Нельмин’ Саляхана Ёртя ялям’ мэ’’манзь хибяри’’ ваеравы си’’ив пудана яляхана мэ’’лэйдаць.

Ваеравы сер’’

Неняӈг’’ ирий’ няхарамдэй яӈганя толыркана Саляхана илена’’ хибяри’’ Печора’ яха вархана ма’’лэйдаць, «Малоземелье – край рыбацкий» -
тарем’ нюмдевы ныланава’’ ялямдо’ мэ’’ӈаць.

Ёртя яля – округханана’’ илена’’ хибяри’’ е’’эмня сямянд мэнена ӈарка яляӈэ таславы яля, яханана’’ хусувэй по’ ёнар’’ хасую’’ ёнар’’ сидндет ю’’ сидндетимдей поход мэ’’ӈава’’.

Ӈэрм’ яхана илена’’ хибярихи’’на’’ халям’ пэрма сер’’ тэри’’ тарця сер’’ ни’’ӈа’’, ӈэрм’ я’ тер’’ халяхад иле’’, хари’’ тэнздо культура, ил’ вато. Маня’’ яханана’’ хибяри’’ нюдякоходандо халям’ ня’’амарпи’’, мяд’ терсавэй ёрманзь тэворцеты’’.

Халям’ пэрта’’ манзаяхад ӈаврана’’ танева яханана’’ пере. Маня’’ яханана’’ ня’’амвы’’ халям’ ӈани’’ яхана’’на’’ илена’’ хибяри’’ теневадо, харвась тэмдамбидо.

Маня’’ ӈани’’ Нюдя ян’ тэвхана’’, таняна неняӈг ирий’ няхарамдэй яӈганя толыркана ёрма’ серм’ харвабтана’’ хибяри’’ ма’’лэйдаць. Яляда саць савась, нянэй таӈы ялякось! Хаярэко, ханзоко мерцяко, и’ вато хэбидя ялясь. Хибяри’’ маймбиць, пирдырман’ харвабцодо’ ӈаркась. Ӈарка ялям’ мэ’’манзь вэсако, нюдяко ӈацекы’’ тоць.

Хэбидя яля’ ед ихид’ минда вади’’ Малоземельской сельской совет ӈэвахана мэна Николай Марюев хэтась. Нельминхана илена’’ ӈокаюв’ хибяри’’ е’’эмня тикы ӈарка яля. Теда Саляхана невхы’ похо’’на’’ халям’ пэрмы’’ хибяри’’, хари’’ манзаидо’ сававна минревы’’ ёртя’’ ню’’, нюто’ ню’’ иле’’. Тамальӈгы похо’’на’’ Выучейской нювм’ нюбета колхозхана ёртя’’ манзаидо’ тыбэрта’’ тотрев минрейдось. Тикахана манзарана’’ хибяри’’ округна’’ халядана’’ пирдырма’ поӈгана нердесеты’’, ёрта’’ нюбедо’ сосеты’’.

Тюкумэвахана Саляхана хэбидя ялямдо халя’ евэйхана нэдонзь. Нерде’ ӈарка ялям’ мэ’’манзь товы’’ нидо, мядондидо’ ӈамнелада халя’ евэйхана, ябембада сяйхана ӈавлэйдонзь.

Валакада тикы’ пуд’’ – хуркари’’ сянаковидо’ пяць. Хусувэй по’ тотрев тикы яляхана халям’ ня’’амбава’’ серкана хибяри’’ пирдырӈаць. Сямянд ныхытидо «Нертей ня’’мвы халя», « Сямянд ӈока халям’ ня’’мвы’’», «Сямянд ӈарка халя», «Сямянд нюдяко халяко» номинацияха’’на’’ нердевыдо’ нюмдець. Тарця пирдырмахана няхар’’ юкад вата хибяри’’ ныхыдо’ хорпиць.

Тикы’ пуд’’ и’’нудхад перена сянакова’’ танець, «Малоземельцы-знатоки» викторина ваерась. «Париденя ларькана» ӈамгэ’ таневам, вадам’ минрена хонарковна нюмдесь тарась.Тарця сянаковахана нерня’ тарпвы, и’’нутаӈэ нюмдевы Екатерина Ардеева – ӈарка не, ёртя Николай Арсентьевич Марюев не ню.

– Тюку яля’ саць ӈарка яля. Нельмин’ Саляхана маня’’ вадываць. Ява’’ паской, хойхана то’’, яхако’’ ӈока, халядо’ таня. Ӈацыкэва’’ ӈэбнана’’ халядась яха’ вархана ӈока ӈамдёсетыва’’. Халяхад евэй пирембасетыва’’. Саць сава ӈэсеты’’- Екатерина Николаевна тарця вади’’ хэтась.

Ёртя яляхана ӈацекы’’ ӈод’’ нидаць’ тябекут’’, пыдо’ е’’эмняндо сомбой сянакова’ программа’ танесь. «Нюдякоця ёртя’’» сянаковахана ӈацекы’’ харвась сянакуць, хусувэй хонаркован’ хари’’ вадидо’ хэтбиць.

Тамна хэбидя ялям’ минревы’’ нидо’ конкурс «Буриме» хамадавыць, таняна ёрма сер’’ нямна хуркари’’ девиз’’, ёненава вади’’, стих’’ хэтась тарась. Хибярихи’’на’’ мэкад конкурсӈэ ха’’мыць.

Тамна хибяри’’ халя’ евэйм’ пирембиць – «Ай да уха» нюбета конкурс’ танесь. Тарця конкурсхана нердевы хибяри спорткомплекс «Нюртей» специальной призм ня’’мась.

Хэбидя яля’ пуданана хибяри’’ сидя ян’ тярась поӈгам’ нэкалпиць, тарця пирдырмахана мал’ саваць, мал’ нердець!

Перевод на русский язык

Ай да уха!

В Нельмином Носе отметили День рыбака.

На берегу Печоры прошло массовое народное гулянье «Малоземелье – край рыбацкий».

День рыбака – один из любимых праздников для жителей нашего округа и традиционно отмечается в регионе с 1988 года.

Для северян рыболовство – не просто хобби, это неотъемлемая часть культуры, традиция, образ жизни. Рыбачат у нас с детства, семьями.

Рыбодобытчики вносят значительный вклад в развитие продовольственного сектора региона. Экологически чистую, высокого качества продукцию ценят далеко за пределами Ненецкого автономного округа.

Ну а мы снова возвращаемся в Малоземелье, где 13 июля собрались любители рыбалки. День, надо сказать, выдался на славу! Яркое солнце, лёгкий ветерок, праздничное настроение, ну и, конечно, соревновательный азарт. На праздник пришли и стар, и млад.

С поздравлениями к землякам обратился глава Малоземельского сельсовета Николай Марюев, отметив значимость события для жителей Нельмина Носа. Ведь именно здесь живут потомки именитых рыбодобытчиков советского времени, когда колхоз имени Выучейского успешно занимался промышленным рыболовством и всегда показывал высокие результаты.

Начали праздник с приятной гастрономической ноты. Всех гостей угостили ухой, ароматным чаем со сладостями.

После сытного и вкусного обеда – развлекательная часть. По доброй традиции в этот день прошли любительские соревнования по вылову рыбы. Выявили победителей в различных номинациях: «Первая пойманная рыба», «Самый большой улов», «Самая большая рыба» и «Самая маленькая рыбка». В состязаниях участвовало около 30 человек.

После развлекательно-гастрономической части праздника последовала интеллектуальная: нужно было ответить на вопросы викторины «Малоземельцы – знатоки». Также по подсказкам ведущего предстояло отгадать содержимое чёрного ящика. Победителем в интеллектуальном состязании стала Екатерина Ардеева – старожил, дочь потомственного рыбака Николая Арсентьевича Марюева.

– Сегодня для меня большой день. В Нельмином Носе мы выросли. Вокруг множество озёр и речек, там всегда было много рыбы. Детьми с удочкой сидели у реки. Готовили рыбу, ели уху, – поделилась воспоминаниями Екатерина Николаевна.

Дети тоже не скучали, для них организаторы провели игровую программу «Нюдякоця ёртя’’» – «Маленькие рыбаки».

А ещё организаторы подготовили конкурс «Буриме», где участники сочиняли тематические девизы, шуточные рифмы, стишки про рыбалку.

На ура прошёл конкурс «Ай да уха!», желающих показать себя в кулинарном искусстве оказалось немало. Тому, кто сварил самую вкусную и ароматную уху, вручили специальный приз спорткомплекса «Нюртей».

В завершение праздника смешанные команды тянули рыбацкую сеть – в этом состязании победила дружба!