Тюку’ по’ваеравы тэранзёвахана округна сян’’ ӈэсыхына илена’’хибярина Советандо’ ӈэвахана мэнадамдо’ тэрабиць. Тарця ӈэсы’’ поӈгана Коткино, Бугрино, Амдерма.

Таня манзаравась несэй хибяри’’ тэравыць. Хибя’’ тикы ӈэсыхы Совет’ манзаям’ нерня минревнда. Холговхана илена’’ хибярина ӈэсындо’ ӈэвахана мэнадамдо’ си’’ив хибярихит’ тэрабиць. Ӈокаювдо’ сёдо’ Анастасия Ледкова е’’эмня ми’’мыдось. Тикы не сян по’’ ямбан таняна манзараӈгу, нянда ӈэсында хибяри’’ ена’’. Амдермахана илена’’ хибяри’’ ӈокаювдо’ ӈэсындо’ нерм’ пэртяӈэ Надежда Ипполитовам’ тэраць. Тикы не тяхакуна манзаравы нямда нердесь. Коткинохона ӈод советандо’ ӈэвахана мэнаӈэ’ несэй хибярим’ тэраць. «Коткинской совет» манзаям’нерня минренаӈэ’ ӈокаюв ӈэсыхына илена’’ Вадим Глухов маниеван’ харваць. Пыда таняна манзараӈгу.

Тад нерня, Коткино, Бугрино, Амдерма ӈэсыхы’ Советхана несэй тэравы’’хибяри’’ манзараӈгу’’,таняна илена’’хибяри’’няндо’ ена’’.