Дина Алексеевна Талеева хойхана харта недада таня. Тюку яхана пыда соясь, тюкохона харта хардада, манзаяда таня’, вэсаконда’ ня’ няхар’’ хасава нюмди’ вадабихи’.
Тикы’ некоцям’ нись ӈахакуд теневав, пыда «Харп»’ колхозхана мядм’ пэртяӈэ манзара. Харта нямнанда, хой’ ил’ нямна тарця вади’’ хэтась.
Маня’’ семьява’’ ӈаркась. Теда’ мал ӈарумава’’, Краснойхана илева’’. Ӈарка семьяхадана’’ ӈопой не’ нява’’ ӈахы яхана иле, Америкахана. Герцен’ нювм’ нюбета университетхана тоходанась. Санкт-Петербургхана вэсакоданда хэвндя хасавам’ ядабтась, пыда’ тамальӈгана медицинской университетхана тоходанавысь. Тедахава мале доктор’ медицинский наук. СШАхана иле’’, не нями’ луца’ вада тохолкодаӈэ манзара.
Сидя хасава нюкцяди’, ӈарканди’ 16 пода, нюдякоди’ няхар’’ пота. Харто’ хардадо’, машинадо’, сававна иле’’. Ихинян таня ӈэдалёрман’ харванархадм’, яда саць хубта, сейми’ тамбир ян’ ӈэдалась пина. Тены’’ илӈгана интернет’ мэ’’ӈава’’, тарем’ нина’’ ня’ лаханасетыва’’.
Мань’ ӈани’’ семьясавэй Краснойхана иледм’. Хасавами’ Алексей Александрович Талеев, тыбэртя. Хойхана ӈахэт мюсерӈа, армияхад то’’махаданда таня танэяць. Нерде’ нисянда, небянда’ ня’ мюсерӈась, нядаӈгусь, тикахад’ яӈга илелъяць. Хар’’ни’ семьяни’ ӈадимзь. Нисянда, небянда ты’’ нянда тэвыдаць, хусувэй илӈгана таранадами’ пыди’ таӈаханзь.
Мядм’ лэтамбада’’ ӈаворидо’ мань маниеян, лэтамбин. Ханзер’’ лэтамбась ӈани’’ теневадм’, си’’ми хадада тохолась. Мядм’ лэтамбадини’ мя’’ми лэтамби’’. Тикым’ ӈани’’ теневась тара.
Теда’ мяд’ терсавэй хойхана мюсерць илева’’, няхар’’ хасава нюми’. Ӈарками’ армиян’ хэванзь хамяку, ёнэйми’ – си’’ивмдей классхана тоходана, ебцотами’ маттамдэй классхана тоходана.
Ханзер’’ нюни’ вадабини’? Хусувэй серкана нядаӈгосеты’’, манзарась тохолабини’. Пыдо’ хэвханани’ та’ ямбан’ хойхана мэсеты’’, нисямдо’ нядабасеты’’. Сими’ ӈод’’ хуркари’’ серкана нядабасеты’’- пям’ тэвраӈгу’’, идм’ хота’’. Нисяндо’ ня’ еванзь ядэрцеты’’, халям’ пэрцеты’’, ӈобкана ӈамгэхэвам’ мибсеты’’. Тыдо’ тенева’’, та’ мальӈгана тэн’ прививки масетебсеты’’, хаӈгурта ты’’ маниесеты’’.
Таӈы каникулто’ пуд’’ нись’’ харва’’ Красноян’ ӈэдаласетыд’’, хэвханани’ мэван’ харвасеты’’, хардахана небяси’’, нисяси’’ тябекусеты’’. Тоходанась таравам’ сававна хамадабидо’. Харвась тоходана’’.
Мань’ техникумхана ветеринарӈэсь няхар’’ по’’ тоходанадамзь, тикы’ пуд’’ хоян’ тодамзь. Тохолковав’ тянембёвна нись’ ёльце, хаюпа хаядамзь, таняхад хунываць. Хой’ якоцями сими ханась. Теда’ хойхана илесь, техникумхана тохолковами’ сими нядаби, манзаянан’ ӈока таранам’ теневадм’. Тябекут нисетыдм’. Забойка’ пуд’ манзаина’’ ӈокамзеты’’. Пени’’ хырабасетыва’’, тикахад тыратабсетына’’, хусувэй ӈамгэмда тавдась тарасеты. Тикы’ хавна ӈавар’’ пиресь, халтаӈгоя’’ танесеты’’, мяд’ мюй тавдая ӈэсеты. Тэхэт товы тыбэртям’ ядабтась тара, ӈаворида тыртась. Сыра’ мэта ембдяр’’ сэдась ӈани’’ ёльць тара.
Сэдорась сими’ вэсакон’ небя’ Мария Васильевна тохолабись, тикым’ саць сававна тенев’’. Пыда мел’’ несь, хуркари’’ манзаяхана са’’ӈась, мел’’мана сэдоранась. Паской пиви’’ сэдабасеты, илеванда’ ямбан’ ӈока хибярим’ емб’’ӈась. Хасава нюда’’ паской, иба, сомбой ембдяр’’ мэць вадыць.
Ӈока паным’ сэдась, пуданда хаювы паныда тамна сава’’. Пиви’’, тобак’’, липт, ӈоба’’ паркась, сэдась теневавав’’, пыда урокда. Наметда хаиць, тикамна мань теда’ сэдорадм’. Хар’’н небями’ ӈод’’ Ирина Михайловна Выучейской ӈока саван’ сими’ тохолась. Теда’ Краснойхана иле, сими’ нядабасеты.
Хойхана илесь, ӈацекы’’ нядаӈгось нюдякоходандо’ табедабась тара, тикахана хусувэй манзаям’ теневаӈгу. Хойхана илесь сейда ни’’ пинӈгу, харваӈгу.
Теда’ сян’ ялякоця маркана мэдамзь, тоходанаваць. Хойцям’ сэдбиваць, ним’ паӈгалпась тоходанаваць. Ной’ паныдув нертеймэвна сэдбидамзь, ихинян’ сава, паской паныдами’ хар’’н сэдадамзь. Тарця тохолкова’’ ӈарка сер’’, хойхана манзарана нехэна саць тара.
Ӈарка ӈацекы’’ тарем’ тохолабась ӈани’’ сава ӈэӈгусь. Ӈацекы’’ сэдорась, лэвна, пявна маторась тохобнандо’ – тара нив’’. Илӈгана таравнда сер’’.
Тарця и’ ӈудм’ минресь Дина Алексеевна Талеева иле, хойхана манзара. Тарем’ хасава нюда’’ вадаби’’. Ида’ ни’ няркна’’, тенева нюда’’ школамдо’ ёльцесь нерня’ тоходанаӈгу’’, тикахад хоян’ манзараванзь тута’’. Нисяндо’, небяндо’ серм’ нерня минреӈгудо’.
Перевод на русский язык
Моя тропинка в тундре
У Дины Алексеевны Талеевой свои тропинки в родной тундре. Здесь она родилась, здесь её дом, работа, здесь они с мужем воспитывают троих сыновей.
С Диной Талеевой, чумработницей колхоза «Харп», я познакомилась сравнительно недавно. Вот что она рассказала о жизни в тундре.
…Семья у нас была большая. Живём в Красном. Сестра уехала в Америку. Училась в пединституте имени Герцена. Познакомилась с будущим мужем в Петербурге, он учился в медицинском университете. Сейчас зять уже доктор медицинских наук. Живут в США, сестра работает преподавателем русского языка. Общаемся в соцсетях. У них два сына, старшему 16 лет, а младшему три года. Хотелось бы съездить в Америку, к сестре, но пугает дальняя дорога.
Муж, Алексей Александрович Талеев, оленевод. Работает в тундре давно, как со службы вернулся. Сначала с родителями кочевал, помогал им, потом начал работать самостоятельно.
Олени достались от родителей, кому-то надо же продолжать дело отца и матери. Чум, сани ездовые, утварь – всё папе передали. Даже родовые обереги хранятся в нашем чуме.
Когда я вышла замуж, бабушка всё мне показала и рассказала, как обращаться с ними и как хранить. Обереги помогают нашей семье. Знать это очень важно.
Семьёй кочуем в тундре, у нас три сына. Старший скоро в армию пойдёт. Средний – семиклассник, младший учится в шестом классе.
Дети всё лето проводят в тундре, помогают мне и отцу – дрова готовят, ходят за водой, с отцом в стадо, сетки ставят, мастерят что-нибудь. После летних каникул с трудом уезжают в посёлок, хотят быть рядом с нами, скучают. Но понимают, что учиться надо и делают это с удовольствием.
Я три года отучилась на ветеринара в техникуме, а потом уехала в тундру. Можно сказать, сбежала. Замуж вышла за оленевода и всё бросила. Тундра перетянула. Знания мне очень пригодились в работе. Скучать не приходится. После забоя особенно много дел: камусы надо прибрать, высушить, обработать. Сварить, постирать, порядок в чуме навести.
Шить научила меня свекровь, Мария Васильевна. Её уже нет среди нас, но уроки помню до сих пор. И очень благодарна ей. Она была мастерицей, прекрасно справлялась с любой работой, шила красивые пимы, тобаки, липты, рукавицы. Сыновья ходили в красивой, добротной одежде. А паницы какие она шила! Загляденье! Выкройки оставила. Малицы, бурки, тапки теперь тоже умею шить. Ирина Михайловна Выучейская, моя мама, тоже много чему меня научила.
Детей надо учить всему, что сам знаешь, и тогда спокойно можно жить и работать в тундре. Без меховой одежды у нас никак нельзя. Олений мех самый тёплый.
Недавно была на учёбе в Нарьян-Маре. Мы шили летнюю паницу, она тоже нужна в тундре. Тёплая, комфортная, красивая. Впервые её шила. Первый опыт, навыки получила здесь, на мастер-классах, дальше буду шить в тундре.
Плести из бисера научились. Полученные знания пригодятся в дальнейшей жизни. Теперь буду знать, как шьётся суконная паница, как плетутся пояса, как из бисера изготавливаются поделки. Как всё можно оформить, цвета подобрать.
Учёба очень полезная и своевременная. Потом старшеклассников можно учить шитью, резьбе по дереву, кости. В жизни всё пригодится, жителю тундры особенно надо всё это знать и уметь.
