Нельмин’ ӈэсыхына илена, сава теневана’’ нява’’ Александра Григорьевна Лаптандер тюку ирий’ сидя юдимдей толыркана си’’ив ю’’ помда ядабтась.

Пыда илеванда’ ямбан харта со’’явы яхананда культурахана манзарась, теда’ ӈод’’ тараванда ёльцяӈгана нида’’ манзаяхана нядабида.

Александра Григорьевна ӈока по’’ ямбан минревы манзаянда’ нямна тарем’ лахана: культурахана манзарава’’ хэбидя яля’ хамадамбава, сё’’ мэ’’ма, тарава’’, ныланава сер’’ хамадабари’ ни’’ӈа, тикы тамна тохолкова сер’’, вадюданана’’ ӈацекы’’ няюв манзарава’’. Ненсянда’ ӈод’’ тарця.

Ӈока по’’ тяхана Александра Григорьевна, тандая тоходанавамда ёльцевы пирибцяко, культурахана манзаравнда специалист, манзаяханда тэвыць.

Паской, нямбара, я’’авлада пирибтяко, ивнанда’ ӈэда манзаям’ тэравысь. Хибя’’ тенева, харвабнанда нюдякоходанда тарця манзая’ нямна ида ядэрмакы. Ӈацекы ӈэванда мальӈгана мале’ сё’’ мэцеты, стих’’ толабасеты, тарасеты. Школахана тоходанавамда ёльце’’махаданда я’’авлада не ӈацекы Архангельск’ март’’ ӈэдалавыць, таняна нерня’ тоходанавамда культпросветучилище’ дирижёрско-хоровой отделениехэ’’на минредась. Таняна тоходанава’’ пода’ мер’’ ваерана то’’олхаць. Тохолковамда ёльце’’махад хари’’ соявы яханда манзараванзь тэвыць.

Манзаямда’ мэнена

Харта яханда то’’омахадана, 1974 похона манзара пядась. Сидндтет яӈганя пота’ некоцям’ Ненэцие’ окрисполком отдел культуры агиткультбригадан’ манзараванзь тасладонзь, таня методистӈэ’ товысь. Харвась манзара пядась. Концертной программа’’ хамадабись, округна’’ ӈэсыхы’’, тыбэрта’ няюв хоян’ тэворцеты, сё’’ мэ’’манзь ёртяха’ ӈэдалёрцеты. Хари’’ яхананда манзаидо’ минрена хибяри’’ е’’эмня концерт’ хамадабсеты’’. Мат’’ по’’ ямбан тарем’ манзарась, тикахад Нельмин’ Салян манзараванзь хаясь. Культура’ хардандо ервотаӈэ’ сян’ по’’ ямбан тарась. Ӈарка манзая! Тарця манзаям’ пирдаледась, сававна манзарась. Александра Григорьевна то’’олха хибяри’ нямна масеты: ханяна соясь, таняна таралъй! Ненсянда’ ӈод’’ тарця.

Маймбцом’ тэврамби, илм’ савумдаби

Ӈока по’’ ямбан Александра Григорьевна ивъер’ культурахана манзарась, ненэцие’ культурава’’ нерня’ танева, лэтрамбава, вадюданава е’’эмня ӈока теневанамда, ныхымда мэнена, таневана манзаяханда масибтевы.

«Маймбава» ансамбльхана нертей яляхад тарась, хыно’’ӈась, ӈока концертсавэй’ явнана’’ ӈэдалёрцеты, Ненэцие’ автономной округва’’, ненэцие’ культурава’’ манэ’’лабтабась ӈока региональной, всероссийской, международной фестивальха’ тэворцеты, поӈгнандо’ «Аргиш надежды», «Жемчужина Севера» фестиваль’, округна’’ ӈэсыхы’’на’’ илена’’ нина’’ сею’’ маймбтембасеты.

Культура’ манзаяхана манзаравы нява’’ сававна манзараванда’ тэри’’ тарем’ нись ваера, Александра Григорьевна благодарностяда’, наградыда’ тянё ни’’ӈа. Хари’’ яна’ грамотыда тане, региональной, государственной наградыда тане’. Манзараванда мальӈгана ӈока ихид’ минда вади’’ намдурцеты. Пыда манзаравамда’ янда’ тер’’ нидо’ тенедо, нянда ӈарка вадам’ мэцеты’’.

Ӈэсыхына манзарава’’ ӈарка сер’’, сибиць ни’’ӈа. Ныхыта хибяри тарем’ манзарась мян’’ӈада. Пыдо’ манзаядо’ сэвхана нинарха’ ӈадю’’, тарем’ хэтась – ӈарка сер’’. Тарця хибяри’’ яӈговы’’ ӈэбнандо ӈэсыхына илева’’ тарця нись’ ӈэӈгу. Александра Григорьевна – харта ямда мэнена не, манзаямда теневана, харта нита’’ е’’эмня манзарана. Нита’’ илм’ маймбтембада, нита’’ сею’’ ядимдамбада. Тарця хибяри хэвхана танева’’, илм’ паскояркаӈэ сертабида.

Александра Григорьевнан’ сояма яляхананда ӈарка вадам’ хэтбива’’, тад’ нерня минаць миӈая, маймбась илея, ябдая, сенз’ ӈэя! Хусувэй товы ялямда’ сава ихина ядабтамбая.

Соя’’ма яляхананда

Тюку ирий’ 20 толыркана Александра Григорьевна соя’’ма яляхананда сямянд нерде’ ихид минда’’ вади’’ Малоземельской сельской совет’ манзаранахат’ намдась. Пыдо’ маць.

– Александра Григорьевна Лаптандер – маня’’ ӈэсына тер’’, мал’ илевада Нельминхана миӈа. Пыда НАО’ ветеран труда, ӈока по’’ ямбан культурахана манзаравы, ДК’ директорӈэ’ тарась, методистӈэ манзарась, музей манзаям’ теневана. Тикы’ хавна счетовод- кассирӈэ тарась, сельской советхана специалистӈэ манзаравада тане. Хусувэй манзаян’ ивъер’ сырта хибяри. Ӈока по’’ ямбан «Маймбава» ансамбльхана тарась, тены похо’’на ӈод’’ таняна хыноцеты. Культурана манзарана’’ нида’’ серкана нядабасетыда, ветеран’’ сахарамбада. Тарця хибяри’ хэвхана иба, сава, маймбцо. – тарця вади’’ Александра Григорьевна нямна сельской совет’ ӈэвахана мэна Николай Марюев хэтась.

Соя’’ма яляхананда Александра Григорьевна ӈока сейхана мэё вади’’ намдась, Саля’ тер’’ нида’’ нямдо сахарамбидо, ӈарка вадам хэтамби’’.

Перевод на русский язык

Хранитель традиций и вдохновитель идей

Уроженка посёлка Нельмина Носа Александра Григорьевна Лаптандер отметила 70-летний юбилей.

Героиня нашего материала полвека посвятила искусству и просвещению.

Александра Григорьевна о своей профессии говорит так: это не только праздники, песни, танцы и развлекательные мероприятия, но ещё и воспитание подрастающего поколения. С этим трудно спорить.

Много лет назад она, молодой специалист, пришла работать в культуру. Красивая, артистичная, лёгкая на подъём девушка, наверное, всегда мечтала о профессии культработника. С детства любила петь, читать стихи, танцевать. После окончания школы шустрая девчонка уехала в Архангельск и поступила в культпросветучилище на дирижёрско-хоровое отделение. После учёбы вернулась в родной округ.

Она – профессии верна

Трудовая деятельность Александры Лаптандер началась в 1974 году с должности методиста агиткультбригады при отделе культуры Ненецкого окрисполкома. Наша героиня готовила концертные программы, выезжала с агитационной миссией в посёлки к оленеводам в стойбища и на рыбоучастки: земляков радовали душевные концерты. Через шесть лет её перевели на должность директора Дома культуры родного посёлка. Работа ответственная! И она справилась. О таких людях, как Александра Григорьевна, говорят: где родился, там и пригодился!

Делают мир лучше и ярче

Александра Григорьевна уделяет особое внимание сохранению, развитию и пропаганде самобытного национального ненецкого искусства.

В составе ансамбля «Маймбава» она участвует в выездных концертах, представляла НАО и ненецкую культуру на многих региональных, всероссийских и международных фестивалях, таких как «Аргиш надежды», «Жемчужина Севера», на праздничных мероприятиях в посёлке.

За большие достижения Александра Лаптандер неоднократно получала благодарности и награды. Её труд отмечен не только на местном, но и на региональном и государственном уровне, что свидетельствует о высоком признании её деятельности.

Работники села – настоящие герои нашего времени. Их труд незаметен на первый взгляд, но без них наша культурная жизнь была бы беднее. Александра Григорьевна – яркий пример того, как любовь к своему делу и преданность родному краю делают мир вокруг нас лучше и ярче.

Мы искренне благодарим юбиляра за неоценимый вклад в культурную жизнь нашего региона и желаем ей дальнейших успехов, вдохновения в благородном труде.

С юбилеем!

Первыми чествовали землячку работники Малоземельского сельсовета.

– Александра Григорьевна – ветеран труда НАО, много лет отработала в культуре, была директором ДК, методистом, заведовала местным музеем. Успела поработать счетоводом-кассиром, специалистом в администрации сельсовета. Любую работу выполняла со знанием дела и всегда на совесть. Она – гордость нашего края. От таких людей исходит добро, рядом с ними тепло и комфортно. Её жизненный опыт бесценен, мудрость вызывает восхищение, её душевная красота украшает наш мир, – рассказал глава сельского поселения Николай Марюев.

И всегда рядом единомышленники, работники культуры посёлка, сотрудники филиала ЭКЦ НАО Нельмина Носа:

– Александра Григорьевна не только прекрасная коллега, это человек, который всегда несёт радость и заряжает талантом и энергией. Преданная своей профессии, талантливая, энергичная, душевная. Вложила много сил и знаний в развитие культуры и искусства нашего края.  Нам повезло с Александрой Григорьевной, от души поздравляем с юбилеем! Пусть ваша жизнь будет наполнена счастьем, здоровьем, благополучием.

Желаем крепкого здоровья, неиссякаемой энергии и новых ярких моментов. Пусть каждый день приносит радость и удовлетворение от достигнутого, а мечты и планы всегда воплощаются в реальность.