оленьи лбы скоблят вдоль и поперёк о железную часть литовки. Эти литовки ненцы когда-то приобретали у жителей русских селений в обмен на песцовые шкурки. Но такой инструмент имелся не у каждой северянки.
Чтобы обувь и рукавицы, сшитые из камусов, прослужили долго, после тщательной обработки их ненадолго подвешивают над костром. От дыма их поверхность должна приобрести коричневый оттенок.
При выделке камусов женщины пользуются кроильной доской – ядко. Она намного короче доски – надорць, которая предназначена для выделки шкур. Мастерица может работать сидя на нартах или на другом сидении. При этом широкий конец доски упирается ей в колено, а другой, более узкий, в землю. Скребки для камусов такого же типа, что и для выделки шкур, только лезвие у них уже заточено с одной стороны.

Выделка пыжиков

Пыжики – шкурки новорождённых оленят – в основном выделывали руками. Это очень нежное сырьё, при малейшем грубом прикосновении шкурка может порваться. Для того чтобы этого не случилось, высушенные шкурки слегка сбрызгивают водой, а дальше мнут руками. Иногда применяют скребок с широким лезвием. Но при этом стараются работать скребком осторожно, лишь слегка касаясь поверхности шкурки. Иногда применяли грубую рыболовную сеть. Её натягивали между двумя шестами чума и об неё тёрли размягчённую шкурку, затем её слегка обрызгивали рыбьим жиром и дальше уже разминали руками.

Технология выделки оленьих лбов и щёток

Оленьи лбы и щётки – часть нижней стороны оленьих лапок с грубой шерстью, используют на подошвы бокарей. Их обработка происходит по тому же способу, что и камусы, и шкуры оленя. Для просушки лбы и щётки сшивают по несколько штук в одну широкую пластину. После окончательного просушивания их недолго отмачивают чайной заваркой или просто обрызгивают водой. Затем выделывают по технологии обработки шкур или камусов. После выделки из них шьют заготовки на подошву обуви для детей и мужчин.

 Перевод на ненецкий язык

Хадуна’’ тэвравы’’ сер’’

Ӈахы’ похот нянэй ненэця’’ илевадо’ тэхэт миӈа’’. Не’’ надурць тенева’’, ханзер’’ пенам’, сую’ хобам’, тай, вэрам’ наць толада’’.

Пени мэядамбава, напава

Ты’ пенахат илева’ тяхад ненэй не’’ ӈоб’’, пиби’’ сэдыби’’. Пена’’ ӈоб’ тарем’ хобадарев’ напада’’, мэядамбада’’, мюмдебада. Лэнда нид ха’’авравы пенам’ нензумбада, тадтикад няданда перена ӈамзанда’ пеля’’ хархана варабада’’. Тадтикад ӈаябэхэндо’ сид’’лад, тет’’лад, тарето’ мюня’ ӈэсь, падӈэ ӈобт’ сэдалпада’’. Тарем’ сэлмы’’ тырабтамба ти’ ни’ ӈыдабада’’.
Ханяӈэхэна тамна мат’’лад лабтёйӈэ сэдалкая, ӈаябэй пена’’ ӈу’ тяхана тырабтамбада’’. Тарем’ сэдалмы си’’ив яля’ тыранана’’. Нарма’ няна пихина хано’’ ниня’ пывхана ӈоб’’ тарем’ тырабтамбада’’.
Сававна тыравы, наманзь таславым’ cяй’ вэбахана ябтарамбада’’, пихиня’ нярито’ ябтёй ян’ сядоць ябтарамбада’’. Ябтанана пени’’ вардо’ талбэйӈэ нива хаёва’ е’’эмня, нимняндо’ ӈамгэвахана ютламбада’’. Ябтёй пени тикарихина минха’ напада’’. Пена’’ мэядир’’, хоба’’ мэядир’’ то’’олха. Пили’’ нерде’ нензода ха’’аврамбада, тадтикад юритата миӈа, сэламада. Тарем’ насо’’махад, пили’’ пуда’ сянди ян’ вэнкая, нярпой, тадтикад ямбаданда сер’’ мэятабцяӈгана пэрта. Мэятабця невхы ненэця’’ луцахат хомбасетавы’’, нохо’’, тёня’’ хобавна, харта неблюйвана тадабавыдо’.
Мэятабцям’ иняхад ӈун’ сярхая, няби маламда ян’ палкая, пенида’’ не тарем’ мэядаӈгуда. Маядабцяӈгана мэядавы пена сянди ян’ харта вэнаӈга. Тарем’ сававна мэядавы, намы пена’’ сэдыбава то’’олхари’’. Мэяда’’махад тамна пурад’ тухуна ти’ ниня’ сямдарамбада. Сямдаравы пена хурина пива ӈылдаӈэ мэта. Пена’’ таславы сэдора мэта ядко’ ниня напада. Тарця яд надорцяӈгад ӈамгэ’ пирувна хэм’, тыя. Пенам’ напада не ӈамдёрця’ ниня ӈамдё’’ манзара. Яданда тю’’уй мал пулыхэданда пере, няби малда яхад пакалмы. Пена’’ ядалабць’ хоб’’ напа мэтахат ӈамгэ’ мянувна есьдо’ тыямбой’’, ямбарка’’, сидя няд силмы’’.
Ӈоб’’ тарем’ еся яӈго’ ӈынхад сертабада’’.

Сую’’

Сую’, тандая’ соявы су’’ляко’ хоба’ няра ӈули’’ нянзи’’, сянхана ӈаркавна нэкалма’ няд ӈадаӈгана. Ӈадьбата суикоця ӈударихина мэядамбада, нярада нянотахав’ тамна есяда латака’’я хоба’ ядалабцяӈгана напда. Сую’ хоба мюмдева’ нерцюна ӈобтарем’, ха’’нюй икна пюваркая, ябтарамбада. Ябтарамбава’ ёльцяӈгана сабе вэлкабтамба вэва, ӈаркавна санибтевы суи минханда ӈадода. Ябтёй’’ ӈэдаханда, нензода янабовна ныкалпахая, минха’ ӈударихина пыибада. Нензонда ха’’ам’’махад ӈобтарем’ юритембада, тадтикад сомбовна хасванда’ ёльцянд’ ӈани’ пыибада. Мэяда’’махад пад’ мюня’ сюраӈгу, тадтикад ӈацекы’ панэӈэ, харта саваӈэ пэрта.

Тай, вэра мэядир’’

Илева’ тяхад ты’ таё, вэри ненэй ненэця’’ пибито’ ӈылдаӈэ мэйдо’. Ӈопой тай хасава’, тадтикад ӈацекы’’ пиби’’ ӈылдаӈэ мэта, нехэна ты’ тайм’ ӈылдо’’ма хэвы. Ты’ тайм’ ӈэвэйтянда лэхэд ха’’аврамахад, сававна лехебтахая, сянхав яля’ ӈу’ тяхана тырабтамбада. Ханяӈэхэна, ӈока тай таняб’’, ӈобт’ тет’’, мат’’ мянувна лабцёйӈэ сэдалпада’’. Тадтикад ӈу’’ тяхад тырабтамбада’’. Тыра’’махадандо’, cай’ вэбахана ябтарахая, пена’ ядалабцяӈгана напда’’. Нензомда нерде’ ха’’аврамахад юритембада, тадтикад пи’ тяха’ ӈамгэвахана ниданда ютлахая, юритё тарем’ хаебада. Ӈани яляхана, юритата тасла насо’’махад, тадтикад ӈу’ тяха’ мэхэя, харта ти’ ни’ ӈыдахая, сэлабада. Сэла’’мамда мэ’’махад пили’’ пуда’ пенадарев’ сян ёӈорэй нярпой, ямб’ сер’’, нюлкакоӈэ хэванда’ ёльцянд’ напада.
Тай’ хавна хасава’ пива вэрахана ӈылдамбада. Вэра’’ пенито’ ниня мэядамбада’’. Ханяӈы не’’ вэри ӈаябэхэто’ пенахат маторкая, сянлад ӈобт’ сэлкая, лабцёйӈэ тырабтамбидо’. На’’ма’ нерцюна халя’ тяркана, халя’ евэйхана масаркая вэра’’ ӈоб’’ яля’ ябтарамбада’’. Тадтикад сомбовна халэ’’ тяро’’ парсо’’махад не минханда надорць теберӈа. Пили’’ пуда’ вэра мэятабцяӈгана мэядамбада. Тарем’ мюмдебадан’ вэра’’, тай’’ вэндурӈа’’, нюлкакоӈэ ханӈa’’. Мэядавы вэрахат, сидя хэвдо’ пена’ пеляхана нядахая, пива’’ ӈылдо’ сэдыби’’. Вэра’ ӈылад тикарихина тай’ тотрев’ нялеӈгана ни ӈа’’, пон’ тарта переӈгу.
Хусувэй хойхана илена’’ не’’ сэдорась теневана’’ ӈэбнанда тара. Сэдъя манзаям’ теневана мята’ тер’’ сыра сяхаӈгарт ни ханьтаӈгу’’, мэта ембдяродо’ мел’’мана на’’мы’’ хобахад, пенахад мэё’’ ӈэӈгу’’.