Хор’’ ирий’ нябимдей си’’ив ныланава яляхана маня’’ яханана’’ сельской хозяйствохона манзарана’’ хибяри’’ хэбидя ялям’ мэцетыва’’.
Ваеравы яляхана ӈэсыхына манзаидо’ минрена хибяри’’ маркана ма’’ламбидось, СПК «Харп» манзарана танець. Награда’’ ня’’амвы поӈгана Надежда Николаевна Выучейской нюмдець.
Тикы нява’’ Краснойхана иле, нямбара, я’’авлада, илан’ мэёвна сырта, хусувэй серм’ мянта’’ некоцям сяхари’’ маркана ядабтабнани’ ими’ салмзеты.
Тикы пысакабтёда некоця Ӈарка я’ хойхана соявы. Нюдякоходанда хари’’ янанда мюсермы, хойхана ӈацекы ӈэвы’’ пода ябдась ваераць, таняна нита’’ хэвхана хой илм’ торумдабись. Небяконда’ хэвхана хой не хусувэй минрена манзаян’ тоходанавы – нибям’ ня’’амбась, ютъяа’’амна сэдорась, хоба’’, пена’’ напась, мяд’ еям сэдбась.
Тарем’ по’’ ваера’’. Надежда Выучейской мале’ ӈока по’’ ямбан манзара, хусувэй небяхаданда минрена теневанида’’ хусувэй яля манзаянанда маниейда.
Школахана тоходанавамда ёльцесь, Надежда хаюпа хаясь, тикы’ пуд’’ мале’ понку мяд манзаи пэртяӈэ’ вэсаконда’ хэвхана вымна мюсерӈась. СПК «Ерв» бригадахана манзараӈаханзь. Хусувэй манзаямда сававна минрезеты, сэдорасеты, ӈаварм’ пиребасеты, мята тавдабасеты, нюда’’ вадабись.
По’’ ваерась, хой’ тер’’ некоця илевада ӈани’’ сер’’ сюрхалъй. Надежда Николаевна нись’ харва хойхад хардан’ илеванзь ха’’мыць. Тарем’ те’ ёльцянд Краснойхана иле. Юкад вата самляӈг по’’ ямбан таняна манзара.
– Хойхад тобнани’ мастерскоян’ манзараванзь сэдоранаӈэ тодамзь, тикахана манзарана ӈуда’’ пили’’ тарасеты’’. Ханзер’’ тенев, тамальӈгы похо’’на’’ ӈока манзаява’’ яӈгусеты, мальця’’, тобак’’ тянёвна сэдбасетыва’’, – невхы похо’’на’’ манзаравыда тензебтембась, мел’’ не лахана.
Тены похо’’на’’ СПК «Харпхана» сэдорава’ хардадо’ тане, хойхана мюсерта’’ е’’эмня тарана ембдяр’’ сэдби’’, ӈани’’ заказдо’ танесеты’’. Таняна самляӈг хибяри’’ манзара’’. Мехпошив’ манзаравам’ нерня’ тидхалебадаӈэ, манзаямда теневана не, Надежда Николаевна Выучейской тара.
– Маня’’ ӈобнзер’ сававна манзарава’’, сэдорась нята’ нини’’ мал’ манзаидо’ теневана’’. Ӈэсыхынана’’ илена’’ хибяри’’ е’’эмня сэдорава’’, хойхана мюсерта’’ нина’’ сэдорпива’’. Хусувэй таранам’ сэдбива’’ – бурка’’, тапочка’’, пиви’’, тобак’’, липтэ’’, мальця’ таӈгам, брентхад, хобахад еям’. Мел’ нини’’ хобахад, пенахад, нойхад, тохоцяхад хусувэй ӈамгэм сэдась мян’’ӈа’’. Неняӈг’’ ёльцяӈгана есярм’ сэдабасетыва’’ – сэдорана’’ харад’ ервота ваде’’ӈада’’.
– Мань тюкон манзарась тобнани’, тамальӈгы похо’’на’’ ненэця’’ хари’’ ембдяродо’ ӈояк’ нисетыдо’ мэс’’, лавкахад тэмдавы’’ иба ембдяро’ мэцеты’’. Хадри’ саварха’ ӈэвакы… Пудана похо’’на’’ мал’ ӈани’’ сер’’ сюрхалъй’. Ненэця’’ вындер’ ембдярт’ харвэлыд’’, хамадабидо’ тарця ембдяр’’ тецьдахана сямянд’ сава, иба, нюлак. Нянэй хобахад сэдвы мальця’ пон’ ибам лэтби. Нянана’’ тарця сер’’ маймбцо. – мел’’ нями’ ибедормамда хэта.
Тюку ялян’ хэтась СПК «Харп» сэдорана’’ хардахана мел’’мана сэдорана не’’ манзаядо’ тэворӈа’’. Тюкохона хусувэй таранам’ хибяри е’’эмня сэдби’’. Мят’ тутан’, тарана заказм’ сертаӈгун’, тарабнанда ӈацекы бурка’’, тапочка’’, сувенир’’ӈэя’’. Мел’ не’’ сидда’ ядабтаӈгу’’, ӈамгэ таранам’ ӈобкана таслаӈгура’’, сян’ яля’’ ваерась манзая хамадёда.
– Сяха’ хибярина’’ маня’’ сэдвы’’ манзаина мэць маниебнана’’, ихинана’’ сава ӈэсеты’’. Маня’’ ханзоць сэдорава’’, хусувэй манзаява’’ ивъер’ сэдбада, хусувэй ӈамгэда сававна сэдвы ӈэбнанда. Паской мадавы’’ сертабасетыва’’, тикахана таминдя’ тамна паскоярка ӈэӈгу.
Маня’’ минрена манзаява’’ мэнева’’, ивнана’’ ӈэда манзаи’’ пэрӈава’’, хойхана мюсерта’’ нина’’ ембдярка’ сэдбива’’. Тикы нянана’’ сямянд’ тарана’’, сырэй ёльцяӈгана ни’’ ханьтаӈгу’’- лаханавани’ пуданана Надежда Николаевна мась.
Перевод на русский язык
Труд во благо земляков
На днях в Нарьян-Маре чествовали работников сельского хозяйства и агропромышленной отрасли нашего региона.
Среди награждаемых – труженики СПК «Харп», в их числе и заведующая меховой мастерской Надежда Николаевна Выучейская.
Каждый раз при встрече с Надеждой Николаевной, жительницей посёлка Красное, удивляюсь её энергичности, жизнестойкости, умению с лёгкостью справиться с любым делом.
Эта удивительная женщина – уроженка Большеземельской тундры. Она с рождения кочевала по родной земле, в тундре прошли счастливые годы детства, там училась премудростям тундровой жизни. Возле мамы научилась главному ремеслу женщины-тундровички – рукоделию, переняла умение выделывать шкуры и камусы, шить малицы, пимы, нюки для чумов.
И вот уже на протяжении многих лет знания и навыки работы с мехом Надежда Выучейская умело применяет в каждодневном труде.
После школы Надежда вышла замуж, стала чумработницей в одной из бригад СПК «Ерв», объездила всю Варандейскую тундру. Успешно справлялась с хозяйством, шила меховую одежду, готовила пищу для оленеводов, наводила порядок в чуме, занималась воспитанием детей.
Но время внесло свои коррективы в дальнейшую жизнь северянки. Семейные обстоятельства вынудили Надежду Николаевну перейти на оседлость. Более пятнадцати лет она успешно трудится в посёлке Красное.
– Пришла работать в мастерскую, сначала была швеёй, дополнительные руки в нашем деле всегда нужны. Как помню, заказов тогда было мало, – вспоминая былое, рассказывает мастерица.
В настоящее время в СПК «Харп» функционирует мастерская по пошиву традиционной национальной одежды. Там успешно трудятся пять человек. Управляет дружным коллективом мастеров Надежда Николаевна Выучейская.
– Коллектив у нас работоспособный, каждый отлично выполняет свою работу. У мастериц в обиходе мех, сукно, ткань. Шьём для жителей посёлка и оленеводов – бурки, тапочки, тобаки, малицы, рукавицы, рубашки для малиц, липты, из брезента покрытие на чум, словом, всё, что востребовано в хозяйстве. Летом шьём балаганы и подушки, если нужны, – рассказывает хозяйка мастерской.
Сегодня работы труженицам мастерской СПК «Харп» хватает. Сюда можно приехать и сделать заказ на пошив, мастерицы снимут мерки, помогут подобрать узор, цвет.
– Когда я пришла в мастерскую, почти никто не носил национальную одежду. За последние годы ситуация изменилась. Люди снова тянуться к традиционному наряду. Понимают и знают, что это комфортно, удобно и тепло. Свои изделия мы делаем качественно и с гарантией. Посмотрите на узоры, которыми мы их украшаем, их много и все они красивые. Мы получаем радость от своего творчества и делимся ей с людьми – это для нас самое главное, – в завершение разговора поделилась Надежда Николаевна.
