Индиган’ тэворман’ ёльцяӈгана Пётр Николаевич Апицын ня’ лаханакуманзь. Тикы’ ненэця’ «Индигской» совхозхана ӈока по’’ ямбан’ тыбэртя’’ ӈэсы бригадирӈэ манзарась…
Пыда ня’ Индиган’ ядэрман’ мальӈгана лаханаманзь. Манзаямда теневана’’ тыбэртя, «Индигской» совхоз тыбэрти’’ ӈэсы’ бригадирӈэ тарась. Ӈацембой хибяри’’ тыбэрма серт’ тохоламбись, харта манзаянда’ е’’эмня лаханасеты, ханзер’’ илесь тара хэтнасеты. Янда’ тер’’ хибяри’’ нянанда сава ӈесеты’’.

Пётр Николаевич 1935 похона неняӈг’’ ирийхана Тиман’ выӈгана соявысь, нисяда Николай Иванович Апицын тыбэртя ӈэвы, небяда Сусанна Фёдоровна. Вэсаконда’ ня’ хойхана мюсерӈаханзь. Небяда мел’’ не ӈэвысь, мяканда хусувэй манзая’ няданда пересь.
Нисяда, Николай Иванович Апицын, ӈацекэӈэ мале манзаравысь, ӈарка ненэцие’’ тотрев’ тэхэ’’на мэсеты, ханесеты, тамальӈгана мале пэртя’’ манзаяханда ивъер’ сырцеты.
Сайнорма’ поӈэ’ хэсь, пыда сайнорманзь хаясь, 1942 похона Ленинград’ мар’’ ӈылна яӈгумась. Тикахад небяда’ яӈгумась. Евакоӈэ хаёсь, ирида Лука Иванович Ледков ханавэдась, пыда мяканда вадюданась.
Иринда мякана илесь. Тоходанава’ ёльцьӈгана тоходана пядась, пон’ нись тоходана, тет классм’ ёльцесь. Пуна’ школамда хаедась. 14 похонанда колхозхана тыбэртяӈэ манзарась.
– Сяха’ колхозна’’ – «Няби пятилетка», «Тиманец» ӈоб’ ня’ мэйдонзь мань сидя ю’’ повась. Тикы’ пуд’ «Индигской» совхозӈэ хаясь, тына’’ ӈокаць, мяд’ терсавэй мюсерӈаваць,- тарця вади’’ хэтась,- совхозна’’ председатель’’ манзаява’’ теневаван’ харвасетыдо’, тына’’ толамбава’ мальӈгана хоян’ турцеты’’, маня’’ манзаина’’ ваде’’цетыва’’.
Теневам’, Апицын тыбэртя, харта ямда мэнена ненэця’. Ӈамгэ тяхакуна хибярихи’’ тарем’ сырӈаць? Нянандо’ тарем’ илесь и’’ватось. Ерв’’ хой’ хибяри’ илм’ сававна таслабидонзь.
1967 похона Пётр Апицын «Индигской’» совхоз хасуюдимдей ӈэсыхына бригадирӈэ хаясь, тарем’ пенсиян’ хэванда’ ӈэсонд’ совхозханандо’ манзаяхананда нердесь. Нисянди’ хэвхана хасава нюхуюда Николай, Валентин манзараӈаханзь. Ӈопой хасава нюда тенад тэхэ’’на мэ. Нисянда пэрмы манзаям’ нерня’ минреда.
Хойхана Пётр Николаевич Апицын ӈокханда 45 по’’ ямбан’ манзарась. Сававна манзараванда’ е’’эмня наградыда’’ ӈока’’. 1975 похона «Ударник 9-ой пятилетки» знакм’, 1980 похона «Ударник 10 пятилетки» знакм’ ня’’мась. 1976, 1979 по’ «Победитель социалистического соревнования» ӈэвысь.
ВДНХ медальта таня. 1980 похона Пётр Николаевич Апицынан’ сававна манзарава’ е’’эмня СССР Государственной премиям’ миӈаць.
Ольга Петровна, Пётр Николаевич си’’ив нюм’ вадаӈаханзь – 4 не нюди, 3 хасава нюдись. Нюди’’ ӈарумаць, хусувэдо’ харта манзаямда пэрӈа.
Теда’ ветеран пенсияхана мэ, тарем’ ӈод’’ хойхана ханзер’’ ненэця’’ нида’’ манзара’’, тыдо’ хурка’’ теневыда.
Пётр Николаевич манзаямда мэнена, теневана ненэця’, манзаям’ нерня’ минрева’’ серкана несэй ӈадивормам’ сава ихиня ядабтабсетыда. Ӈопой – хусувэй едэй сер’’ манзаям’ пуня’ нибнанда пэр’’, манзарана’’ хибярихи’’на вэва нибнанда’ ӈа’’. Хусувэй минрена манзаяхад ӈока есям’ ховам’ тасламба ни’’ серос’’.
Хойхана хуркари’’ похо’’на тыбэрма серкана’ ӈод’’ ниня’’ тарця сер’’ танесеты’’. Тарця по’’ таняць, ся’’ня’ хойхана мяд’ терсавэй мюсерта’’ ненэцие’’ хардан’ илеванзь табадамбидонзь. Хасавари’ хойхана хаиць. Тарця сер’’ саван’ ненэцие’’ ни’’ тэвра’’. Хардахана вадювы’’ ӈацекы’’ хой’ илм’ ехэрадо, тэхэ’’на мэван’ сацяри’ ни’’ харва’’, харто’ паӈгудо’ ехэранаӈэ вадюдана’’. Иб’ ӈод’’ по’’ тяхана тарця серкад хибяри’’ саварим’ ӈатець. Серкана тарем’ ни’’ ӈадив’’.
– Харадхана соявы, вадювы ӈацекы хой’ илм’ ехэрась илевамда мэ’’ӈада, – тыбэртя тарем’ лахана. – Невхы похо’’на ненэця’’ мяд’ терсавэй вымна мюсерӈаць, мякана илець. Нюна’’ хойхана сояӈгаць, таняна илевамдо’ мэ’’ӈадонзь, тыбэрма’ серм’ нюдякодандо’ маниедонзь.
Хибя теневаса, по’’ ваерась ненэця’’ тарця илан’ тэвӈгоданакы?
Теда’ ханяна ив’ ядэрцеты, сидя ю’’ пом’ хаврась серо’’мы ӈэбнанда, ӈани’’ хоян’ танаиваць, хар’’н ӈэсыхынан нэсэювна манзарась пяӈгувась. Манзаява’’ тю’’у илась пир’’маданакэва’’.
Пётр Николаевич -тыбэртя, хойхана мюсерта хибяри илм’ хамадабида, теневада. Харта илм’ теневана, илеванда’ ямбан’ хойхана манзарана’’ нида нерня’ пэрцеты. Теда’ пыда мале ӈармбэй ненэця’, мяканда товы хибярим’ сава ихиня ядабтабсетыда, харвась хой’ илм’ нямна лаханасеты. Пётр Николаевич илеванда’ ямбан’ ӈока ӈамгэм’ манэ’’мы, ӈока ӈамгэм’ намдвы,
Пыда вадахата’’ инзелесь и’ вато. Енам’, илева’’ сер’’, Индиган’ тамна тэвортадм’, хойхана пон’ манзаравы нява’’ тамна лаханась нятав’. Теда’ мадм’, Пётр Николаевич, сензан’ ӈа’’, илевамд’ маймбась мэт’’!

Перевод на русский язык

С любовью к жизни

С героем этого материала я познакомилась во время командировки в Индигу. Пётр Николаевич Апицын – один из опытных руководителей оленеводческой бригады совхоза «Индигский». В свои 83 года ветеран даёт молодому поколению уроки оленеводства, делится жизненным опытом. Мужественный, порядочный, чуткий. За это его и любят земляки.

Пётр Николаевич родился в июле 1935 года в Тиманской тундре. Воспитывался в семье потомственных оленеводов Николая Ивановича и Сусанны Фёдоровны Апицыных. Всё домашнее хозяйство держалось на плечах мамы. Отец Николай Иванович Апицын уже подростком трудился пастухом, наравне со взрослыми пас оленей, добывал пушнину, справлялся с любой работой.
Во время войны отец ушёл на фронт и погиб под Ленинградом в 1942 году. Потом не стало и матери. Петю взял на воспитание дедушка Лука Иванович Ледков.
– Жил в семье деда, окончил четыре класса школы, – вспоминает ветеран. – Затем пришлось оставить учёбу. В 14 лет пошёл работать. Начинал трудиться пастухом в колхозе «Едэй ты». Когда мне было 20, объединили наш колхоз с колхозом «Вторая пятилетка», так образовался «Тиманец». Потом появился совхоз «Индигский». Его председатели всегда приезжали в стада, проводили просчёты, жили с нами в чумах. Молодёжи было много, делились с ней опытом. Прекрасные годы…
В 1967 году Пётр Апицын возглавил бригаду № 9 совхоза «Индигский» и до выхода на пенсию руководил одним из лучших коллективов в оленхозяйстве. Вместе с ним трудились сыновья Николай и Валентин. Один из них до сих пор продолжает дело отца.
Общий трудовой стаж нашего героя 45 лет. В 1975 году был награждён знаком «Ударник 9-й пятилетки», а в 1980 году – знаком «Ударник 10-й пятилетки». В 1976 и 1979 годах получал знак «Победитель социалистического соревнования». Ему вручили медаль ВДНХ. В 1980 году присудили Государственную премию СССР за выдающиеся достижения в труде. Пётр Николаевич вместе с женой Ольгой Петровной вырастил и воспитал семерых детей. Дети получили достойное образование.
Теперь ветеран на заслуженном отдыхе, но всегда в курсе всего, что происходит в оленеводстве и родном коллективе. По мнению Петра Апицына, в нынешний век товарно-денежных отношений очень важно сохранить душу. Он всегда переживал за своё дело. Конечно, непорядки в оленеводстве были всегда. Пётр Николаевич, к примеру, с большим сомнением отнёсся к идее сменного выпаса. Понимал, что это нововведение может привести к разрушению семей. Смогут ли представители молодого поколения стать продолжателями древних оленеводческих родов или станут иждивенцами, которым до традиций народа и дела нет? Чиновники думали, что люди будут жить как все, пользуясь благами цивилизации, что их дети смогут получать образование и так далее. Да и сама отрасль станет рентабельной. А получился обратный результат.
– Те, кто рождаются и живут в посёлках, теряют умение жить в тундре, – убеждён ветеран. – Раньше тундра была нашим домом, мы кочевали семьями. Наши дети с младенчества познавали труд оленевода. Иногда размышляю – вот скинуть бы годков двадцать, присоединиться к своей бригаде и начать всё сначала. Может, и получилось бы поднять престиж труда оленевода.
Пётр Николаевич понимает, каким глубоким смыслом наполнена жизнь оленевода, которую он любит. Уезжая из Индиги, я запомнила его крепким, бодрым мужчиной с неизменной открытой и доброй сердечной улыбкой.
Сегодня мне вновь хочется говорить с Петром Николаевичем. Без спешки и привязки к дате или событию. Знаю, что этот скромный человек может сказать что-то очень важное, что поможет лучше понять жизнь, разобраться в том, что происходит вокруг. Этот разговор, я уверена, мы обязательно продолжим. Здоровья вам, Пётр Николаевич, бодрости и оптимизма!