Ты’’ ниць’ ирий 27 толыркана толаӈгова харад’ хэбидя ялям’ мэ’’ӈаваць.

Тюку яля’ падвы вадини’ Надежда Николаевна Талеева нямна ӈэвнда’’, пыда округна’’ толаӈгова харад’ ӈэрм’ отделкана манзара. Маркана илена’’ хибяри’’ сававна теневадо.

Ямалкана соявы некоця, ябдава’ ӈацекы ӈэвы пода’ Ямало -Ненецкой округ’ Яр Саля’ ӈэсыхына ваераць. Таняна школамда ёльцевы, тикахад Саляхардахана культпросветучилищехэна тоходанась.

– Тохолковами’ ёльце харвабтавась, нерняри’ ӈэван’ харвасетыдм’, хуркари’’ мероприятияха’ тэворцетыдм’, минрена сер’’ми’ ӈока ӈэсеты. Тохолкова’ мякнана’’ комсоргӈэ’ сими тэраць. Сававна тоходанаваць. Тикы’ хавна концерт’’, сян’ тэнз конкурс’’ сертабасетыва’’, ӈобкана спектакльха’’на’’ сянакосетыва’’, вадина’’ тохолабсетыва’’, стих’’ вадецетыва’’. Сава ёльцяӈгана тоходанаваць, нерняри’ ӈэван’ харвасетыва’’. Тоходанава’’ пони’ мер’ ваераць, теда етри’ ихини’ ха’’мурцетыд – тарця вади’’ Надежда Николаевна хэтась.

Тохолковамда ёльце’’махад, нерняри’ ӈэвнда пирибтям’ тохолкодида’ Саляхардахана хаедонзь, училищехэна комсомольской организация манзаям’ пэрӈась.

Нись’ пон манзарась, лэркабт’ мяканда хэсь тарал’’выць, тарем’ Яр Салян тэвыць. Райком комсомола манзарана’’ нямдо’ теневадось, манзаян’ мэдось. Таняна манзараванда’ сер’’ ямда ӈока сюртедась, ӈэсыхы’ ядэрцеты, хойхана мэсеты, ёртяха’ тэворцеты. Ихинанда’ Варандей ӈэсын’ тэворма’’ харвабцомда лэтбись, Баренцов’ яв’ варувна ядэрмам’ тэводась.

Ӈоб’’ пиркана, ёльцеда тэвы. Ябанда’ сер’’ Невхы Варандей ӈэсын’ товысь.

– Ненэцие’ округан нертеймэвна 1985 похона тодамзь, сими’ теневана нями’ ӈатесь. Мале’ понку, нини’’ нись’ манэць, теневынись. Саляхардахана тоходанавани’ мальӈгана няхани’ паднасетыни’. Пыда Варандей’ тер’’, Егор Вылка – вадамда нерня’ Надежда Николаевна минреда. – Нини’ торомдась, сид’’ни’ нядавы не’ няда, пыда’ няюв ӈобкана тоходананись. Ӈока письмом’ падвэни’, сими’ мядоманзь ханзеты. Ӈоб’’ пиркана отпусками’ ханась, Варандеян’ хаядм’, Баренцев’ яв’ варан тэвыв’.

Теневана хасавако’ нямда самолёт’ хэвхана ядабтадась, ниди’ манэць сейкути’ мун’ намдна’’ то’’олхась’… Ябди’ ӈэвам – ӈобнзер’ хамедами’!

Надеждамда’ торомдава е’’эмня, небянда, нисянда мят тэврадась. Сомбой, сядатако, нямбара некоця’ мэёвна перенита’’ ивня’ хаясь. Тикы пуд’’ Надежда мяканда ӈэдалэяць.

1989 похона Варандеян’ ӈани’’ тэвыць, хаюпа хаясь, мята’ тер’’ ӈадимя, не нюда’’ сояць. Пили’’ манзаядо’ танесь, ябда нидо’ нядабась илець, ӈацекы’’ вадюданаць.

1992 по’ яра’ ирийхана вэсакода’ Егор Алексеевич Вылка лэркабт’ яӈгума, мяд’ тер’’ саӈговота похо’ тэвыдаць, ханзерков нерня’ илесь тарась. Надежда лакамбой небянда’ мят хаясь, таняна сян’ мэвакы…

Няхар’’ по’’ ваерась, Варандеян’ товысь, сава нядаӈгодаӈэ’ вэсаконда небя, нися хаяханзь. Тарем’, по’’ ваераць.

2000 похона Варандей’ ӈэсым таладонзь, таняна илевы’’ хибяри’’ Няръяна март’ илеванзь’ тэврэйдонзь. Те’ ёльцянд тюкохона иле’’.

Няръяна маркана Надежда Николаевна толаӈгова хардан’ манзаравась тось. Тюку’ ялян хэтась, мале пон’ харвабтана серм’ пэрӈа, пудана 13 по’ ӈэрм’ отделкана манзара, сяхаӈгова тохолавы манзаямда’ сававна минрена, книжной фонд’ теневана. Хусувэй толаӈго’ хардан турта хибярим’ сава ихина ядабтабсетыда, сейхана лимбяка вадам’ хэтасеты, тарана серкана нядаӈгосеты.

– Тюкохона сидяӈэ’ манзаями минрени’. Ӈарка хибяри’’, ӈацекы’’ няюв манзарани’, мероприятия’’ ӈока’’ ӈэсеты’’, ӈэрм’ тэнз ненэця’’ е’’эмня клубва’’ тане, ма’’люрцетыва’’. Тюкон’ турӈада’’, сидда’ ӈатева’’ – Надежда Николаевна мась.

Перевод на русский язык

Сразу поняли – это судьба

Героиню этого материала знают многие жители нашего города. Надежда Николаевна Талеева – старший библиотекарь отдела Севера ненецкой центральной библиотеки имени А. И. Пичкова.

Она родилась на Ямале, годы счастливого детства прошли в посёлке Яр Сале. Там окончила среднюю школу, затем последовали яркие годы учёбы в Салехардском культпросветучилище.

– Очень нравилось учиться, была отличницей, принимала участие во всех мероприятиях, в общественной работе, была комсоргом. Жизнь кипела. Тогда в училище готовили клубных работников, я и там успевала. Студенты проводили различные мероприятия, концерты, конкурсы. Мы ставили спектакли, учили роли, читали стихи. Работы было много, хорошее время: беззаботное, интересное, активное. Часто вспоминаю годы студенчества, – поделилась Надежда.

Активистку учёбы уговорили остаться в Салехарде и поработать секретарём комсомольской организации, предложив ставку лаборанта. Надежда согласилась.

Спустя время по семейным обстоятельствам девушка вернулась в родной посёлок. В райкоме комсомола её хорошо знали и приняли на работу. Молодая инструктор райкома побывала во многих посёлках района, посещала стойбища оленеводов, рыбоучастки. И всегда мечтала увидеть Варандей, погулять по берегу Баренцева моря.

И это время наступило.

– В Ненецкий округ, в Старый Варандей, я впервые приехала в 1985 году, к молодому человеку. Во время учёбы подруга заочно познакомила меня со своим братом – Егором Вылкой. Долгие годы мы переписывались, он приглашал в гости, звал побывать в соседнем Ямалу округе, – продолжила рассказ Надежда Николаевна. – Однажды приняла решение и отправилась в отпуск не на юг, как все это делали, а на Баренцево море.

Молодой человек встретил девушку у трапа самолёта, лишь только увиделись, оба поняли – это судьба! Егор познакомил Надю с родителями. Скромная, красивая, лёгкая в общении девчонка сразу пришлась им по душе.

Надежде пришлось вернуться на родину, поработать там. Не сразу земляки, коллеги смогли попрощаться с талантливой, перспективной землячкой.

В январе 1989 года переехала в Варандей, молодые создали семью, родились две дочери. Всегда были в труде, жили счастливо и дружно, но… судьба им отмерила немного.

В феврале 1992 года Егор Алексеевич Вылка ушёл из жизни. Наступили трудные времена, тогда Надежда была в отпуске по уходу за младшей доченькой. Съездила на малую родину, рядом с мамой, братом пережила горе…

Через три года вернулась благодаря родителям мужа. Они стали невестке опорой и надёжным тылом.

С годами море из-за обрушений берега стало угрозой для жителей Варандея. Тогда власти региона приняли решение – переселить варандейцев в столицу округа. Предложили жильё, частично – работу, так жители тундрового посёлка в 2000 году оказались в Нарьян-Маре.

Здесь Надежда Николаевна по специальности устроилась на работу. Профессионал в своём деле более четверти века успешно трудится библиотекарем, из них 13 лет – в отделе Севера. Досконально изучила книжный фонд, со знанием дела помогает посетителям в подборе нужной литературы. Всегда доб­родушна, с улыбкой встретит, вовремя скажет нужное слово и уделит внимание. Преданностью любимому делу, умением располагать к себе давно заслужила авторитет и уважение читателей и коллег.

Трудолюбие, широкая эрудиция, любовь к профессии позволили долгое время работать на одном месте. Она в совершенстве владеет теорией и практикой библиотечного мастерства.

Отдел Севера – настоящий очаг культуры. Всего два сотрудника здесь несут трудовую вахту, создали уют, их отдел стал местом общения для северян. Особое внимание уделяют краеведению, воедино собрали богатый материал, проводят различные мероприятия, встречи с интересными людьми, творческие вечера.

– Много работаем с молодёжью, содействуем духовному возрождению, воспитанию у подрастающего поколения любви к малой родине, к нашей великой стране России. А сколько мероприятий проводим для детей и взрослых, сегодня не счесть. Просто надо прийти в библиотеку и участвовать. – говорит Надежда Николаевна Талеева.

В современных условиях труд библиотекаря, как и в прежние времена, востребован. Люди с желанием читают, ежедневно посещают очаг культуры, а сотрудники окружной библиотеки продолжают благородную, просветительскую миссию.