Тюку ирийхана Нельмин’ Салян этнографической экспедициям’ минрена хибяри’’ ӈэдалёрӈаць.
Тюку’ мэвахана округна’’ ӈэсын’, ханяна ӈокаюв илена’’ хибяри’’, нянэй ненэця’’, НАО’ этнокультурной центрхана ненэцие’ культура манзаи’’ пэрта отделхана манзарана’’ нина’’ тэворӈаць. Тикы ӈэсыхына илена’’ ненэця’’ паӈгудо’ хойхана мюсертахат пере’’, ӈокаювдо’ нянэй мякана вадювы’’, нисянато’, небянато’ хэвхана мюсермы’’, хой’ илм сававна теневана’’. Ӈокаюв’ ненэця’’ тены по’’ ӈэсонд’ харто’ хардахандо хойхад тэвравы’’ ӈаворидо’ – ембдяр’’, мякана мэ’’мы, тыбэрма серкана таравы’’ ӈавори’’ лэтамби’’, иринато’, нисянато’ лаханако’’ тене’’. Тарем’ненэцие’ ил’ мэсым тенехая’’, илевамдо’ мэ’’ӈадо.
Нельмин’ Салян тэвась, Александра Ладыкина, округна’’ ЭКЦ ненэцие’ отдел ервота, Данил Талеев’ Саляхана округна ЭКЦ’ филиалкана манзарана няюв Нюдя яхана илена’’ хибяри’’ лаханакурць ня’’ӈаханзь. Ӈопой лаханась няди’ Мария Выучейской, Ардеев’ тэнз мэта’’ ӈарка мяд’ тер’’ некоця. Нисяда Михаил Трофимович Ардеев, небяда Таисья Акимовна илеванди’ ямбан хойхана мэ’’ӈаханзь, Выучейской’ нювм’ нюбета колхозхана тэхэ’’на’’ манзараӈаханзь. Нюди’’ хойхана вадювы’’, нисянди’, небянди’ няюв нюдякоходандо’ мюсерӈаць, нянэй мякана илевы’’. Сава нядаӈгодаӈэ таравы’’, хой’ ил те’ ёльцянд тенедо. Мария тет’’ яӈга похонанда хойхад ха’’мыць, школанда’ пуд’’ тамна нерня’ тоходанавы. Тарем’ ӈод’’ хойхана илевамдо’ нида юрбю. Маркад товы няхата’ Мария ненэцие’ вадаком’ «Хохорэй мальця» хэтась. Пыда – воспитатель, ӈока по’’ ӈацекы’’ няюв садикхана манзара. Хой’ ил нямна теневанида ӈацекэ’’хэ’’ тэврамбида. Няданда’ пыдо’ хари’’ тэнздо культурам’ тохолаби.
Юрий Апицын « Ты няби писяко» вадаком’ няхата тэврась, тикы невхы вадако, сяхаӈгава хадахаданда’ намдвэдась. Тикы мел’’ хасава тарця семьяна вадювы, ханяна хададо’, нисяда, небяда хынокад’ ӈэвыць, вадако’’ теневана’’. Мякнандо’ пили’’ невхы сё’’ сосеты’’.
Александра Николаевна Выучейской ӈарка не, пыда тамна невхы сё мэцеты, ӈопой невхы ненэцие’ хынабц тюкумэвахана ханавысь. Тамна этноэкспедициям’ мэ’’мы няхаюна’ Талеев’ мят’ тэвормэхэнзь. Григорий, Анастасия – хойхана мюсермэхэнзь, пыди’ тыбэрма сер’’ ветеранха’. Маркад товы ниди’ маймбась ядабтавыдись, хойхана мюсермы, манзаравы поди’ тензебтеӈаханзь, сяхаӈгава хойхад тэвравы’’, тыбэрма’ серкана тарана ӈавориди’ манэ’’лабтабихинзь. Тарця ӈаво’ тикы ихинанди’ пои’’, теда’ невхы илм’ тенена’’ ӈамгэ’ тикы мирета ӈавори’ тотрев лэтбиди.
Екатерина Николаевна Ардеева ЭКЦ’ музеян небяхаданда’ хаювы’’ луца’ вадавна хэтанзь –семейной реликвии ми’’ӈась. Небяда Парасковья Николаевна Марюева хынокад некоцясь, ӈока ярабц, сюдбабц теневанась.
Александра Ладыкина вадавна, сян’ яля’’ манзарава ямбан’ ма’’лавади’ тянё ни’’ӈа’’. Лидия Талеева Анна не нюнда’ ня паӈгудо’ ханяхад перевам’ падарт’ падвэдись, таняна мэкад ӈамгэм’ хова’’ мян. Манэ’’лабтамбиди’’, хурка яхана перенидо’ илевы’’, хибя’’ ӈэвы’’, ханяна мюсермы’’…
Тарем’ Александра Ладыкина, Данил Талеев Саляхана манзаравамди’ мэ’’ӈадись. Нерняна сидди’ ӈарка манзая ӈате. Мал’ тэвравы’’, падвы’’ ӈавориди’ таслась тара’’, падарт падась. Сертавы манзаяди’ округна’’ ЭКЦ’ нематериальной культура фондан’ тэвӈгуд.
Перевод на русский язык
Народное наследие из глубинки
В посёлке Нельмин Нос завершилась этнографическая экспедиция.
Сотрудники отдела ненецкой культуры ЭКЦ НАО посетили национальный посёлок округа. Думаю, этнографы не ошиблись. Именно здесь компактно живут ненцы, потомки тундровиков, которые следуют традициям, истинные хранители культуры и родного языка. Память предков выражается в отношении к традиционному укладу жизни и в передаче знаний от старшего поколения к младшему. Каждая семья помнит свои корни, бережно хранит предметы быта и старины.
Заведующая отделом ненецкой культуры окружного Этнокультурного центра Александра Ладыкина и специалист Данил Талеев встретились с жителями Малоземелья. Пообщались с Марией Выучейской – представительницей большого оленеводческого рода Ардеевых. Её родители – Михаил Трофимович и Таисья Акимовна – всю жизнь трудились в колхозе имени Выучейского, кочевали на протяжении многих лет, пасли оленей на родной земле. Их дети всегда были рядом, жили в чуме, помогали родителям. Мария до 14 лет жила в тундре, до мельчайших деталей помнит быт семьи. От неё специалисты записали ненецкую сказку «Хохорэй мальцяко» («Малица лебедя»). Мария Михайловна с детства слышала эти сказки и сегодня использует их в работе. Она – воспитатель в детском саду. Хранительница традиций делится знаниями с дошкольниками, рассказывает о родной ненецкой культуре.
Юрий Апицын рассказал сказку «Олень да мышка», которую слышал ещё в детстве от бабушки. Вырос в творческой семье: бабушка и родители были талантливыми людьми, знатоками фольклора, рассказывали детям сказки и исполняли песни своего народа.
Настоящим открытием для участников экспедиции стала старинная ненецкая песня, которую исполнила Александра Николаевна Выучейская. Радушно приняла гостей из города семья Талеевых. Григорий и Анастасия – ветераны – с большой теплотой вспоминали тундровую жизнь, показали предметы оленеводства, которые бережно как семейную ценность хранят в своём доме. Екатерина Ардеева передала в музей ЭКЦ семейные реликвии своей мамы, Парасковьи Николаевны Марюевой.
Как отметила руководитель этноэкспедиции Александра Ладыкина, отдельного внимания заслуживает работа по сохранению родовой памяти Лидией Талеевой и её дочерью Анной. Они рассказали о своей родословной – такие сведения помогают восстановить картину расселения, родственных связей и традиционных маршрутных кочевий.
Впереди у сотрудников отдела ненецкой культуры ЭКЦ много работы. Предстоит тщательно перебрать, обработать, зафиксировать, систематизировать и описать экспедиционные находки. Записи, фотографии и описания предметов пополнят Фонд объектов нематериальной культуры ЭКЦ НАО. Собранный этнографический материал станет частью культурного наследия Ненецкого автономного округа.
