Мал’’ маня’’ школахана тоходанаваць. Тоходанвана мальӈгана А.С.Пушкин падвы стих’ хусувэй классхана толабасьтына’’, тохолабсетына’’. Пыда ӈокаюв’ падвы манзаида хуркари’’ тенз’ ненэцие’’ вадан’ сертавы’’, хуркари’’ я’ тер’’ хибяри’’ толабидо’. Мэбета паднана падвы манзая’’ ненэця’ вадан’ ӈод сертавы, поӈгнандо’ вадако’ таня’’, стих’’. «Я памятник себе воздвиг нерукотворный» тарця стихм’ ненэця’ вадавна Роза Ивановна Канюкова (Вэрэйко) пададась. Падвэмда толара’’.

Ӈарка хой’ пир ӈадимдевы хэкурт’

Хибярит сарпя пон илебей ӈэӈгу.

Тю’’у’’ нум’ няю’’ хэкур’’ вэӈгалаӈгу’’,

Ӈольсандранд хэкуркад пирцямбой ӈэӈгу.

Юрбэйӈэсь, ватаӈэсь, хабэйӈэсь нидм’ хаёд’.

Ин сертарев” ,ивъер’’ мань сертавы ӈавон

Юнитаӈэсь, тумдортаӈэсь си’’ми пэрта’’.

Я тиркана ӈоб’’ си’’н то’’олха хаёхортаб’’.

Ӈарка, лата Русь я’ ниня мань нямнан

Вада’’ пенаӈгуд’’. Вэбтый луца’ ню, финн’,

Тей хубтахы туӈгу’’, пясьда яхы’ калмык

Мань тэнзми пили’’ пондан’ мал’ тенеӈгу’’.

Тамна пон мань хамзнадм’ ӈэӈгу нидум’,

Сава ӈока пад’’мам’ пада мань ӈадимдедм’,

Самбхы похо’’на ӈуйна таӈгом’ хэйдадм’,

Вэзёйха’, вэва серка’’ тосась сидда’’ хонрабидм’.

Ярмадавам’, нензюмбдевам’ нись пилюць

Ӈарка Нум’ ватонзер’’ Вадин пенарэяд’’.

Пинвадехэрт сер’’ си’’м харесь ни пират’’.

Са’’ла пыхы’’лёдан’ ядоӈганзу поёларю’’ нён.