Вы здесь

Ихина сомбой ма’’люрма

Ваеравы си’’ивхана Няръяна март’ округханана’’ семейно-родовой общинаха’’на’’ манзарана’’ хибяри’’ ма’’люрӈаць, пыдо’ е’’эмняндо региональной правовой семинар’ ваерась.

Тоходанавандо’ пудана яляхана хойхана манзарана’’ ненэця’’ е’’эмня «Илебц» театрхана сянакодина’’ едэй манзаямдо’ манэ’’лабтаць.
«Енабт’’ма соява» музыкальной спектакль’. Театрхана сянакода’’ нина’’ невхы хынабц’’ мэ’’ӈаць, хой’ тер’’ ненэця’’ тены’’ похо’’на’’ ӈадимы сё’’ намдаць, ханяӈы’’ не’’ харто’ падвы сёдо’ мэ’’ӈаць.
Тены яля’’ ӈэсонд тэвравы’’невхы сё’’ саць тянё. Ярабц’, сюдбабц’ теневанина’’ ханяна танедакы, харвабнанда округна’’ ӈэсыхы’’на’’ илена’’ ненэця’’ поӈгана тарця хибяри’’ тамна танедакы, хойхана мюсерта’’ поӈгана иленакы. Тарця хибяри’’ пюрць тара’’, пыдо’ нядандо’ иринато’, хадунато’ тэвравы’’ сё’’ падась. Тарця серм’ хойхана мюсерта’’ ненэця’’ театрхана сянакода’’ нито’ ня лаханакурмандо’ мальӈгана тасладонзь.
– Небяв’ сём’ мэнена несь, – тарця вади’’ Нина Баркулёва хэтась, – Тенебнан’ пили’’ сёкоцяда сосеты. Невхы похо’’на’’ илевы’’ нина’’ ярабц, сюдбабц теневанаць. Теда невхы похот’ тэвравы’’ сё’’, лаханако’’ теневана’’ хибярина’’ ханяна танедакы, янамбовна невхы сё’’ юрвы’’ ӈэӈгу’’.
– Маня’’хойхана илева’’, хар’’на’’ манзаява’’ пэрӈава’’. Сибиць ни’’ӈа’’, тарем’ ӈод’’ нерняри’’ пэрӈава’’. Ервуна’’ нядаӈгу’’, грантма’’на манзарава’’. Теда тоходанавась турӈаваць, ӈока таранам’ намдаваць, – тарем’ Ольга Явтысая лаханась, «Вы’ ту» семейно-родовой общинам’ ня’’амбада не. - Теда ненэцие’’ театрхана сянакода’’ нина’’ манзаям’ манэ’’ӈаваць. Нина’’ пэдова’’. Ихинян’ ёльце сава, вадава’’ намдава’’, нина’’ манэ’’ӈава’’. Маркана илена’’ ненэця’’ тарана манзаям’ пэрӈа’’, ненэцие’’ вадавна лахана’’, культурава’’ тю’’у пэрӈа’’, традиции’’ лэтамби’’. Маня’’ мякана’’ хантава’’, «Илебц» театрава’’ яханана’’ ӈатеӈгува’’.


Перевод на русский язык

Встреча с театром

На прошлой неделе в Нарьян-Маре прошёл региональный правовой семинар, в котором участвовали представители семейно-родовых общин округа.

Завершающим творческим аккордом мероприятия стала встреча с артистами ненецкого театра «Илебц», которые представили новую работу – музыкальный спектакль «Енабт’’ма соява» («Рождение надежды»).
Зрители услышали старинные, а также стилизованные и авторские эстрадные ненецкие песни. Участники семинара поддержали идею артистов сохранять для нынешнего и будущего поколений живые образцы фольклора, устного народного творчества. Одно из предложений, озвученных на встрече, – записывать носителей фольклора, проживающих в национальных посёлках и кочующих по тундровым просторам нашего края.
– Моя мама любила петь, – поделилась воспоминаниями на встрече Нина Баркулёва. – Голос у неё был красивый и мелодичный. В те годы много знали старинных песен, которые передавались из поколения в поколение. К сожалению, многое теперь потеряно. Можно сказать, что практически не осталось настоящих древних легенд, сказок.
– Наше семейное дело, конечно, нелёгкое. Помощь от властей есть. Получаем грантовую поддержку. На семинаре получили ответы на многие вопросы, – подчеркнула хозяйка семейно-родовой общины «Вы’ ту» Ольга Явтысая. – Посмотрели выступление театра «Илебц», артисты – молодцы, порадовали, замечательно сыграли. И язык свой услышали со сцены. Радует, что городские ненцы стараются его сохранить, показывают со сцены, насколько он красив, продвигают культуру и традиции. Мы будем ждать артистов в тундре, надеемся, что следующая встреча произойдёт в одной из общин малой земли.