Ты’ сие’ ниць’ ирий’ пудана’’ яля’’ мальӈгана Москва’ маркана Баренцев регионхана илена’’ толырто’ тянё ненэця’’ нертей саммит манзаям’ нэбва мальӈгана Гос. дума депутат Григорий Ледков тарця вади хэтась: – Маня’’ тарем’ тасламбива’’, хусувэй харта илесь яхананда минрена манзаида сававна мимандо’ е’’эмня Баренцев регионхана илена’’ толырто’ тянё ненэця’’ ханяӈы серка’’на нидо’ нядабась манзарабнандо’ сава ӈэӈгусь.

Баренцев регион’ яха’’на’’ ӈахэт няхар’’ толырто’ тянё ненэця’’ иле’’: саам’’( Кольской полуостровхана, Норвегияхана, Финляндияхана, Швецияхана), вепс’’ ( Карелия Республикахана), ненэця’’ ( Ненэцие’’ автономной округхана).
Ханзер’’ ӈани’’ яха’’на’’ толырто’ тянё ненэця’’ танеда проблемыдо’ тасламбидо’ тикы серу’ ваеравы ма’’лёвахана яндахат товы’’ хибяри’’ ӈобкана манэ’’саръядонзь. Хари’’ тэнз’ нямна, культура, образование, социальной объект’’ таневам’, инженерной инфраструктура, хари’’ илм’ нерня’ минревам’ нина’’ манэ’’сарӈаць. Тены’’ похо’’на Арктикахана янда’’хана промышленной освоение миӈа, тикы’ нид яханана’’хусувэй по’ ибаркаӈэ хантана, тарем’ нерня’ ӈэбнанда валакада ӈэрм’ яхана илена’’ ненэця’’ традиционной культурамдо’ ётадо’.
Арктикахана илена’’ толырто’ тянё ненэця’’ сян’ ёнар’’ по’’ ямбан’ харто’ яханандо’ нумда несэюмданавам’ ӈока’’ манэ’’ӈаць, тарця сер’ нямна ӈока и’ӈудм’ ма’’лаць. Тюку’ мэвахана Арктикахана промышленной освоение миӈа, я’ ӈылхана танеда ӈамгэм’ тюхулпи’’. Тарця сер’’ танева’’ нид’ нумда ӈэрм’ яхана ибаркаӈэ хантана, тикым’ ӈани’’ илӈгана мадась тараӈгу.
Нумда ханярина ибаркаӈэ хантана’’, тарця серт’ толырто’ тянё ненэця’’ ханярина хамадёбнандо’ тара.
Харто’ иламдо’ минрена’’ ӈэрм’ ненэця’’, вымна мюсерта’’ нумда хусувэй по’ ибаркаӈэ хантанвам’ маниедо’. Тыбэртя’’ ненэця’’ маен’ еримберцеты’’. Пудана’’ похо’’на сэрад’’ танесеты, ты’’ хадарць ядо’ тоенана саламбаӈэ ханимзеты, ты’’ хаӈгсеты’’.
Янда’’хана ям’ хулцупава нид’ ӈэрм’ яхана хуркари’’ ниня сава сер’’ ӈадиберцеты’’, ханяӈыдо’ илевахана тосакабты’’.
Ӈэрм’ яхана илена’’ толырто’ тянё ненэцяӈгаха’’на’’ нумда ибаркаӈэ хантанава тамбирувна ни’’ тосакабтю’’, ханзер’’ тыто’ мюсерць яхана, халям’ ня’’марпава яханандо’ ям’ хулцупада’’ манзаидо’ пэрма’’. Пыдо’ пудандо’ ханзер’’ ненэця’’ харто’ яханандо’ илеӈгу’’. Ям’ хулцупада’’ манзаидо’ тёмбековна минребнандо’ тара, ӈэрм’ ненэцие’’ илесь яхана ӈамгэхэрт вэваком’ нибнандо’ хаембю’’. Тарця сер’’ ӈобнзер’’ тасламбада’’.
Ханзер’’ ты’’ мюсерць, халям’ ня’’марпава, ханисэйм’ пэрма’ яхана промышленной освоение манзаи’’ минрева сер’’ теда’ РФ законодательствохона ханзер’’ тара ни’’ падю’’. Валакада сидя ю’’ си’’ив ӈэрм’ яхана, ханяна толырто’ тянё ненэця’’ иле’’, тарця сер’ нямна яӈга ня’’амвы нормативной акт’’ таня’’- Ненэцкой, Ямало-Ненецкой, Ханты-Мансийской автономной округха’’на’’, Саха (Якутия) республикахана, Сахалинской областьхана. Таняна ям’ хулцупада’’ манзаидо’ пявандо’ нерцю толырто’ тянё ненэцие’’ ня’ соглашением’ падби’’. Тикы’пуд’’ валакада манзаидо’ сертабидо’.
Ям’ хулцупада’’ ӈэрм’ ненэцие’’ня нидо’ хамадабась манзара теневабнандо’ тара. Хусувэй харта манзаяхаданда нив’ иле. Ӈэрм’ ян хэвняхад товы’’ хибяри’’ хамадабнандо’ нив’ тара, пыдо’ манзаравась товы’’. Толырто’ тянё ненэця’’ харто’ яханандо’ нерня’ ӈод’’ илевнда’’, нюдо’ тикахана иле’’, манзара’’. Нюто’ нюху’ ямдо хаебнандо’. Ӈэрм’ ненэця’’ харто’ яхадандо’ ханяхарт ни’’ хант’’.
Баренцев регион’ ня’ ӈобнзер’’ манзарава’ поӈгана тюку ирий’ 6 – 9 яля’ ӈэсонд округна’’ еркы маркана Баренцев регион’ VIII Парламентской конференция ваераӈгу, тикахана Москва’ маркана саммитхана таславы сер’’ тамна нерня’ манэ’’сармы’’ ӈэӈгу’’.

Перевод на русский язык

Саммит уполномочен заявить

– Мы считаем, что взаимодействие коренных народов может стать инструментом для налаживания отношений и конструктивного диалога между странами Баренцева региона, – сказал депутат Госдумы Григорий Ледков, приветствуя участников I cаммита коренных народов Баренцева региона. Его открытие состоялось в Москве в конце апреля.

На территории Баренцева региона издавна проживают три коренных народа: саамы (Кольский полуостров, Норвегия, Финляндия и Швеция), вепсы (Республика Карелия), ненцы (Ненецкий автономный округ). На форуме рассмотрели опыт северных стран при решении проблем коренных народов, касающихся самоидентификации, культуры, образования, доступности объектов социальной, инженерной инфраструктуры и сохранения традиционной хозяйственной деятельности.
Участники дискуссии отмечали: промышленное освоение Арктики в условиях глобальных изменений климата может привести не только к утрате арктических экосистем, но и к потере традиционной культуры, которая не просто уникальна, но и является единственно устойчивой в современном мире.
Коренные народы Арктики уже не раз за тысячелетия испытывали последствия эпохальных изменений климата и накопили огромный запас знаний об окружающей среде. Но в этот раз им придется пережить изменения климата в условиях промышленного освоения Арктики.
Потепление климата одни называют реальностью, другие – мифом. Ясно одно: коренные народы должны быть готовы к изменяющимся климатическим условиям.
Аборигены Севера уже сейчас ощущают негативное воздействие на традиционный образ жизни. Участившиеся гололеды становятся трагедией для оленеводов. А традиционные стратегии адаптации при случавшихся ранее изменениях климата – как то переход от оленеводства к морскому зверобойному промыслу и рыболовству – во многих районах Арктики будут неприменимы. Промышленное освоение этих районов, буровые и газопроводы сделали традиционные места промыслов непригодными. Подвижки грунта в зонах таяния вечной мерзлоты создадут риски в эксплуатации зданий. Усиление штормов, эрозии берегов северных морей могут привести к разрушению инфраструктуры, промышленных объектов, нефтяных терминалов и трубопроводов.
Но даже больше, чем потепление климата, коренные народы арктической зоны волнует наступление промышленных компаний на территорию традиционного природопользования. Индустриальное освоение северных территорий не должно идти в ущерб исконным отраслям хозяйства, считают местные жители.
К сожалению, в российском законодательстве отсутствуют четкие нормы по оценке воздействия проектов промышленного освоения на исконную среду обитания и традиционный образ жизни коренных народов, а также механизмы справедливого возмещения ущерба. Только в пяти – Ненецком, Ямало-Ненецком и Ханты-Мансийском автономных округах, Республике Саха (Якутия), Сахалинской области – из 27 северных субъектов, где живут коренные народы, приняты специальные нормативные акты, предусматривающие принцип обязательности для промышленных компаний заключения соглашений с представителями местного населения.
Но, так как соответствующих норм в федеральном законодательстве нет, компании вправе оспаривать эти региональные требования или диктовать свои условия их выполнения.
Диалога на равных не получается. Более того, даже узаконенное право коренных северян на сохранение своей культуры и традиционных видов хозяйствования натыкается на непонимание властей – мол, почему  население Арктической зоны должно иметь какие-то особые привилегии?
– Почему внимание этносу? Малочисленность – это вечная угроза его существованию, способная привести к полному исчезновению, а страшнее ничего быть не может! Это – трагедия! Поэтому государство берет на себя ответственность (и международное сообщество, и сам народ) для того, чтобы конкретный этнос выжил, сохранился, – говорит Григорий Ледков, подчеркивая, что предоставляемые коренным северным народам гарантии не являются некими льготами, даруемыми от «щедрот» государства.
– Это неотъемлемое право, справедливая компенсация их повышенных материальных и физиологических затрат на проживание в экстремальных природно-климатических условиях, – убежден депутат Госдумы.
Он и впредь намерен отстаивать, чтобы в принимаемых российским парламентом законах были официально закреплены обещанные гарантии достойной жизни коренного северянина.
В рамках сотрудничества Баренцева региона в столице Ненецкого округа 6–9 июня пройдет VIII Парламентская конференция Баренцева региона, где будет продолжен  разговор, начатый на cаммите коренных народов в Москве.