Тыбэрта яля – хойхана мюсерта’’ хибярихи’’на’’ сямянхат ӈарка яля. Маня’’ округханана’’ хусувэй по’ 1932 поход мэцетыва’’.
Похонанда ӈопой яля сяха’ тыбэрма серкана манзарана’’, хойхана мюсерта’’ нина’’ хусувэй яля’’ ямбан минрена’’ манзаяхататто’ ныланась мянӈа’’.
Тарця ялян’ маймбасеты’’. Ӈани’’ ӈэсыхына тэхэ’’на’’ мэна нидо’, перенидо’ ядабтаӈгу’’, ервуто’ няюв тарана серудо’ таслаӈгу’’.
Хаювы по’ ямбан ханзер’’ манзаравамдо’ намдгу’’, хоян’ тэвравы юн’’ вадета’’, нерня’ манзаравамдо’ таслаӈгу’’.
Маня’’ округханана’’ Тыбэрта яляха’ хамяку’’.
Ваеравы’’ яля’ пиркана НАО’ природных ресурсов, экологии, агропромышленной комплекс’ департаментхана хойхана мюсерта’’ хибяри’’ сямянд’ ӈарка ялян’ хамякова’’ нямна организационной комитет нертей ма’’лёва ваерась.
Оргкомитетхана манзарана’’ хэбидя яляха’’на’’ таневнда серу’’ манэ’’сарӈаць, тарана сметам’ таслаць; ваде’’ӈадонзь сяха’, ханя тирта’ ӈано’’ тиӈгуд’’.
Хэтась тара, маня’’ яхана 2023 поход тэхэ’’на’’ манзарана’’ нина’’ ӈарка ялям’ – Тыбэрта яляӈэ’ нюмдембива, тикы нерде – Ты ялясь.
Тюку по’, невхы по’’ тотрев, СПК «Харп», «Ерв» тыбэрта’’, хойхана мюсерта’’ хибяри’’ ӈарка ялямдо’ мэ’’манзь Краснойхана пилю’’ ирий’ нябимдей толыркана ма’’лаӈгуд. Ӈэсыхына илена’’ нито’ няюв ӈобкана хэбидя ялямдо мэтадо.
Тарем’ яханана’’ Тыбэрта ялям’ тюку по’ неняӈг’’ ирий 21 яляхад пилю’’ ирий самлязимдей толыр’’ ӈэсонд мэтава’’. Ӈарка я’, Нюдя я’, Канин’,Тиман’ хойхана мюсерта’’, тэхэ’’на’’ манзарана’’ нина’’ ӈарка ялям’ мэ’’мась ёльцядо танеӈгу.
Те’ ёльцяӈгана тыбэрта’’ мюсерма ян’ тирта’’ ӈано’’ тэворта’’, ӈарка ялян’ товнда’’ мядонда’’ тута’’, хойхана тарана ӈавори’’, ӈавар’’, мядонзэй’’ тэвраӈгу’’.
Тыбэрта яля ваерава е’’эмня тюку по’ округва’’ есяхана нядабада ООО «Лукойл-Пермь», округна’’ администрация’ няюв таславэдо.
Перевод на русский язык
Скоро праздник
В НАО началась подготовка к празднованию Дня оленевода.
В эти дни в департаменте природных ресурсов, экологии и агропромышленного комплекса НАО прошло первое заседание организационного комитета по подготовке главного праздника тружеников тундры.
Члены оргкомитета обсудили организационные моменты, утвердили смету расходов и предварительный график полётов к местам празднования в тундру.
Все мероприятия планируется провести с 21 июля по 5 августа, День оленевода отметят в оленеводческих хозяйствах и бригадах Большеземельской, Малоземельской, Канинской и Тиманской тундр.
В места кочевий оленеводов будет организовано 14 вылетов для доставки гостей праздника, необходимых грузов, продуктов и подарков.
День оленевода пройдёт при финансовой поддержке ООО «Лукойл-Пермь» в рамках соглашения о взаимодействии с администрацией Ненецкого автономного округа в области социально-экономического развития региона.
День оленевода – главный праздник тружеников тундры. Отмечается в округе ежегодно с 1932 года.
Это единственный день в году, когда труженики оленеводческой отрасли могут позволить себе отдохнуть от повседневных трудовых будней, повстречаться с коллегами и близкими, пообщаться с руководителями отрасли.
Во время праздника также подведут итоги трудовой деятельности за прошедший период, обсудят новости, наметят планы на перспективу.
Напомним, в регионе с 2023 года профессиональному празднику тундровиков вернули прежнее название – День оленевода. Как и в прошлые годы, 2 августа отметят свой день труженики оленеводческой отрасли СПК «Харп» и «Ерв». Традиционно на праздник соберутся и жители посёлка Красное.
