Тюку ирий’ няхарамдэй яӈганя толыркана Нарьяна Маркана ненэцие’ театр «Илебц» едэй манзаямда манэ’’лабтась.
Несэй спектакльм’ манэ’’манзь маркана илена’’ хибяри’’ ДК «Арктика» нюдя’ залкахана ма’’лэйдаць. Тюкумэвахана артистана’’ манзаямдо’ Нина Валейской, теневана падтаӈода няна’’ падвы манзаямна сертадонзь.
Нюдяко залхана ӈока хибяри’’ ма’’лы’’, мал’ ӈатена’’, ненэцие’ округна’’ радио’ мун’ намдась, нина’’ манзаямдо’ пя’’. Спекталян’ товы’’ хибяри’’ лэркабт’ ваеравы юр’’ по’ 50-60 похо’ еримондо’, невхы Няръяна март’.
Сцена’ нина хибяри’’, Ксения Валейской маркы’ илесь лохона ма’’лы’’.
– Небя’, тюкохона пыдари’ Нинат’ ня илеӈгуди’. Хардава’’ Печора яха вархана ну, порт’ хахаи. Илесь лохокоцява’’ нюдякоця ӈэбнанда’ ӈод’’, сомбой, – небяханда’ Ксения лахана. – Мань’ ӈани’’ тоходанавами’ ёльцебнани’ тара, тикы’ пуд’’ ни’’ӈадю, ханяна манзаядами’ тата’’.
– Мань илеван’ ямбан хойхана мюсерӈадамзь, теда’ маркана иленаӈэ хаядм’, – янамбаковна Иринья хада лахана.
– Небя’, тюкохона хой’ ни’’ӈа’’, тюкохона ӈани’’ сава хибяри’’ иле’’, хэвханана’’, тайкуй’ лохона луца’ мяд’ тер’’ иле’’. Пыдо’ сава хибяри’’. Енам’, пыдари’ ниди’’ торумдаӈгуди’...
Тарця вади’’ хэтанзь, Ксения тоходанаванзь Ленинградан’ ӈэдалэй. Маркы’ мякнанда не нюда Нина хаданда’ ня хаюӈаха’.
Спектакльхана сянаковы’’ – Ксения не ню Нина (Ева Лочехина), Иринья хада (Надежда Николаевна Талеева) – нертей ӈадимзь сеян’ мэёвна тебӈаха’. Нертей, я’’авлада, мерета некоця, ӈацекы ӈэвада ӈади’’. Нябиюм’ – хада, ӈули’’ ибета, ва’’лёй, серота, ибедорта, илан’ мэёвна сырта, ил’ теневана не. Пыди’, сидяӈэ ӈоб’’ то’’олха’, хуркари’’ серт’ еримбнанди’ выдараӈгу’’ ниӈаха’, хуркари’’ серкат’’ сававна тарпаӈгуху’. Маркана илесь пябнанди’, несэй мякана илесь, хуркари’’ серт’ еримзетыхы’, ханзер’’ тикахад ӈась, таминда тасласетысиди’.
Хойхад март’ товы некоця илӈгана хуркари’’ ехэравы’’ сер’’ сыра’ хой тотрев ӈокамданасеты’’, тянё’’ нисеты’’ӈа’’, ӈоб’’ пиркана едэй паской тоемям’ ид’ вархана халтабихись, тикы’ пуд’’ саӈговота тоемям’ тыртаванзь тибей’ харад’ ни’’ и’’илбидинзь, хардаханди’ лата ӈоляпятбихинзь…
Театрхана сянакода’’ мал’ пэдаваць, манзаямдо’ ханзоць минредось – тикахана сянаковы’’: Ксения – Наталья Васильевна Канюкова, нянда’ хасава ню Саньча – Александр Терлецкой, хэвхы мякана илена – Василий Ростиславович Корепанов, тамна ӈани’’ сянакода’’ нядагуць. Спекталян’ сырманзь товы’’ тарцям’ маниесь маймбиць, писеӈаць, сейханандо’ лимбякась.
Ӈэсыхыд март’ илеванзь това, едэй мякана илесь лохоком’ хамадабва, мякандо’ ӈока хойхад товы’’ мядонди’’ ядабтабва, хэвхы нито’ няюв нясъюмба илева, нито’ мят мядоманзь тэворма, ӈобкана нылана – тарем’ хибяри’’ ваеравы юр’’ по’ еркы похо’’на’’ илець. Тарем’ маркана ӈэвысь.
Сяха’ ӈобкана ныланавандо’ ёльцяӈгана Николай Николаевич Епифановской аккординсавэй, сё мэць ӈадимянда’ сер’’, залхана ӈамдёвы’’ хибяри’’ артист’’ няюв янамбовна сём’ ханаць.
Нарка премьера ваера! Сцена’ нина’’ сянаковы’’ нина’’ невхы по’ маркана илевам’ нянэювна манэ’’лабтадонзь, ненсянда’ ӈод’’ тамальӈгана ил’ тарцясь. Спектакль’ вае’’рамахад хибяри’’ тамна пон’ лаханакурӈаць, артистха’ ихид минда вадидо’ хэтамбиць. Хусувэдо’ ихинанда ӈопой ялян’ ӈэбнанда’ ӈод’’ невхы март’ ериман’ харвабцода ӈадимясь…
Ӈарка вадам «Илебц» манзаям’ нерня’ минрена’’ нина’’намдаць, нерм’ пэртядо’ Александра Сергиенко, режиссёрдо’ Наталья Шевелёва.
Перевод на русский язык
«Бабушка» прошла с аншлагом
В Нарьян-Маре артисты Народного ненецкого театра «Илебц» показали новый спектакль.
Премьера постановки по одноимённому автобиографическому рассказу «Бабушка» известного ненецкого художника Нины Валейской собрала первых зрителей в малом зале ДК «Арктика».
В зале тишина – все в ожидании действия, под позывные ненецкого окружного радио открывается занавес. Зрители мгновенно окунулись в деревянный Нарьян-Мар 50-60-х годов прошлого века.
Артисты выходят на сцену… Действие происходит в городской квартире Ксении Валейской.
– Вот здесь, мама, вы с Ниной будете жить. Дом на берегу Печоры, рядом порт. Квартирка хоть и маленькая, но уютная, – обращается Ксения к матери и дочери. – А мне надо как-то доучиться, а потом ещё неизвестно, где работу предложат.
– Всю жизнь я была кочевой тундровичкой, а теперь стала горожанкой, – с грустинкой в голосе сообщила бабушка Иринья.
– Мама, здесь не тундра: здесь тоже хорошие люди живут, напротив, в квартире русская семья живёт. Очень хорошие люди. Я надеюсь, что вы с ними подружитесь…
Затем Ксения прощается с родными и уезжает на учёбу в Ленинград. В городской квартире остаются внучка Нина с бабушкой Ириньей.
Главные герои – внучка Нина (Ева Лочехина) и бабушка Иринья (Надежда Николаевна Талеева) – очаровали зрителей. Первая – своей детской непосредственностью и озорством, вторая – мудростью, задором, оптимизмом. В какие ситуации только они ни попадали, и везде, проявляя находчивость и радостный настрой, всегда находили выход из ситуации.
А было много всего: стирка на берегу реки ватного одеяла розового цвета, затем его просушка на крыше ветхого сарая, опрометчивая покраска полов, сбережение тараканов…
Действия на сцене менялись одно за другим.
Эмоционально, со знанием дела, артисты из народа играли свои роли: Ксения – Наталья Васильевна Канюкова, племянник Саньча – Александр Терлецкий, сосед – Василий Ростиславович Корепанов и другие герои вызвали у публики восторг, улыбки и смех. Переезд из посёлка в город, обустройство в новой квартире, приём многочисленных гостей из тундры, дружба с соседями и угощения вскладчину – это жизнь горожан середины XX века. Так жил город.
А уж когда на сцену вышел Николай Николаевич Епифановский – по-соседски поддержать застолье – с аккордеоном и доброй песней, то зрители не могли удержаться и вполголоса подпевали артистам…
Премьера состоялась! Зрители окунулись в атмосферу того времени, получили море положительных эмоций, ярких воспоминаний. А помог им в этом профессионализм актёров. После спектакля зрители признались, что очень им хотелось на миг вернуться, ворваться в тот городок, на нашу улицу в три дома, где всё просто и знакомо, на денёк...
Артистов тепло поблагодарили за прекрасную работу. Поздравили театр «Илебц», его руководителей Александру Сергиенко и Наталью Шевелёву, всех актёров с премьерой и пожелали спектаклю долгого творческого пути!
