Неняӈг’’ ирий’ пудана яляха’ тэвась, хой’ няюв тирта’’ ӈано’’ тиӈгуд’’. Те’ ёльць, маня’’ ӈод’’ паднанаӈэ, ӈатева’’.

Хойхана мюсерта’’ ненэця’’ сямянд ӈарка – Тыбэрта ялян’ хантава’’. Ханяри’’ тобнана’’ таняна теневана’’ нина’’ тане.

Нина’’ манэ’’тава’’, несэй хибяри’’ торомдаӈгува’’. Мэкад паднамина’’ танеӈгу’’.

Тюку по’ мань «Ямб то» община’ няюв ӈани’’ тэворман харвадм’, теневана няхаюни’ Илья, Варвара Нокрета мят’ тюӈгудм’.

Нокрета’’ нюто’ ня хойхана илена’’, ӈарка явнана’’ тыдо’ маниесь мюсерӈа’’. Тикы яхана ӈахы’’ похот’’ пыдо паӈгхадандо’ перена’’ ненэця’’ мюсерӈаць.

Илья Григорьевич, Варвара, пыди’ си’’ив нюди’’ невхы похо’’на’’ нито’ минревы’’ илм’ мэць илевамдо нерня’ минредо. Пыдо – тыбэрта’’, хари’’ ямдо’ мэне’’, лэтби’’. Хусувэй теневанамдо – хари’’ паӈгуто’ невхы похот’’ илевам, хари’’ тэнз’ культурам, ӈэрм’ ненэцие’ ил’ ватом нюхуто’ тэврамбидо.

– Мякнана’’ серуна’’ сава’’, хусаркось хэвы, сензва, тына’’ пэрӈава’’ – тикы сямянд тарана. Си’’ив нюми’ вадюдана’’. Ӈарумзь сава нядаӈгода ӈэвнда, е’’эйдани’ тэхэ’’на’’ мэвнда’’, – янамбовна Илья Григорьевич вадамда минре.

Ӈарка мяд’ тер’’ нися ӈарка хой’ яхана соявы, тикы явна невхы похо’’на’’ перенидо’ мюсермы’’.Тюкохона небяда, нисяда илець, хасава нида’’ тыдо’ мание’’.

Пухуцямда’ Илья хэвхы округхад юкад’ вата по’’ тяхана тэвравэдась. Варвара – Ямал’ тер некоця, пыда ӈани’’ ӈарка семьяхана вадювы, нида’’ тыбэрта’’, ӈарка пэ’’ хоё’’мана мюсерӈа’’.

Хаюпа хэванда нерде’ ямал’ яна мюсермысь, хари’’ тыдо’ маниена’’ ненэця’’ ӈэвы’’. Сырэй ёльцяӈгана тасиня’ хамурцеты’’, Саля’ хард няюв тэворцеты’’, Лабытнангахана мэсеты’’. Халям’’, ӈамзам’’, тёня’’, нохо’’ хоб’’ мирдапсеты’’. Сывы мальӈгана сэдвы’’ ӈаворидо хибярихи’ тэврабсетыдо. Тикахад ховы’’ еся’’амнандо таранадамдо тэмдабасеты’’.

– Нисяни’, небяни’ хэвхана иледамзь, тикахад хаюпа хаядм’. Ӈоб’’ пиркана мякана’’ ӈэвтана’’ товыць, сими’ Ненэцие’’ округан’ хана’’. Вэсакоми’ сава ненэця, мята’ тер’’ нямна ида пили’’ няркна – ванерабтёсь некоця лахана.

Такы’ похот’’ Варвара Тайбери «Ямб тохона» иле’’, мале’ самляӈг яӈганя по’’ ваера’’. Хэвхы округад товы некоця ненэцие’ ям’ торомдада, общинахана хари’’ нядандо’ пэрӈадо.

– Яля’’, по’’ лакри’, нись’ хамеда хаюрӈа’’. Сававна, нина’’ нядабась илева’’, нянана’’ мал’ сава. Ӈацекы’’ сояӈга’’, маймбцо, серуна’’ тю’’у миндараха’. Хусувэй семьяхана ӈацекы’’ танебнандо’ тара – тарем’ Илья Григорьевич тасламбида. – Пухуцян’ ня ӈацекыни’ мани’ саваилебцами’, ябми’, нерня’ илевами’. Тарем’ ӈэбнанда тара. Теда’ мани’ нюни’’ сахарибтамбини’, пуна пыдо сидни’ ни’’ хаеӈгу’’. Тарем’ сидни’ вадабиць, тарем’ мани’ ӈацекыни’’ пэръяни’.

Илья Григорьевич Нокрета ӈацекы ӈэвы пода’’ ябда ваеравыць, тикы пода’ тензебтебась мась.

– Ӈацекы’’ ӈэвы пона’’ саць сававна ваераць. Маня’’ мал’ хойхана соявэва’’, тикахана вадываць. Нисяна’’, небяна’’ хэвхана илеваць. Мякнана’’ хусувэй танеда сер’’ ӈобкана пэрцетыва’’. Не’ нини’’ небява’’ нядабасеты’’, пыда’ хэвхананда сэдорась тоходанаць. Маня’’ – хасаваӈэ нисяна’’ хэвхана мэсетыва’’, тэхэ’’ ядэрцетыва’’, халям’ пэрцетыва’’, ханесетыва’’. Хойхана тарем’ ӈэсеты. Нисяхадана’’ ханесь теневава’’, яӈгом мярась, поӈгам’ сулурць сидна’’ пыда тохолавы. Нисяна’’ пилютада яӈгусь. Хусувэй савам’ небяхадана, нисяхадана минрева’’. Нина’’ сахарамбась, нядабась нерня’ миӈава’’. Мани’ ӈод’’ ӈацекыни’ тарем’ вадабини’. Ӈарка ненэця’’ сахарамбая, нидо’ нядабая, харто’ ямдо мэнея, хари’’ паӈгудо тенвая’’ – ӈарка мяд тер’’ нися мась.

Нокрета мяд’ тер’’ хари’’ вадавнандо лахана’’, хари’’ тэнз’ паӈгудо тенева’’. Хуркари’’ манзаям’ теневана’’, ӈадимы тоенана серт’ выдаравнда’’ ни’’ӈа’’.

Нокрета мякна ӈацекы’’ пись’ мун’’ пили’’ соя, маймбась вадюданая’’. Тедари’ пыдо’ нюдя, небяндо’ манзая’’амда’’. Вадёвандо’ сер’’ илда’ ӈани’’ сер’’ сюрхалты’’, таӈгамды.

Хойхана мюсерта хибяри ябдана ил’ тарця. Тамна ӈока по’’ ямбан Нокрета паӈгхад перена’’ ненэця’’ иринато’ явна мюсерӈая’’, тыдо’ пэрӈая’’, нюто’ пись’ соя’’. Хойхана мюсерта» няхани’ мададм’: сававна иледа», ябдада», хусувэй товы ялян маймбида».

Перевод на русский язык

Образ жизни – кочевой

Уже в конце июля в тундру полетят вертолёты. Этого момента ждём и мы – журналисты «НВ». Непременно поедем на День оленевода – главный праздник тружеников тундры.

На встречу со своими давними знакомыми. За новыми интересными сюжетами.

В этом году мне снова хочется побывать в чуме большой гостеприимной семьи Ильи и Варвары Нокрета из общины «Ямб то».

Семья Нокрета с детьми ведёт традиционный кочевой образ жизни на просторах Большеземельской тундры. По этим землям издавна кочует их род.

Илья Григорьевич, Варвара и их семеро детей живут так, как жили их предки много лет назад. Они – оленеводы, любят и берегут свою землю и передают детям глубокую историю своего рода. Они сохраняют богатую культуру народа, бережно хранят традиции северной духовности…

– В семье всё нормально, грех жаловаться, все здоровы, и оленей держим правильно – это главное. Дети растут, а их у нас семеро. Подрастает смена, наши помощники, – спокойно и гордо говорит Илья Григорьевич.

Сам глава семьи родился в Большеземельской тундре, здесь веками кочевали его предки. Здесь жили родители, сегодня пасут оленей братья.

А жену Илья привёз из соседнего округа более десятка лет назад. Варвара – уроженка Ямала. Она также воспитывалась в большой семье оленеводов, кочующих в Уральских горах.

До замужества с родителями кочевали по ямальской земле. В предгорьях Урала пасли своих оленей. Зимой спускались вниз, доезжали до Салехарда, бывали в Лабытнангах. Возили на продажу рыбу, мясо, продавали шкуры песца, лисицы. Всё, что шили зимними вечерами в чуме, – тапочки, бурки, узоры – брали с собой, предлагали покупателям. На вырученные деньги закупали необходимое.

– Так жила я возле родителей, пока не вышла замуж. Однажды сваты приехали, договорились и увезли меня за Урал, в Ненецкий округ, – улыбается женщина. – Надёжный муж у меня, заботливый, думает о семье.

С тех пор, как Варвара Тайбери оказалась в общине «Ямб то», прошло 15 лет. Давно женщина освоилась на ненецкой земле, стала своей в общине.

– Время летит быстро и незаметно. Живём дружно, нас всё устраивает. Рождаются дети, с ними жизнь веселее и пошла, как нам кажется, в гору. Дети – основа жизни в любой семье, – считает Илья Григорьевич. – Это наше с женой богатство и счастье, это наше спокойное будущее. Так должно быть. Теперь мы заботимся о детях, а потом они нас не оставят. Так воспитаны мы, так воспитываем детей.

Часто Илья Григорьевич Нокрета вспоминает счастливые детские годы.

– У меня, моих братьев и сестёр было прекрасное детство. Родились все в тундре, здесь и выросли. Жили рядом с родителями, было надёжно и спокойно. Всё в семье делали сообща. Сёстры помогали матери по хозяйству, шить учились возле неё. А мы – парни – рядом с отцом были, ездили с ним к оленям, на рыбалку, охоту. Так принято в тундре. Он нас всех очень рано научил охотиться. Показывал, как ставить капканы, чинить сети, и конечно, – запрягать оленей. Отец не боялся никаких трудностей и нас к этому приобщал. Родители научили ценить и поддерживать друг друга. Так теперь и мы с женой стараемся жить по этим законам. В детях с малых лет воспитываем уважение к старшим, учим проявлять заботу друг о друге, беречь природу, знать историю своего рода, – говорит глава большой семьи.

В семье Нокрета говорят на родном языке, соблюдают традиции своего народа. Дети с малых лет знают, что значит трудиться. Мальчишек отец берёт в стадо, учит метко стрелять, управлять упряжкой. Рядом с ним они учатся плести аркан, нарты мастерить, хорей, шесты для чума делать, упряжи для оленей.

Девочки – помощницы матери. Поддерживают порядок в чуме и выполняют всю домашнюю работу, учатся готовить, собирают дрова, носят воду… Всё это дело девчонок.

В чуме Нокрета не смолкает детский смех. Забот хватает, пока дети маловаты. Вырастут – будет другая жизнь, быть может, более спокойная.

Вот такая счастливая жизнь тундровика. И пусть род Нокрета ещё многие годы кочует по земле предков, пасутся олени, и раздаётся смех детей.