Индига’ ӈэсы школахана ӈахы’’ похот’’ луца’ вадавна хэтанзь – туризм’ няби краеведческой манзаи’’ минре’’.
Ӈацекы’’ хари’’ ямдо’ тохолабидо, хусувэй по’ турслётхана мэсеты’’, явнандо’ ядэрцеты’’, экскурсиидо танесеты’’.
Тюку по’ школандо юр’’ похона сава юн’ намдаць!
Школахана география’ предмет минрена тохолкодадо Юлия Барамохина «Тропами Северного Тимана» проект’ Всероссийской конкурсхана «Среда возможностей 2026» нерня’ тарпвы, тикы’ ед’’ Геннадий Тимченко благотворительной фондхад грант ня’’амгу. Тикы проект’ тоходанава’’ по’ ямбан минреӈгудо.
Индига’ ӈэсыхы школахана 2026-2027 тоходанава’’ по’ ямбан туристско-краеведческой манзаи’’ хамадабӈгу’’, ӈацекы’’ няюв манзараӈгу’’.
Тарця проектмана нерня’ 5- 9 классхана тоходанана’’ ӈацекы’’, тохолкода’’ манзаранда’’, ӈацекы’’ небя’’, нися’’ нядаӈгода’’.
«Тропами Северного Тимана» ӈарка проект’, сян’ тэнз’’ мероприятие’’ таневнда’’, «Юный турист» занятияхана ӈацекы’’ тохолабгу’’, ӈопой ялян’, сян’ ялян походха’ ядэрта’’, таняна нянандо’ тарана манзаи’’ сертабаӈгу’’, начальной школахана тоходанана’’ е’’эмня туризм’ нямна мастер-класс’’ таневнда’’, тикы поӈгана проектно-исследовательской манзаи’’ сертабаӈгу’’, тикахад научно-практической конференциям’ хамадаӈгу’’.
Несэй проектмана ӈацекы’’ няюв манзарава’’ пландо’ ӈарка’’, проект’ манзаи’’ минревнда’’ ена’’, тарця серкана Индига’ ӈэсы тер’’ сиддо’ нядабаӈгу’’, ӈобнзер’ манзараӈгу’’.
Тикахад тамна, «Краеведение» кружокхана пили’’ мэна’’ ӈацекы’’ Няръяна март’ тэворта’’. Ӈацекы’’ тохолкодандо’ няюв экскурсияха’ ядэрта’’, музейхана мэӈгу’’, маркана танеда выставка’’ манэ’’та’’. Хари’’ яна’’ историям’ тамна саваркавна торомдаӈгудо.
Фонд Тимченко – Россиянана’’ ӈарка мяд’ тер’’ благотворительной фонд’, 2010 поход манзаямда минреда. Фонд’ хусувэй по’ тарця хибяри’’ нядамби, хибя харто’ яханандо ӈацекы’’ сававна вадюданава’’, нерня’ мима’’ е’’эмня ӈарка манзаи’’ cертаби’’. Сидя направлениеда’ – «Забота в ближайшем окружении» и «Развитие детей и подростков».
Перевод на русский язык
Тропами Северного Тимана
В школе посёлка Индига со дня её основания хранят традиции краеведения и туризма.
Ежегодные турслёты, походы и экскурсии – неотъемлемая часть жизни учеников. В год своего 100-летнего юбилея школа получила замечательный подарок: авторский проект учителя географии Юлии Барамохиной «Тропами Северного Тимана» стал победителем Всероссийского конкурса «Среда возможностей 2026».
Инициатива будет поддержана грантом благотворительного фонда Геннадия Тимченко в размере 892 000 рублей.
Проект направлен на развитие туристско-краеведческой деятельности учащихся в 2026/27 учебном году. К его реализации присоединятся ученики 5–9-х классов, педагоги школы, активная родительская общественность и жители посёлка.
Программа проекта насыщена разнообразными событиями: цикл обучающих занятий «Юный турист», однодневные и многодневные походы с полевой практикой, мастер-классы по туризму для учеников начальной школы, а также участникам предстоит заняться проектно-исследовательской работой и выступить на научно-практической конференции.
Главным поощрением для активных участников кружка «Краеведение» станет выездное мероприятие в окружную столицу. Ребята со своими наставниками побывают на экскурсиях, посетят музеи и выставки города Нарьян-Мара, познакомятся с историей нашего региона.
Этот проект полностью отвечает задачам, поставленным президентом России по развитию внутреннего и детского туризма, делая образование живым, практичным и увлекательным.
Справка «НВ»
Фонд Тимченко – один из крупнейших благотворительных семейных фондов России, который работает с 2010 года.
Фонд ежегодно поддерживает инициативы активных, неравнодушных людей, направленные на развитие и поддержку детей, проживающих на малых территориях,
по двум направлениям – «Забота в ближайшем окружении» и «Развитие детей и подростков».
